Nýr leikmaður, Nacho Heras byrjar í dag og er líklegt að hann verði í vinstri bakverðinum. Hörður Ingi byrjaði í þeirri stöðu í fyrstu umferð. Það gekk ekkert alltof vel hjá honum með Dion Acoff en það er reyndar ekkert skrítið þar sem hann var að byrja sinn fyrsta leik í meistaraflokki.

Nokkuð athyglisvert er að Einar Hjörleifsson er mættur aftur á varamannabekk Víkinga þrátt fyrir að hafa gefið það út að vera hættur. Það er vegna þess að Konráð Ragnarsson varamarkmaður Víkinga lék leik með 2. flokk Víkings fyrr í dag og er ekki heimilt að spila tvo leiki á 24 klukkutíma tímabili

KR-ingar hafa tvisvar sinnum komið í heimsókn í Ólafsvík í efstu deild karla og í bæði skiptin hafa þeir farið með 1-0 sigur aftur til Reykjavíkur.

Það verður spennandi að sjá hvort liðin breyti eitthverju varðandi byrjunarlið sín en Víkingar neyddust til þess að gera miðvarðarskiptingu í síðari hálfleik gegn Völsurum og á Alvogenvellinum þurfti Kennie Chophart að fara af velli í fyrri hálfleik

Góðan Dag og verið hjartanlega velkomin í beina textalýsingu frá leik Víkings Ólafsvíkur og KR í annari umferð Pepsi deildar karla.

Bæði lið fóru nokkuð brösulega af stað en Víkingar fóru í heimsókn á Hlíðarenda í fyrstu umferðinni þar sem þeirra beið 2-0 ósigur. KR-ingar hins vegar fengu hina Víkingana frá Reykjavík í heimsókn. KR komust yfir en enduðu á því að tapa leiknum 2-1.