In the Ghetto ómar - liðin ganga inn á völlinn. Brynjar Hlöðversson fyrirliði Leiknis leiðir heimamenn inn og Jesus Guerrero Suarez leiðir gestina inn.

Vallarþulurinn Oscar Clausen les upp liðin. Gangi honum vel!

Það er ljóst að engu er til sparað á Leiknisvelli í dag. Kveikt var á Ronaldo-kastaranum yfir Breiðholtinu í dag og hinn eini sanni Hilmar Árni Halldórsson leikmaður og spielmacher Stjörnunnar var ræstur út og mannar börurnar og almenna öryggisgæslu hér í dag íklæddur gulu vesti. Vígalegur

10 mínútur í leik og bæði Leiknisliðin búin að hita sig upp og tölta nú til búningsherbergja

22 mínútur í leik hérna í Efra Breiðholtinu. Það er þung yfir og ef ég vissi eitthvað um hvernig ætti að lesa í ský og annað þá myndi ég koma með einhverja veðurspá sem væri dýpri en

Það er helvíti rigningarlegt hérna

Þriðja liðið er mætt til leiks farið að hrista sig saman. Við dómararaáhugamenn veitum því athygli að annar aðstoðardómarinn er Breki Sigurðarson sem hlýtur hreinlega að vera sonur Sigga Schram, dómaragoðsagnarinnar lifandi. Ég myndi næstum því ganga svo langt að henda öðru nýranu mínu á að það sé raunin.

Gestirnir í Leikni Fásk virðast hafa gert fjórar breytingar á liði sínum frá því í leiknum við HK í síðustu umferð sem tapaðist 1-3.

Út detta þeir Valdimar Ingi Jónsson, fyrirliðinn Björgvin Stefán Pétursson, Arkadiuz Jan Grezlak sem taka sér sæti á bekknum og svo Almar Daði Jónsson sem ferðaðist ekki með liðinu.

Inn koma svo Dagur Ingi Valsson, Jose Luis Vidal Romero, Hilmar Freyr Bjartþórsson og maðurinn með lengsta nafnið Javier Angel Del Cueto Chocano (sem ég hér eftir ætla að kalla Choco)

Bæði lið eru mætt út á völl og farin að hrista sig aðeins.

Tvær breytingar eru á liði Leiknir R frá því í 2-2 jafnteflinu við Fram í síðustu umferð

Daði Bærings Halldórsson og Skúli Kristjáns Sigurz taka sér sæti á bekknum og inn koma þeir Ingvar Ásbjörn Ingvarsson og Kristján Páll Jónsson.

Líklega stillir liðið ekki upp í 3-5-2 eins og gegn Fram

Það er örlítið búið að bæta í vindinn hérna á Leiknisvelli. Vindurinn blæs frá Lönguvitleysunni og í átt að öðru markinu.

Völlurinn rakur og lítur mjög vel út miðað við árstíma (eins og flestir grasvellir þetta árið) sem er afar jákvætt.

Hef trú á að hér verði flottur fótboltaleikur í dag þar sem hart verður barist.

Kristófer Sigurgeirsson er á sínu fyrsta tímabili með Leiknisliðið og hefur liðið farið rólega afstað það sem af er tímabili. Áður hefur Kristófer verið aðstoðarþjálfari hjá Breiðablik og Fjölni og einnig stjórnaði hann Reyni Sandgerði í 2.deild fyrir nokkrum árum.

Viðar Jónsson þjálfari Leiknis Fáskrúðsfirði hefur haldið á stjórnartaumum liðsins síðan á vormánuðum árið 2014 þar sem hann tók liðið upp úr 3.deild og upp í 1.deildina á tveimur árum.

Liðið endaði svo í 11.sæti Inkasso deildarinnar í fyrra eftir frækilega björgun í síðustu umferð deildarinnar þar sem liðið sigraði HK 2-7 í Kórnum og hélt sér uppi á markatölu á meðan nágrannar þeirra Huginn frá Seyðisfirði féll á einu marki lakari markatölu

Ljóst er að það verður mikið undir í þessum leik fyrir bæði lið. Leikurinn gæti markað viss tímamót fyrir bæði lið en með sigri gætu liðin lyft sér ofar í töfluna og létt aðeins á pressunni á að sogast inn í þennan leiðigjarna botnbaráttuslag.

Í síðustu umferð spiluðu Leiknir Reyjavík við Fram í leik sem endaði með 2-2 jafntefli

Leiknir F átti svo heimaleik við HK sem tapaðist 1-3

Tengingar á milli liðana eru ekki margar svo vitað sé. Liðin eiga það jú sameiginlegt að deila nafni og eru það Fáskrúðsfirðingar sem voru fyrri til en liðið var sett á laggirnar árið 1940 en Leiknir Reykjavík var stofnað árið 1973

Bæði lið eiga það einnig sameiginlegt hafa byrjað mótið á takmarkaðri stigasöfnun. Heimamenn hafa 2 stig eftir fyrstu þrjá leikina á meðan gestirnir hafa aðeins sótt 1 stig

Góðan dag gott fólk og verið velkomin í þessa lifandi textalýsingu frá leik Leiknis úr Reykjavík og Leiknis frá Fáskrúðsfirði.

Aðstæður hér í Efra Breiðholtinu eru ekkert til að kvarta yfir. Gengur á með stuttum skúrum - sæmilega hlýtt og andvari sem vart mælist. Völlurinn lítur ákaflega vel út og í raun ekki yfir neinu að kvarta.