Túfa þjálfari KA byrjar á því að ganga út og snerta grasið og signa sig. Fer síðan til stuðningsmanna KA og ber á brjóstið. Þvílíkur maður. Liðin eru komin út á völl...

Bö-vélin færir þær fréttir að í liði KA séu þrír leikmenn sem eru fyrrum starfsmenn Kópavogsvallar; Guðmann, Elfar Árni og Steinþór. Af þeim þremur fær Steinþór langbesta dóminn frá Bö, var víst svakalegur í slættinum.

Liðin eru mætt út á völl í upphitun og fjölmiðlamenn að hella í sig Kópavogsdjúsnum. 2017 útgáfan prýðileg. Spenna í lofti.

Þökkum góð viðbrögð á Snapchat. KA-maður sem sendi okkur þær upplýsingar að Hrannar væri meiddur en ætti að vera klár í næsta leik.

Uppstilling Blika (4-3-3):
Gulli
Guðmundur - Gísli - Damir - Davíð
Oliver - Arnþór - Andri Rafn
Aron - Tokic - Martin Lund

Uppstilling KA (4-3-3):
Rajko
Bjarki - Guðmann - Callum - Darko
Trninic - Steinþór - Almarr
Ásgeir - Elfar - Hallgrímur

Byrjunarliðin eru komin inn. Gísli Eyjólfs miðvörður eins og við höfðum greint frá. Nýja sóknartríóið byrjar.

Hjá KA vantar Hrannar Björn Steingrímsson en ekki hef ég upplýsingar um ástæðuna. Að öðru leyti ekkert óvænt í byrjunarliðinu þar. Archie Nkumu og Davíð Rúnar Bjarnason eru meiddir.

Kópavogsvöllur lítur prýðilega út en það er búið að rigna og blása vel í allan dag. Þokkalegur vindur í augnablikinu en vonandi mun lægja áður en flautað verður til leiks.

Blautur Kópavogsvöllur. @zicknut að gefa skipanir. Breiðablik gegn KA 17:00 #fotboltinet pic.twitter.com/dfaNRp4w0d

— Elvar Geir Magnússon (@elvargeir) May 1, 2017

Ívar Orri Kristjánsson sér um að dæma leikinn í dag. Tveir af okkar allra bestu aðstoðardómurum eru honum til halds og trausts, Birkir Sigurðarson og Andri Vigfússon.

Túfa, þjálfari KA:
Það er spenna hjá mér, leikmönnum og öllum sem koma nálægt þessu. Við höfum beðið lengi eftir þessu. Það er rúta klár sem fer frá Akureyri og það er líka mikið af stuðningsmönnum KA fyrir sunnan. Schiötharar eru með þetta allt á hreinu. Ég reikna með mörgum KA mönnum á vellinum.

Fylgist með...
Breiðabliki gekk ekki nægilega vel í markaskorun í fyrra og Arnar Grétars skellti sér út á markaðinn og náði í þrjá sóknarmenn á einu bretti. Króatinn Hrvoje Tokic, Daninn Martin Lund Pedersen og Reykvíkingurinn Aron Bjarnason eiga að búa til mörk í Kópavoginum.

KA er með öflugan hóp og leikmenn sem eru ákveðnir í að sanna sig i Pepsi-deildinni. Þar á meðal er hinn tvítugi Ásgeir Sigurgeirsson, stórskemmtilegur leikmaður sem vert er að gefa gaum.

Í hjarta varnar KA er svo Guðmann Þórisson sem lék með meistaraflokki Breiðabliks 2005-2009 áður en hann fór til FH. Öflugur varnarmaður sem er algjör lykilhlekkur í Akureyrarliðinu.

Velkomnir KA-menn!
KA er komið aftur upp í deild þeirra bestu eftir tólf ára fjarveru. Gaman að fá þá gulu aftur upp og það er mikil eftirvænting í þeirra röðum fyrir þessum leik. Það verður góð mæting að norðan í Kópavoginn í dag.

Við erum mættir og okkur á bara eftir að fjölga!! #LifiFyrirKA #pepsi365 #fotboltinet #BKKjúklingur pic.twitter.com/Hkoh5o1UwU

— Schiöthararnir (@Schiotharar) May 1, 2017

Miðvarðavandræði Breiðabliks
Miðjumaðurinn Gísli Eyjólfsson á að fá það hlutverk að spila með Damir Muminovic í hjarta varnar Breiðabliks í dag samkvæmt okkar heimildum. Elfar Freyr Helgason er á láni í Danmörku og þá er Viktor Örn Margeirsson ekki kominn í stand eftir meiðsli.

Spá Fótbolta.net:
5. sæti: Breiðablik
7. sæti: KA

Góðan og gleðilegan hátíðardag verkamanna. Ég tek mér ekki frí frekar en leikmenn og starfslið Breiðabliks og KA sem eigast við á Kópavogsvellinum klukkan 17 í fyrstu umferð Pepsi-deildarinnar.