Bæði lið taka "pepphring" áður en leikurinn hefst! Hefðbundið.

Það mættu alveg fleiri vera á áhorfendapöllunum! Allir á völlinn!

Leikmenn ganga inn á völlinn og liðin eru lesin upp. Þetta er að skella á!

Það er spurning hvort Haukarnir spili Björgvini og Barros saman frammi. Stefán, þjálfari liðsins, ætlaði sér að gera það þegar hann tók við, en það virkaði ekki.

Gerir hann aðra tilraun í kvöld, eða er Björgvin á kantinum?

Hvet alla til þess að gera sér ferð hér á Gaman Ferða völlinn í kvöld. Það er stundarfjórðungur í leik og það vantar fólk í stúkuna.

Aðstæður eru mjög góðar. Það er búið að rigna í dag, en nú hefur stytt upp. Völlurinn er blautur og fínn. Vonandi fáum við skemmtilegan fótboltaleik!

Það eru 20 mínútur í upphafsflaut og hér hita menn upp. Leikmenn beggja liða og dómarar út á velli að hreyfa sig.

Leikurinn er sýndur beint á Haukar TV.

Ef þú kemst ekki á völlinn, þá geturðu fylgst með útsendingu af leiknum hérna: https://www.youtube.com/watch?v=sJyulE81RkM

Hjá Gróttu gerir Þórhallur Dan þrjár breytingar frá bikartapinu gegn ÍA í miðri viku.

Guðmundur Marteinn Hannessson, Andri Þór Magnússon og Ásgrímur Gunnarsson koma inn fyrir Arnar Þór Helgason, Darra Stein Konráðsson og Bjarna Rögnvaldsson.

Heimamenn gera tvær breytingar frá tapinu gegn Þór um síðastliðna helgi.

Björgvin Stefánsson og Þórhallur Kári Knútsson koma inn í liðið fyrir Arnar Aðalgeirsson og Hauk Björnsson sem fá sér báðir sæti á bekknum.

Björgvin hefur verið að glíma við meiðsli, en hann er klár í slaginn í dag.

Byrjunarliðin eru komin inn og þau má sjá hér efst til hliðar.

Haukar hafa núna verið í fríi í tæpa viku. Grótta spilaði hins vegar 120 mínútur í miðri viku í Borgunarbikarnum gegn ÍA.

Gróttumenn töpuðu leiknum eftir framlengingu, en þeir verða væntanlega með nokkrar þreyttar lappir inn á vellinum í kvöld.

Þórhallur Dan Jóhannsson er að snúa aftur á sinn gamla heimavöll. Hann var aðstoðarþjálfari Hauka á síðasta tímabili, en núna er hann þjálfari Gróttu.

Grótta er nýliði í Inkasso-deildinni. Seltyrningar eru með fjögur stig í 9. sæti eins og staðan er núna, en það er betra en margir hefðu búist við.

Þeir töpuðu síðasta leik sínum gegn Þrótti R., 3-0, en áður hafði liðið unnið óvæntan sigur á Selfossi. Hvað gera þeir í kvöld?

Haukar, sem eru á heimavelli hér á gervigrasinu að Ásvöllum, hafa byrjað ágætlega. Þeim var ekki spáð sérstöku gengi fyrir mót, en eftir fjóra leiki er liðið með fimm stig í 8. sætinu.

Haukarnir unnu sinn fyrsta leik gegn Þrótti áður en þeir gerðu tvö jafntefli. Þeir töpuðu síðan gegn Þór á Akureyri í síðustu umferð og það verður fróðlegt að sjá hvernig þeir rauðklæddu bregðast við í kvöld.

Liðin tvö sitja í 8. og 9. sæti deildarinnar og því má búast við hörkuviðureign hér í kvöld.

Verið velkomin í beinta textalýsingu frá leik Hauka og Gróttu í Inkasso-deildinni. Leikurinn fer fram á Gaman Ferða vellinum.

Leikurinn hefst kl. 19:15, en ég mun hér færa ykkur helstu fregnir frá því sem á sér stað í honum. Endilega fylgist með!