Igor Jugovic með fínt langskot sem Haraldur ver í horn.

Stjarnan hefur sótt núna í tvær mínútur. Fengið aukaspyrnu, hornspyrnu, innkast. Tíminn gengur á meðan.

Meira líf í Fjölnismönnum eftir markið. Gunnar Már á skot fyrir utan teig sem Haraldur slær aftur fyrir endamörk.

Igor Taskovic með skot fyrir utan teig en það er auðvelt fyrir Harald í markinu. FJölnismenn hafa ekki náð að ógna markinu af neinni alvöru í kvöld.

1077 áhorfendur á Exra-vellinum hér í kvöld.

Stjarnan hefur nú skorað 15 mörk í fyrstu 5 leikjunum.
Guðjón og Hólmbert eru báðir komnir með fjögur mörk í sumar. Sterk byrjun hjá þeim.

Haraldur missir fyrirgjöf í teignum. Stjörnumenn ná síðan að hreinsa eftir darraðadans. Haraldur vildi fá aukaspyrnu en ekkert dæmt!

Guðjón Baldvinsson skorar en markið er dæmt af vegna rangstöðu!

Þetta var fjörug atburðarás. Haraldur átti langa spyrnu fram á Guðjón Baldvinsson sem var í kapphlaupi við Igor Taskovic. Igor sendi til baka á Þórð sem átti lélega spyrnu frá marki.

Baldur Sigurðsson náði boltanum og var að sleppa í gegn þegar Torfi Tímoteus togaði aðeins í hann. Baldur hélt áfram og náði að pota boltanum framhjá Þórði og til hliðar á Guðjón sem skoraði í autt markið. Guðjón stóð framar en Baldur og var því rangstæður.

Stjörnumenn eru afar ósáttir við að Torfa skuli ekki refsað fyrir að toga í Baldur. Það hægði á Baldri og spurning er hvort Mývetningurinn hefði sjálfur náð að klára færið ef Torfi hefði ekki togað í hann!

Ívar Orri flautar seinni hálfleikinn á.

Í hálfleik koma yngri flokkar Fjölnis inn á og taka við viðurkenningum fyrir sigra á Reykjavikurmótinu.

Hólmbert með skot frá vítateigshorni sem Þórður er í smá brasi með. Þórður ver út í teiginn og Fjölnismenn hreinsa. Stjörnumenn líklegri til að bæta við heldur en Fjölnir að jafna.

Ágæt sókn Fjölnismanna upp hægri kantinn. Marcus Solberg í baráttunni á nærstönginni en boltinn framhjá.

Ívar Orri dómari stöðvar leikinn. Hann lætur Sigurð Óla, fjórða dómara, fá lítið járnstykki sem hann fann á vellinum. Sigurður Óli hendir því til hliðar.

Hólmbert Aron leikur á Mario Tadejevic á hægri kantinum og á fyrirgjöf. Fjölnismenn hreinsa og boltinn berst á Eyjólf Héðinsson sem er um 30 metra frá marki. Eyjólfur lætur vaða en skot hans fer yfir markið.

Stjörnumenn taka hornspyrnuna stutt og Jósef Kristinn tekur skotið frá vítateigshorni. Talsvert yfir. Nær áhorfendunum í brekkunni fyrir aftan markið heldur en markinu.

Guðjón Baldvinsson fær boltann fyrir utan vítateig, leikur á varnarmann og á þrumuskot. Þórður Ingason slær boltann í horn. Guðjón ógnandi!

Mikil umræða er á Twitter um færslu sem Kári, stuðningsmannaklúbbur Fjölnis, birti um Sigga Dúllu, liðsstjóra Stjörnunnar.

Lestu frétt um málið

Þung sókn Fjölnismanna eftir hornspyrnu. Ivica Dzolan á skot sem Baldur Sigurðsson nær að henda sér fyrir.

Rólegt yfir þessu núna. Ekkert um færi.

Stjarnan fær aukaspyrnu 30 metra frá marki. Hilmar Árni skrúfar boltann inn á teiginn en boltinn fer framhjá öllum leikmönnum og líka framhjá markinu.

Ægir Jarl Jónasson leikur á nokkra Stjörnumenn og kemst inn í vítateig áður en för hans er stöðvuð.

Hans Viktor Guðmundsson er bakvörður í liði Fjölnis líkt og gegn FH.

Þórður
Hans - Torfi - Ivica - Mario
Igor - Igor
Birnir - Ægir - Bojan
Marcus

Guðjón Baldvins var að skoar sitt fjórða mark í sumar. Byrjar af krafti!

Stjörnumenn miklu grimmari hér í byrjun. Fjölnismenn varla með.