Silfurskeiðin í þrumustuði. Ánægð með að fá laugardagsleik. Syngja og tralla. Gaman að þessu.

Liðin mætt út á völl. Ólsarar í hvítum varabúningum sínum í dag.

Vallarþulurinn ruglast á Víkingi Ólafsvík og segir Ólsara vera frá Ólafsfirði. Mannleg mistök og búið að biðjast afsökunar.

Veigar Páll Gunnarsson er á bekknum hjá Stjörnunni í dag. Er þetta síðasti leikur hans í Stjörnutreyjunni?

Stuðningsmenn Ólafsvíkinga líka mættir. Þó talsvert færri en Garðbæingar.

Silfurskeiðin syngur söngva og er í miklu stuði í stúkunni. Stjarnan Íslandsmeistari í kvennaflokki í gær og karlaliðið endar í 2. sæti með sigri í dag.

Byrjunarliðin eru klár hér til hliðar. Guðjón Baldvinsson og Baldur Sigurðsson koma inn í liðið frá því gegn Fjölni. Guðjón var í banni þá en Baldur kom inn á sem varamaður eftir að hafa verið að stíga upp úr meiðslum.

Hólmbert Aron Friðjónsson er fjarri góðu gamni í dag og þá fer Arnar Már Björgvinsson á bekkinn.

Egill Jónsson, Pape Mamadou Faye og Tomasz Luba eru allir í leikbanni hjá Víkingi. Björn Pálsson, Kramar Denis og Hrvoje Tokic koma inn í liðið.

Ef þú ert á ferðinni, stilltu þá inn á X-ið 97,7 þar sem Fótbolti.net fylgist með lokaumferðinni allt til klukkan 16:00 í dag.

Umræða í kringum lokaumferðina verður lifandi undir #fotboltinet

Pontus Nordenberg, vinstri bakvörður Ólsara, var í vikunni dæmdur í leikbann. Víkingur áfrýjaði banninu en áfrýjunin verður ekki tekin fyrir fyrr en eftir helgi. Pontus má því spila í dag.

Þrír leikmenn Víkings Ólafsvíkur eru í banni í dag.

Eg­ill Jóns­son, Pape Mama­dou Faye og Tom­asz Luba verða allir í stúkunni. Vont fyrir Ólsara sem eru langt frá því að vera með breiðasta hópinn í deildinni.

Björn Pálsson - Víkingur Ó.
Við höfum farið í Garðabæinn tvisvar síðan ég gekk til liðs við Víking. Fyrri leikurinn, árið 2013, endaði 3-2 og seinni leikurinn í bikarnum í ár endaði 2-2. Sagan segir að þetta gæti orðið jafn og skemmtilegur markaleikur en svo veit maður ekkert hvernig þetta spilast núna. Ég tel okkur eiga möguleika en Stjörnumönnum finnst örugglega að þeir eigi að vinna okkur. Það er pressa á báðum liðum að vinna.

Ævar Ingi Jóhannesson - Stjarnan
Þetta er mjög mikilvægur leikur fyrir bæði lið og ég held að þetta verði bara hörkuleikur. Við vitum að Ólsararnir eru mjög þéttir til baka og það er erfitt að brjóta vörnina þeirra niður. Þeir hafa líka flotta sóknarmenn sem geta valdið usla. Því mæli ég bara eindregið með því að fólk mæti á flottan fótbolta leik á rennisléttu teppinu í Garðabæ.

Stjarnan gulltryggir Evrópusæti með sigri á meðan Víkingur Ólafsvík gulltryggir sæti sitt í deildinni með sigri. Jafntefli breytir engu fyrir Ólafsvíkinga. Af hverju? Hvaða fleiri möguleikar eru í stöðunni? Kíkjum á það.

- Stjarnan er örugg með Evrópusæti með sigri.

- Jafntefli dugar Stjörnunni til að ná Evrópusæti ef KR vinnur ekki Fylki eða ef leikurinn í Kópavogi endar með jafntefli.

- Tapi Stjarnan á liðið samt nánast öruggt Evrópusæti ef KR vinnur ekki. Sætið tapast ef Stjarnan tapar með fjögurra marka mun og KR gerir jafntefli.

- Víkingur Ólafsvík heldur sæti sínu í deildinni með sigri.

- Sama hvernig leikurinn fer halda Ólsarar sér ef Fylkir vinnur ekki sinn leik.

- Ef Fylkir vinnur dugar jafntefli Ólsurum ekki til að halda sætinu nema ÍBV tapi risastórt fyrir FH sem er ansi langsótt.

Góðan og margblessaðan!
Hér verður bein textalýsing frá leik Stjörnunnar og Víkings Ólafsvíkur í næstsíðustu umferð í Pepsi-deildinni.

Stjarnan er fyrir leikinn í 2. sæti deildarinnar og í harðri Evrópubaráttu á meðan Ólafsvíkingar eru í 10. sæti, tveimur stigum frá fallsvæðinu.