Liðin eru mætt út á völl og allt að verða klárt. Hvet fólk til að mæta á völlinn en það er skelfileg mæting rétt fyrir leik.

Fimm mínútur í leik hérna á Akranesi. Vonandi fáum við skemmtilegan leik og fullt af mörkum.

Það eru þrír leikir hafnir nú þegar. KR er að vinna Leikni F. fyrir austan 0-3 eftir 64 mínútna leik, í Eyjum er staðan 0-0 í leik ÍBV og KH eftur um hálftíma leik. Á Akureyri er svo staðan 0-1 fyrir ÍR á móti KA í hálfleik.

Rétt um hálftími í leik og bæði lið og dómarar mættir í upphitun. Létt en frekar kuldalegt yfir mönnum.

Ég ætla taka á mig að ég fór með rangt mál þegar ég var að fara yfir leiki dagsins áðan. Það eru að sjálfsgðu þrír leikir annað kvöld en það eru leikir FH og Sindra í Hafnarfirði, Magni-Fjölnir fyrir norðan og svo leikur Víkings Ó og Vals. Biðst forláts á þessum mistökum.

Hressar aðstæður á Akranesvelli í dag. Svona ca 9 stiga hiti og þéttur vindur, sem hljómar ótrúlega á Akranesi, sem blæs á hlið á völlinn.

Byrjunarliðin eru dottin í hús hjá okkur en þau má sjá hér til hliðar.

Dómari leiksins í kvöld er hinn geðþekki Gunnar Jarl Jónsson og honum til aðstoðar eru Frosti Viðar Gunnarsson og Daníel Ingi Þórisson. Eftirlitsmaður er svo Viðar Helgason

Þó hófust 32-liða úrslitin í gær með fjórum leikjum. Þar bar kannski hæst að Ægir sem leikur 3.deildinni sló út lið Þórs sem leikur í Inkasso í vítaspyrnukeppni. Þá unnu Leiknir R lið Þróttar 2-1 í Inkasso slag. Selfyssingar slógu út Kára menn frá Akranesi 3-2 í höruleik á Selfossi og lokum vann Grótta öruggan 1-4 útisigur á Berserkjum.

Þetta er ekki eini leikur dagsins í bikarnum, heldur betur ekki. Það eru 11 aðrir leikir á dagskrá og má sjá hér fyrir neðan hvaða leikir það eru.

Leiknir F.-KR
ÍBV-KH
KA-ÍR
Þróttur V.-Stjarnan
Grindavík-Völsungur
Árborg-Víðir
Fylkir-Breiðablik
Haukar-Víkingur R.
FH-Sindri
Magni-Fjölnir
Víkingur Ó.-Valur

Ekki er langt síðan Fram vann bikarinn síðast en það var árið 2013 þegar þeir unnu Stjörnuna í vítaspyrnukeppni. ÍA hefur þurft að bíða töluvert lengur en þeir urðu bikarmeistarar síðast 2003 þegar þeir unnu FH 1-0 í úrslitaleik. ÍA hefur unnið keppnina alls 9 sinnum og Fram 8 sinnun.

Liðin hafa mæst tólf sinnum í bikarkeppni KSÍ, síðast árið 2006. ÍA hefur vinningin í þessum viðureignum en þeir hafa unnið 9 af þessum leikjum. Þar af leiðandi hefur Fram unnið 3, magnað.

Þetta er að sjálfsögðu fyrsti leikur ÍA í bikarnum þetta árið þar sem Pepsideildar liðin voru að koma inn í keppnina núna í 32-liða úrslitum. Fram hins vegar spilaði í 64-liða úrslitum en þar unnu þeir HK 0-1 á útivelli.

Heilir og sælir kæru lesendur og velkomin í beina textalýsingu frá Norðurálsvellinum á Akranesi þar sem við ætlum að fylgjast með leik ÍA og Fram í 32-liða úrslitum Borgunarbikars karla.