Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍA
3
2
KR
0-1 Þorsteinn Már Ragnarsson '11
Jóhannes Karl Guðjónsson '40 1-1
Arnar Már Guðjónsson '51 2-1
2-2 Kjartan Henry Finnbogason '74
Gary Martin '83 3-2
10.05.2012  -  20:00
Akranesvöllur
Pepsi-deild karla
Aðstæður: Völlurinn frábær og veðrið ágætt
Dómari: Þorvaldur Árnason
Áhorfendur: Um 3000
Maður leiksins: Páll Gísli Jónsson
Byrjunarlið:
Jóhannes Karl Guðjónsson
Páll Gísli Jónsson
Aron Ýmir Pétursson
Arnar Már Guðjónsson
Einar Logi Einarsson
Ármann Smári Björnsson
10. Jón Vilhelm Ákason ('72)
17. Andri Adolphsson ('60)

Varamenn:
12. Árni Snær Ólafsson (m)
14. Ólafur Valur Valdimarsson ('60)
19. Eggert Kári Karlsson ('87)
25. Andri Geir Alexandersson
29. Guðmundur Böðvar Guðjónsson
32. Garðar Gunnlaugsson

Liðsstjórn:

Gul spjöld:
Jóhannes Karl Guðjónsson ('91)

Rauð spjöld:
Fyrir leik
Komiði sæl og veriði velkomin í beina textalýsingu frá leik ÍA og KR í 2. umferð Pepsi-deildar karla. Liðunum er báðum spáð góðu gengi í deildinni í sumar en þau byrjuðu misjafnlega í fyrstu umferð. KR gerði þá 2-2 jafntefli við Stjörnuna heima og ÍA gerði góða ferð í Kópavoginn og vann Breiðablik 1-0.
Fyrir leik
Byrjunarliðin eru klár hérna sitt hvorum megin við textann.

Hjá ÍA er gerð ein breyting. Garðar Gunnlaugsson er á bekknum í kvöld og í hans stað kemur Jón Vilhelm Ákason sem átti góða innkomu í leiknum við Breiðablik.

