Þarna hefði Elton getað stolið þessu!! Frábær stungusending hjá Degi inn á Elton bakvið vörnina en skotið hans rétt yfir markið.

Elton með skalla sem Arnar ver.

Lítið að frétta akkúrat núna, fáum við sigurmark?

Dagur Dan í dauuuuðafæri, fær boltann skoppandi inn í teig á flottum stað en hallar sér of mikið aftur og setur boltann klaufalega yfir.

Fínn sprettur hjá Ágústi, setur boltann út á Ragnar sem tekur skot úr D-boganum, boltinn fer í bakið á Gulla og útaf en Þorvaldur dæmir markspyrnu. Fróðlegt.

STÓRSÓKN hjá Haukum.

Fyrst er það Aran sem sleppur einn í gegn á móti Arnari sem ver stórkostlega! Boltinn berst þá út fyrir teig hægra meign á Arnar Aðalgeirs sem á bylmingsskot rétt framhjá.

Upp úr þurru kemur sending fyrir frá Ágústi, Guðmundur skallar boltann af fjær og á nær þar sem Bjarni Gunn kemur á fleygiferð en skallar boltann yfir, þetta var gott færi hjá HK, þeir eru vaknaðir vonandi.

Ef einhver þekkir til hérna í Kórnum þá væri alls ekki galið að ná í HK-ingana í búningsklefann sinn, þeir hafa ekki mætt til leiks í seinni hálfleik.

Elton með skot rétt framhjá markinu, Haukarnir koma fáránlega sterkir úr hálfleiksræðunni hjá Luka. HK ekki komist yfir miðju í seinni hálfleik.

Arnar Aðalgeirss með skot úr teignum þónokkuð framhjá markinu.

Seinni hálfleikur hafinn.

Þarna mátti ekki miklu muna!!

Elton með skalla eftir fyrirgjöf frá vinstri, frábær skalli í fjærhornið sem Arnar á aldrei séns í en Birkir mættur á hárréttum tíma til að bjarga á línunni.

Jói Kalli vinnur boltann vel á miðsvæðinu, geysist upp kantinn og leggur hann svo út á Hákon sem er lengi að fóta sig og skýtur í varnarmann og útaf. Hornspyrna.

Aron Jó með skot rétt fyrir utan D-bogann sem strýkur stöngina. En framhjá fór hann.

Arnar Freyr grípur fyrirgjöf frá Degi, er fljótur að átta sig og hamrar skuggalega flötum og sexý bolta beint upp á Hákon sem var við það að sleppa einn í gegn en Magnús áttaði sig á hættunni, rauk út og þrumaði boltanum í burtu.

HK-ingum neitað um vítaspyrnu. Birgir fær boltann gífurlega augljóslega í höndina eftir að hann skoppaði fyrir framan hann. Það sá þetta hver einasti maður. Birgir ekki með höndina upp við líkamann.

Magnús í skógarúthlaupi í markinu, kýlir boltann út í teig og Ragnar með skot rétt framhjá. Færi eftir færi.

Nú bíta Haukar frá sér, há fyrirgjöf sem Guðmundur skallar upp í loftið, Dagur Dan kemur á fleygiferð og reynir að stýra erfiðum bolta í hornið en boltinn rétt framhjá!

Það er kannski engin Bieber stemming í stúkunni en byrjunin á þessum leik fantafín. Og nei þetta er alls ekki síðasta Bieber tengingin mín í þessari textalýsingu.

Hákon Ingi í hættulegu færi en meistaralega bjargað hjá Gulla, nær að komast í boltann á undan Hákoni og setja boltann í horn.

Skalli yfir eftir horn hjá Haukum. Skallann átti Gunnlaugur Fannar.

Vel spilað hjá HK, skemmtilegt samspil hjá Ágústi og Hákoni sem endar með því að Ágúst setur Hákon í gegn en færið þröngt og skotið fast en í hliðarnetið!

Afleit sending frá Alexander sem ætlar að skipta yfir allan völlinn, ekkert heimilisfang og boltinn beint útaf, innkast sem HK á.

Haukarnir ekki að ná að fóta sig svona á fyrstu mínútum leiksins, HK-ingar byrja vel aftur á móti.

Ágúst með fínan sprett upp vinstri kantinn fyrir HK en svo fer hann í einhverja vonleysu og hleypur með boltann útaf, þetta leit vel út.

Óli Jó þjálfari Valsmanna mættur á leikinn, menn í gæslunni ætluðu að stöðva hann að labba í gegnum fjölmiðlastúkuna en Óli sagði þeim að vera alveg rólegir. ,,Þetta er allt í góðu, ég er að skrifa um leikinn."

Ágúst Freyr með fyrstu skottilraun leiksins, sá að Magnús var illa staðsettur og lét vaða vel fyrir utan teig í erfiðri stöðu en Magnús í engum vandræðum með skotið.