Jæja. Allt að gerast. Liðin eru mætt út á völl í fylgd efnilegra fótboltastúlkna úr KR. Toppaðstæður, ágætis mæting og allt til alls.

Donni gerir eina breytingu á sínu liði frá 2-0 sigri á Haukum. Lára Einarsdóttir kemur inn fyrir Zanetu Wyne sem er utan hóps.

Byrjunarliðin eru klár eins og sá má hér til hliðar. Edda Garðarsdóttir gerir heilar fimm breytingar á liði KR. Hrafnhildur kemur aftur í markið fyrir Ingibjörgu en hún tók út leikbann í síðustu umferð. Þá koma þær Guðrún Gyða, Mist, Hugrún Lilja og Anna Birna inn fyrir Guðrúnu Karítas, Söru Lissy, Grétu Stefáns og Ólínu sem er ekki í hóp í dag.

Landsliðskonan Glódís Perla er spámaður 5. umferðar á Fótbolta.net og hún spáir áframhaldandi sigurgöngu hjá gestunum.

KR 1 - 3 Þór/KA
Þór/KA eru búnar að koma skemmtilega á óvart og eru líklega með eitt besta liðið í deildinni á meðan KR eru ekki búnar að vera sannfærandi. Væri gaman að sjá bæði Söndru Maríu og Hólmfríði koma inná og setja mark sitt á leikinn.

Það er stuð og stemmning í Vesturbænum en í dag er sjálfur "ALLIR SEM EINN DAGURINN" haldinn hátíðlegur.

Um er að ræða knattspyrnuhátíð allra flokka KR. Hátíðin hófst kl. 14 en lokapunkturinn er viðureign KR og Þórs/KA kl.16.

Það er um að gera að mæta snemma á völlinn og taka þátt í dagskránni. Boltaæfingar, leikir, tónlist og grill er á meðal þess sem boðið er upp á en nánari upplýsingar má finna á heimasíðu KR.

Hlutskipti liðanna hefur verið gjörólíkt það sem af er móti en heimakonur eru enn stigalausar á meðan gestirnir eru með fullt hús stiga.

Fyrirfram mætti því búast við sigri Þórs/KA en það er eitthvað sem segir mér að þær muni þurfa að hafa allverulega fyrir hlutunum hér í dag. KR-liðið ætlar ekki að falla og hlýtur að fara að bíta fastar frá sér. Verður eitthvað óvænt uppi á teningnum í síðasta leik dagsins?

Góðan dag og velkomin í beina textalýsingu frá lokaleik 5. umferðar Pepsi-deildar kvenna en núna kl.16:00 hefst viðureign KR og Þórs/KA á Alvogenvellinum.

Umferðin hófst í gær en þá vann Breiðablik 3-1 sigur á Haukum. Nú eru svo þrír leikir í gangi en allir hófust þeir kl.14:00 og eru í beinni textalýsingu hér á síðunni. ÍBV og FH eigast við í Vestmannaeyjum, Fylkir og Valur spila í Árbænum og Stjarnan og Grindavík mætast í Garðabænum.