Hjá KR er líka gerð ein breyting. Emil Atlason fer á bekkinn og í hans stað í byrjunarliðinu kemur Þorsteinn Már Ragnarsson.
Fyrir leik
Þetta er merkilegur leikur fyrir margra hluta sakir. Þetta er fyrsti heimaleikur ÍA í efstu deild síðan 2008 og þeim mæta erkifjendurnir í KR, núverandi Íslands- og bikarmeistarar. Síðast mættust þessi lið í september 2008 hér á Akranesi og þá endaði leikurinn með markalausu jafntefli.
Fyrir leik
Merkileg staðreynd að þessi lið hafa mæst 122 sinnum í opinberum leikjum á vegum KSÍ frá árinu 1953. Staðan í þessum innbyrðis viðureignum er sú að ÍA hefur unnið 51 leik, KR hefur unnið 46 leiki og 22 leikir hafa lyktað með jafntefli. Markatalan í þessum leikjum er 195-185 ÍA í hag.
Fyrir leik
Mætingin á völlinn í kvöld er frábær. Stuðningsmenn beggja liða streyma inn á völlinn og stúkan er að verða full. Þó er alltaf pláss á grasbalanum fyrir áhugasama sem hafa tök á að líta á leikinn.
Fyrir leik
Þetta er í fyrsta sinn sem bræðurnir Jóhannes Karl Guðjónsson og Bjarni Guðjónsson mætast á knattspyrnuvellinum og þeir eru báðir fyrirliðar sinna liða í dag.
Fyrir leik
Nú ganga bæði lið inn á völlinn. Frábær stemmning er á vellinum.
Fyrir leik
Fyrir leik er Sigursteins Gíslasonar minnst með einnar mínútu klappi en hann lést fyrir skömmu af veikindum. Hann var sigursælasti leikmaður Íslands fyrr og síðar í knattspyrnu og lék með báðum liðum við frábæran orðstír.
1. mín
Leikurinn er hafinn. KR-ingar byrja með boltann.
5. mín
Leikurinn byrjar af fullum krafti og bæði lið mæta til leiks til að sigra. KR fær hornspyrnu og Rhys David Weston á skalla sem fer rétt framhjá stönginni.
11. mín MARK!
Þorsteinn Már Ragnarsson (KR)
KR skorar eftir góða skyndisókn. Óskar Örn Hauksson leikur með boltann í átt að vítateig ÍA. Þar er Þorsteinn Már Ragnarsson einn á auðum sjó og nær að skora í nærhornið, óverjandi fyrir Pál Gísla Jónsson í markinu.
19. mín
Mikil barátta í gangi í leiknum af hálfu beggja liða en hvorugt liðið er að skapa sér hættuleg marktækifæri þessa stundina.
22. mín
ÍA fær aukaspyrnu á hættulegum stað rétt við vítateiginn. Jóhannes Karl Guðjónsson tekur spyrnuna og boltinn lendir í þverslánni og aftur fyrir endamörk.
26. mín Gult spjald: Baldur Sigurðsson (KR)
Baldur Sigurðsson fær áminningu fyrir ljótt brot á Jóhannesi Karli Guðjónssyni.
29. mín Gult spjald: Viktor Bjarki Arnarsson (KR)
Viktor Bjarki fær áminningu fyrir grófa tæklingu á Jóhannesi Karli Guðjónssyni.
33. mín
Óskar Örn Hauksson á gott skot rétt fyrir utan vítateig ÍA sem fer rétt framhjá markinu.
36. mín
Baldur Sigurðsson leikur boltanum í vítateig ÍA og á fast skot sem Páll Gísli Jónsson í markinu ver vel.
37. mín
Mark Doninger á skot að marki KR en boltinn fer yfir markið. Fyrsta álitlega sókn ÍA í töluverðan tíma.
39. mín
ÍA fær aukaspyrnu rétt fyrir utan vítateig KR á hættulegum stað.
40. mín MARK!
Jóhannes Karl Guðjónsson (ÍA)
Jóhannes Karl skorar stórglæsilegt mark beint úr aukaspyrnunni. Boltinn fór efst í markhornið og Hannes Þór átti ekki möguleika á að verja boltann.
44. mín
KR fær hornspyrnu sem Bjarni Guðjónsson tekur. Boltinn fer til Baldurs Sigurðssonar sem á frábæran skalla en Páll Gísli varði frábærlega.
44. mín
KR fær aðra hornspyrnu. Óskar Örn Hauksson tekur hornspyrnuna og þar er Grétar Sigfinnur Sigurðarson vel staðsettur og á frábæran skalla efst í markhornið. Páll Gísli Jónsson gerði sér lítið fyrir og bjargaði aftur með meistaralegri markvörslu.
45. mín
Þorvaldur Árnason hefur flautað til hálfleiks og staðan er 1-1. Fyrri hálfleikur var frekar rólegur framan af en mikið líf færðist í leikinn síðustu 10 mínúturnar.
46. mín
Seinni hálfleikur er hafinn og Skagamenn byrja með boltann.
46. mín
Inn:Dofri Snorrason (KR) Út:Gunnar Þór Gunnarsson (KR)
Skipting hjá KR í hálfleik. Dofri Snorrason kemur inn í staðinn fyrir Gunnar Þór Gunnarsson.
49. mín
KR fær sína tíundu hornspyrnu í leiknum. Óskar Örn Hauksson sendir boltann á Bjarna Guðjónsson sem á frábæra sendingu inn í vítateig þar sem Grétar Sigfinnur kemst í boltann á undan Páli Gísla markverði en skalli hans fer rétt framhjá stönginni.
51. mín MARK!
Arnar Már Guðjónsson (ÍA)
Andri Adolphsson fær boltann og kemst upp að endamörkum. Hann nær góðri fyrirgjöf inn í markteig þar sem Arnar Már Guðjónsson kemst í boltann á undan varnarmönnum og skorar með góðu skoti í stöng og inn.
59. mín
Viktor Bjarki Arnarsson með ágætt skot að marki ÍA en boltinn fór nokkuð framhjá markinu.
60. mín
Inn:Ólafur Valur Valdimarsson (ÍA) Út:Andri Adolphsson (ÍA)
Andri Adolphsson þarf að víkja af leikvelli og Ólafur Valur Valdimarsson kemur inn á í hans stað.
67. mín
KR fær aukaspyrnu utarlega við vítateig ÍA, nálægt endamörkum. Haukur Heiðar Hauksson á frábæra aukaspyrnu sem Páll Gísli Jónsson varði frábærlega í horn.
69. mín
Baldur Sigurðsson á góða rispu upp hægri kantinn og gefur góða sendingu inn í vítateig þar sem Þorsteinn Már Ragnarsson er vel staðsettur og nær skoti sem endar í hliðarnetinu.
72. mín
Inn:Wentzel Steinarr Ragnarsson Kamban (ÍA) Út:Jón Vilhelm Ákason (ÍA)
74. mín MARK!
Kjartan Henry Finnbogason (KR)
Óskar Örn Hauksson á frábæra sendingu inn í vítateig ÍA þar sem Kjartan Henry Finnbogason skorar með góðum skalla í fjærhornið.
82. mín
KR að fá sína 19 hornspyrnu í leiknum. Þeim hefur ekki tekist að nýta þær að neinu marki enn sem komið er.
83. mín MARK!
Gary Martin (ÍA)
Dean Martin með sendingu fram völlinn. Misskilningur er á milli markvarðar og varnar KR og Gary Martin kemst inn á milli þeirra og vippar boltanum í autt markið.
84. mín
Haukur Heiðar Hauksson á góða rispu upp kantinn og Baldur Sigurðsson skýtur yfir markið í dauðafæri.
86. mín
Dean Martin á sendingu utan af kanti og boltinn smellur í stönginni.
87. mín
Inn:Eggert Kári Karlsson (ÍA) Út:Gary Martin (ÍA)
90. mín
Inn:Emil Atlason (KR) Út:Viktor Bjarki Arnarsson (KR)
90. mín
5 mínútur í viðbótartíma. Skagamenn eru undir þungri pressu frá KR.
91. mín Gult spjald: Jóhannes Karl Guðjónsson (ÍA)
Jóhannes Karl fær áminningu fyrir leikaraskap.
95. mín
Leikurinn er búinn. Skagamenn vinna 3-2 í miklum baráttuleik.
Byrjunarlið:
Viktor Bjarki Arnarsson ('90)
2. Grétar Sigfinnur Sigurðarson
3. Haukur Heiðar Hauksson
6. Gunnar Þór Gunnarsson ('46)
8. Baldur Sigurðsson
8. Þorsteinn Már Ragnarsson
9. Kjartan Henry Finnbogason
22. Óskar Örn Hauksson (f)

Varamenn:
5. Egill Jónsson
11. Emil Atlason ('90)
23. Atli Sigurjónsson

Liðsstjórn:

Gul spjöld:
Viktor Bjarki Arnarsson ('29)
Baldur Sigurðsson ('26)

Rauð spjöld: