Það er komið að þessu! Liðin ganga inn á völlinn. HK-ingar splæsa í yngriflokkadrengi sem leiða bæði lið inn á völlinn. Skemmtilegt. Alltaf skemmtilegt.

Jæja nú fer að styttast í þetta. Liðin er farin til búningsherbergja. Tímamótapeppræður mögulega í gangi. Eitthvað Guðjón Þórðar´esque frá Jóa Kalla mögulega?

Bæði lið gera eina breytingu á byrjunarliðum sínum frá því í 1.umferð deildarinnar.

Hjá HK dettur Viktor Helgi Benediktsson á bekkinn fyrir Birkir Val Jónsson.

Hjá Leikni er það Tómas Óli Garðarsson sem tyllir sér á bekkinn fyrir Elvar Pál Sigurðsson.

Tónlistin ómar hér í Kórnum. Það er kalt hérna inni en þetta er óneitanlega aðeins skárra en það sem boðið er uppá úti þessa stundina. Hljótum að fá fínan fótboltaleik hérna í kvöld

HK-ingar tóku á móti Fram í fyrstu umferð Inkasso deildarinnar þar sem þeir lutu í lægra haldi 1-2. Mark HK skoraði Árni Arnarsson

HK-ingar skoruðu alls 31 mark á síðustu leiktíð. Markahæstir voru Hákon Ingi Jónsson (13), Sveinn Aron Gudjohnsen (5), Kristófer Eggertsson (3) og Ragnar Leósson (2) - allir eru þessir leikmenn horfnir á braut en mörk þeirra voru 74% allra marka sem HK skoraði á síðustu leiktíð.

Þjálfarar liðanna hafa marga fjöruna sopið sem leikmenn og voru báðir í mennskunni á sínum tíma.

Jóhannes Karl Guðjónsson þarf vart að kynna en hann tók við HK-liðinu síðasta sumar eftir að Reynir Leósson sagði starfi sínu lausu. Jói Kalli hefur stýrt HK-ingum í alls 12 deildarleikjum frá því í júlí á síðasta ári. Liðið hefur undir hans stjórn sigrað 3 deildarleiki - gert 2 jafntefli og tapað 7 með neikvæða markatölu upp á 5 mörk (20-25).

Kristófer Sigurgeirsson tók við Leiknisliðinu af Kristjáni Guðmundssyni síðasta haust en hann starfaði síðast sem aðstoðarþjálfari Arnars Grétarssonar hjá Breiðablik. Kristófer hefur hingað til aðeins stjórnað Leiknisliðinu í einum deildarleik en það var 1-1 jafntefli gegn Keflavík á Leiknisvelli.

Tengingar á milli félagana eru nokkrar og mætti nefna að Ragnar Leósson (22/2) gekk í raðir Leiknis í vetur frá HK. Árið þar áður fengu HK-ingar markvörðinn Arnar Frey Ólafsson frá Leikni.

Þess utan er skemmtileg tenging við Skagafjörðinn í gegnum þá bræður Aðalstein Arnarsson sem spilaði fyrir Leikni, Árna Arnarsson sem spilar fyrir HK og Atla Arnarsson sem spilaði fyrir Leikni í fyrra en gekk í raðir ÍBV í vetur. Toppeintök.

Félögin tvö eiga nokkra hluti sameiginlega. Til að mynda þá eru félögin bæði nokkuð ung ef litið er til þess að risaeðlur eins og KR og Valur og fleiri lið lifa enn góðu lífi.

Liðin er stofnuð um svipað leyti en HK var sett á laggirnar (af átta 12 ára drengjum) árið 1970 á meðan að Leiknir R var stofnað þremur árum síðar á þúfugrasi í Efra Breiðholti.

HK og Leiknir hafa í gegnum árin marga hildina háð og samkvæmt gangabanka KSÍ hafa liðin alls att kappi 26 sinnum í Deildarkeppni eða Bikarkeppni síðan 1998 (þó vissulega sé hægt að kafa dýpra en ég á líf ég á líf).
--
HK 7 sigurleikir - 7 jafntefli - 12 tapleikir (38 - 46)
Leiknir 12 sigurleikir- 7 jafntefli - 7 tapleikir ( 46 - 38 )