Það er minnst þrem mínútum bætt við.

Úfffff! Albert Brynjar í frábæru færi eftir sendingu frá Elís en Sindri enn og aftur vel með á nótunum og varði vel.

Þvílík markavarsla hjá Sindra! Elís Rafn átti þrusu skot að marki innan úr teig Keflvíkinga en Sindri gerði vel og sló boltann yfir.

Get ekki sagt annað en að staðan eins og hún er núna, er sanngjörn. Fylkismenn voru betri í fyrri hálfleik en Keflvíkingar eru eiginlega búnir að eiga þann seinni.

Það kom ekkert úr þessari aukaspyrnu.

Keflvíkingar fá aukaspyrnu á hættulegum stað eða c.a. 20 metrum frá marki.

Tíu mínútur eftir plús uppbót. Bæði lið búin með skiptingar sínar. Hvað gerist á loka mínútunun?

Keflvíkingar eru eiginlega búnir að hafa tögl og haldir í seinni hálfleik en hafa ekki enn náð að nýta sér það. Stundum er sagt að markið liggji í loftinu, er ekki frá því að sú sé tilfinningin núna.

Það eru 850 áhorfendur á Flórídanavellinum

Jeppe komst einn á móti Aroni, missti boltann aðeins frá sér og Aron kom út á móti og Jeppe lét sig falla. Við í blaðamannastúkunni vorum vissir um að þetta væri vítaspyrna en við nánari skoðun í sjónvarpinu að þá var ljóst að Sigurður Óli gerði vel þarna. Leikarskapur í hæsta gæðaflokki hjá Dananum.

Keflvíkingar hafa byrjað seinni hálfleikinn af miklum krafti en hafa ekki náð að nýta sér það með því að koma sér í góð færi.

Seinni hálfleikur er hafinn og ég heimta fleiri mörk. Það er bara þannig!

Albert Brynjar kemst einn á móti Sindra, sólar hann en missir boltann of langt frá sér upp að endalínu til að ná að klára dæmið.

Síðustu mínútur hafa Keflvíkingar verið að sækja í sig veðrið og náð yfirhöndinni. En það er sama saga og fyrr, engin mörk komin og það vantar bit hjá báðum liðum til að klára færin sem þau þó fá.

Þarna hefði verið hugsanlegt að hægt hefði verið að dæma vítaspyrnu á varnarmann Fylkis. Keflvíkingar áttu sókn og það kom stórgóð sending inn fyrir vörn Fylkis og ég gat ekki betur séð en að varnarmaður Fylkis hefði stýrt honum með hendinni í burtu. Í það minnsta mótmæltu Keflvíkingar aðeins að ekkert skildi vera dæmt.

Leikurinn er opinn og skemmtilegur þótt ekki séu komin mörk. En ég er fullviss um að það sé ekki langt að bíða þangað til að það dettur inn eitt stk eða tvö.

Fjórða hornspyrna Fylkismanna.

Fylkismenn að fá þriðju hornspyrnuna á skömmum tíma

Fylkismenn eru búnir að vera að gefa í síðustu mínútur og eru að ná yfirhöndinni hægt og rólega.

Fylkismenn áttu hornspyrnu sem var vel tekin af Daða Ólafs og lenti boltinn ofan á markslánni og þaðan útaf.

Ásgeir Eyþórsson sýndist mér eiga skot að marki Keflvíkinga eftir hornspyrnu og barning inn í teig. Boltinn fór í stöngina og aftur út. Mátti ekki litlu muna.

Það vantar herslumuninn hjá báðum liðum á að skapa sér færi. En Fylkismenn eru að spila gríðarlega skemmtilegan bolta sem gengur hratt á milli manna.

Leikurinn byrjar fjörlega. Keflvíkingar virka þó aðeins ákveðnari og skeinuhættari. Spái að mörkum muni rigna!