Gunnar Jarl flautar hástöfum inn í göngunum og liðin labba inn á völlinn! Já þetta er að hefjast kæru lesendur!

Þrjú lið eru nú þegar komin í 8-liða úrslit Borgunarbikarsins. Pepsi-deildarlið ÍA og ÍBV og svo Inkasso-deildarlið Fylkis

Kveikt hefur verið á flóðljósunum. Ef þessi leikur væri í september og í myrkri, þá væri þetta líklega einn mest sexý leikur sumarsins

Undirritaður spáir því að þessi leikur fari 1-1 eftir venjulegan leiktíma. 2-2 eftir framlengingu og sigurliðið eftir vítaspyrnukeppni er mér hulin ráðgáta. Tek hins vegar fram að ég hef líklega aldrei spáð fyrir um rétt úrslit.

Liðin ganga nú inn í búningsklefa. Þetta er að bresta á!

Venjulega sér undirritaður um textalýsingar á heimaleikjum Grindavíkur. Ég lofaði sjálfum mér því fyrir sumarið að ég myndi nefna Begga vallarstjóra á Grindavíkurvelli í hverri einustu textalýsingu minni í kvöld. Hér með er það klárað í kvöld. Beggi vallarstjóri snýr aftur þann 14. júní fyrir áhugasama

Fólk er byrjað að týnast á völlinn, enda ekki nema korter í leik. Verð illa svikinn ef það verður ekki nánast full stúka hér á Hlíðarenda í kvöld. Leikur í þessari stærðargráðu á það skilið

Það er enginn Dion Acoff í leikmannahópi Vals í kvöld. Hann byrjaði á bekknum í tapinu gegn Grindavík en kom inn á er stundafjórðungur var eftir af leiknum. Eftir leik sagði Óli Jó að hann væri ekki heill. Sama er líklega upp á teningnum í kvöld

Haraldur Björnsson hefði án efa verið til í að spila þennan leik enda uppalinn hjá Val. Hann stendur hér út á velli, í Stjörnubol og með blátt gifs

Valsmenn gera þrjár breytingar á byrjunarliði sínu frá því í tapinu gegn Grindavík í síðustu umferð Pepsi-deildarinnar. Kristinn Ingi, Sveinn Aron og Einar Karl detta allir úr byrjunarliðinu og Nicolaj Köhlert, Nikolaj Hansen og Andri Adolphsson koma inn í liðið.

Markvarðarbreytingin hjá Stjörnunni er eina breytingin frá sigurleiknum gegn Fjölni í síðustu umferð.

Þetta verður einvígi ungra markvarða í kvöld. Anton Ari og Sveinn Sigurður voru fyrstu menn út á völl til þess að hita upp. Verður athyglisvert hvernig þeir takast á við þennan leik, og þá sérstaklega Sveinn en hann er að koma inn í byrjunarliðið eftir að Haraldur Björnsson handarbrotnaði.

Gamla brýnið og markmannsþjálfari Stjörnunnar, Fjalar Þorgeirsson vermir varamannabekk Stjörnunnar

Það viðrar einstaklega vel fyrir þennan stórleik. Er ekki viss um að við fáum mikið betra veður svona í maímánuði

Viðrar vel fyrir stórleikinn í bikarnum #fotboltinet pic.twitter.com/2Gh1AmL1my

— Bjarni Hallfreðsson (@BjarniThorarinn) May 31, 2017

Haraldur Björnsson, markvörður Stjörnunnar, nær ekki að mæta uppeldisfélagi sínu Val í dag.

Haraldur handarbrotnaði á æfinguna í fyrradag og verður frá keppni í nokkrar vikur. Sveinn Sigurður Jóhannesson stendur því vaktina í markinu í dag.

Viðtal við Harald frá því í dag

Gunnar Jarl Jónsson er með flautuna hér í kvöld. Birkir Sigurðarson og Gylfi Már Sigurðsson eru aðstoðardómarar og Þorvaldur Árnason er klár sem varadómari ef eitthvað kemur upp á.

Þetta eru tvö efstu liðin í Pepsi-deildinni í dag og reikna má með hörkuleik.

Stjarnan er á toppnum með 13 stig en Valur er í 2. sætinu með 10 stig. Annað hvort liðið kveður bikarkeppnina hér í kvöld.

Siggi Dúlla liðsstjóri Stjörnunnar fagnar 32 ára afmæli sínu í dag. Heimtar væntanlega sigur í afmælisgjöf.

Valur lagði Víking Ó. 1-0 í 32-liða úrslitunum á meðan Stjarnan sigraði Þrótt Vogum 1-0 í miklum rokleik.

Valsmenn hafa orðið bikarmeistarar undanfarin tvö ár. Stjarnan fór í bikarúrslit 2012 og 2013 en án þess að ná að landa titlinum.

Kvöldið!
Hér verður bein textalýsing frá leik Vals og Stjörnunnar í 16-liða úrslitum Borgunarbikarsins.