Andri Rafn Yeoman fær blómvönd fyrir að hafa náð 250 leikjum fyrir Breiðablik. Andri er 25 ára. Ansi margir leikir sem hann hefur náð fyrir Blikana!

Jæja fáum fréttamannastúkuna til að spá í spilin...

Hrafnkell Freyr Ágústsson, 433: 2-0.

Andri Yrkill, Mbl: 2-1 sigur Blika.

Stefán Árni Pálsson, Eurovision-sérfræðingur: 4-0.

Vorum að fá þær upplýsingar að Efete hefði mætt of seint og því misst byrjunarliðssætið. Þessi tvítugi miðvörður er hjá Blikum á lánssamningi frá Norwich.

Guðmundur Steinn í banni
Guðmundur Steinn Hafsteinsson, leikmaður Ólsara, tekur út leikbann. Hann fékk rautt spjald í tapinu gegn ÍBV. Kwame Quee og Mirza Mujcic koma inn í liðið fyrir þá Pape Mamaodu Faye og Erik Kwakwa sem eru á bekknum.

Byrjunarliðin eru komin
Áhugavert er að Michee Efete er á bekknum hjá Breiðabliki en Twitter-síðu Blika var búið að tilkynna hann í byrjunarliðinu en Viktor Örn Margeirsson á bekknum. Efete hefur líklega verið tæpur.

Oliver Sigurjónsson er enn á meiðslalistanum og er að missa af sínum fjórða deildarleik.

Hjá Ólsurum er fyrirliðinn Þorsteinn Már Ragnarsson í byrjunarliðinu í fyrsta sinn í sumar en hann hefur verið að stíga upp úr meiðslum.

Davíð Kristján Ólafsson, leikmaður Breiðabliks:
Klefinn er þannig að við erum allir svo góðir vinir en það er fínt að það sé komin smá ró. Við erum búnir að fara vel í hlutina og Milos hefur komið með punkta um það sem hann vill sjá. Ég vona að við náum þremur stigum. Við ætlum að fara að gera Kópavogsvöll að okkar heimavelli og fara að vinna einhverja leiki þar.

Fróðlegt verður að sjá hvort Hrjove Tokic, sóknarmaður Breiðabliks, skori gegn sínum gömlu félögum í dag. Tokic var markahæsti leikmaður Ólafsvíkurliðsins í fyrra en gekk í raðir Breiðabliks eftir tímabilið. Tokic skoraði sitt fyrsta mark fyrir Blika í 3-2 útisigrinum gegn Víkingi R. í síðustu umferð.

Ólsarar líka með þrjú stig
Ejub Purisevic mætir með sína sveit frá Ólafsvík. Ólsarar hafa þrjú stig líkt og Blikar.

Breiðablik og Víkingur Ó. hafa mæst 17 sinnum í mótsleikjum. Blikar hafa sigrað í 13 leikjum, Víkingar í 1 leik og 3 leikir hafa endað með jafntefli.

Liðin eiga 4 leiki að baki í efstu deild. Árið 2013 vinna Blikar 2-0 í Kópavoginum í byrjun júní en gera svo 0-0 jafntefli í Ólafsvík í lok ágúst. Árið 2016, í fyrsta leik Blika í Pepsi það árið, vinnur lið Ólafsvíkur 1-2 sigur á Kópavogsvelli. Blikar vinna seinni leikinn í Ólafsvík 0-2. Leikurinn í dag er 5. viðureign liðanna í efstu deild frá upphafi.

Milos stýrir Breiðabliki í fyrsta sinn
Breiðablik fékk fleiri stig á útivöllum en heimavelli á síðasta tímabili og hefur tapað báðum heimaleikjum sínum á þessu tímabili.

Blikar eru með þrjú stig eftir fjórar umferðir en þeir unnu útisigur gegn Víkingi Reykjavík í síðustu umferð. Það hefur mikið gengið á í Kópavoginum en Milos Milojevic, sem sagði upp hjá Víkingum, er tekinn við stjórnartaumunum og stýrir liðinu í fyrsta sinn í dag.

Einn af lykilmönnum Blika, Oliver Sigurjónsson, hefur misst af síðustu þremur leikjum vegna meiðsla. Fróðlegt að sjá hvort hann verði mættur í liðið aftur.

Heil og sæl! Hér fylgjumst við með leik Breiðabliks og Víkings Ó. í 5. umferð Pepsi-deildarinnar sem hefst klukkan 18:00. Þóroddur Hjaltalín dæmir leikinn.