Uppstilling Stjörnunnar 4-2-3-1:

Halli
Jóhann - Brynjar - Daníel - Jósef
Eyjólfur - Alex
Hólmbert - Baldur - Hilmar
Guðjón

Höskuldur Gunnlaugsson að spila sinn 100. leik fyrir Blika. Hann fær viðurkenningu fyrir það, blómvöndur og með því.

Liðin eru að ganga út á völlinn. Það er stutt í leik. Fögnum því að sjálfsögðu!

Fjölmiðlaspá:

Andri Yrkill, Morgunblaðinu: 2-2.
Kristinn Teitsson, Vísir.is: 3-1 fyrir Stjörnunni. Free flowing football segir maðurinn.

Ég spái þessu 2-0 Stjarnan. Hólmbert og G. Baldvins. Hilmar Árni leggur pottþétt eitthvað upp í dag.

Rögnvaldur Ágúst Ragnarsson, betur þekktur sem Röggarinn, er hluti af Silfurskeiðinni, stuðningsmannaliði Stjörnunnar. Hann spáir nokkuð þægilegum Stjörnusigri. Það er 3-1 fyrir gestina þar sem Hólmbert skorar. Hann býst þó við dýrvitlausum Blikum í kvöld!

Óvænt að Hólmbert Aron er í byrjunarliðinu hjá Stjörnunni. Búist var við að hann myndi alla vega missa af 1-2 leikjum en hann er mættur og klár í slaginn. Hann hefur byrjað gríðarlega vel og vill fylgja því eftir hér í dag.

Michee Efete, Viktor Örn Margeirsson og Damir Muminovic byrja allir. Viktor Örn verður í hægri bakverði fyrir Guðmund Friðriksson sem er veikur. Oliver er enn meiddur.

Jæja, þá er maður mættur á Kópavogsvöllinn. Hann er í frábæru standi og það kemur lítið á óvart kannski. Það er að dropa aðeins á höfuðborgarsvæðinu og það býður bara upp á tæklingar og skemmtilegri leik. Það er smá vindur en ekkert sem á að trufla gæði leiksins!

Það allra nýjasta úr þjálfaramálunum hjá Blikunum er það að Sigurður Víðisson, sem hefur gegnt hlutverki aðstoðarþjálfara, mun stýra liðinu gegn Stjörnunni. Hann furðaði sig á því hvers vegna öllu teyminu hafi ekki verið sagt upp störfum en það kom fram í viðtali hér á Fótbolta.net.

Það er mikill rígur milli þessara félaga síðustu ár en það muna kannski einhverjir eftir því er Ólafur Karl Finsen, leikmaður Stjörnunnar, stalst inn í klefann hjá Blikunum og tók þar skó sem Gunnleifur Gunnleifsson, markvörður Blika, átti og tók það upp á myndband. Hægt er að lesa meira um það atvik með því að smella á tengilinn hér fyrir neðan.

Óli Kalli sektar Blika og stelur skónum hans Gulla

Liðin gerðu þá markalaust jafntefli núna á undirbúningstímabilinu í Lengjubikarnum en þar fékk Aron Kári Aðalsteinsson að líta rauða spjaldið hjá Blikum eftir aðeins ellefu mínútna leik.

Blikar unnu einnig fyrri leikinn á Samsung-vellinum og lauk honum 3-1 Blikum í vil. Mörkin komu öll á síðustu tuttugu mínútum leiksins en Daniel Bamberg skoraði á 72. mínútu, Atli Sigurjónsson á 80. mínútu áður en Arnar Már Björgvinsson minnkaði muninn tveimur mínútum síðar. Arnþór Ari lokaði svo dæminu undir lokin.

Það var líf og fjör síðast þegar Breiðablik og Stjarnan mættust en Blikar unnu 2-1 á Kópavogsvelli. Arnþór Ari Atlason kom Blikum yfir á 10. mínútu áður en Halldór Orri Björnsson skoraði nokkrum sekúndum síðar. Dramatíkin náði svo hámarki þegar Höskuldur Gunnlaugsson skoraði sigurmarkið undir lok leiks.

Stjarnan hefur ekki tapað mótsleik síðan 11. september er liðið tapaði fyrir Val 2-3. Blikar hafa aftur á móti ekki unnið mótsleik frá því liðið lagði Val að velli 3-0, fjórum dögum eftir að hafa unnið Stjörnuna.

Það er nánast ómögulegt að segja til um breytingar hjá Blikum en Oliver gæti komið inn í liðið að nýju. Michee Efete gæti spilað sinn fyrsta leik en miðvörðurinn ungi kom til félagins á láni á dögunum frá Norwich City.

Það er ljóst að Hólmbert verður ekki með Stjörnunni í dag og má búast við því að hann verði frá næstu 6 vikur vegna meiðsla. Það var hinn ungi og efnilegi Kristófer Konráðsson sem kom inn í hans stað og gæti hann leyst stöðu hans í dag. Rúnar Páll, þjálfari Stjörnunnar, gæti þó breytt taktíkinni, en það er mjög ósennilegt.

Breiðablik var að spila 4-3-3 eða 4-2-3-1 gegn Fjölni í 1-0 tapi. Oliver Sigurjónsson var ekki með liðinu vegna meiðsla. Það verður þó áhugavert að sjá hvernig liðið stillir upp í dag í ljósi þess að Arnar Grétarsson var látinn fara frá félaginu. Hér fyrir neðan er uppstilling Blika gegn Fjölni.

Uppstilling Breiðabliks gegn Fjölni:
Gunnleifur
Guðmundur - Viktor Örn - Damir - Davíð
Andri Rafn - Gísli E.
Höskuldur - Arnþór Ari - Martin Lund
Tokic

Stjarnan spilaði 4-2-3-1 í 5-0 sigrinum á ÍBV í síðasta leik en Hólmbert Aron Friðjónsson byrjaði á hægri vængnum. Hann verður ekki með í dag. Hér má sjá uppstillingu liðsins í síðasta leik.

Uppstilling Stjörnunnar gegn ÍBV:
Halli
Jóhann - Brynjar - Daníel - Jósef
Eyjólfur - Alex
Hólmbert - Baldur - Hilmar
Guðjón

Góða kvöldið og verið velkomin í beina textalýsingu frá leik Breiðabliks og Stjörnunnar í 3. umferð Pepsi-deildar karla í knattspyrnu. Hér verður fylgst með öllu því helsta sem gerist i leiknum.