Liðin rölta nú inn á völlinn og er þetta því að hefjast

Markahrókurinn, Andri Rúnar Bjarnason er mættur á leikinn að styðja sínar stúlkur. Andri er markahæsti leikmaður Pepsi-deild karla með 9 mörk í 8 leikjum. Þess má einnig geta að fyrirliði Breiðabliks Rakel Hönnudóttir er kærasta Andra Rúnars

Mennirnir hér í blaðamannastúkunni segja að það muni aðeins bæta í vindinn og rigninguna þegar líður á kvöldið. Fagna því ekki. Viðurkenni

Það er sterkur suð-austan vindur hérna en það er líklega vinsælasta vindáttin hérna í Grindavík. Til að toppa það er ágætis rigning. Ég verð að viðurkenna, að ég myndi ekki nenna að spila í þessu veðri. En stelpurnar fá allt mitt hrós fyrir að vera klárar í kvöld

Veðrið er langt frá því að vera frábært hérna í Grindavík. Ekki í fyrsta skipti í sumar. Það er þó einn maður sem lætur veðrið ekki stoppa sig. Jú þið giskuðu rétt, það er að sjálfsögðu Beggi vallarstjóri. Hann er út á velli í þessum töluðu orðum og sér hvort ekki sé allt með felldu.

Lið bikarmeistara Breiðabliks er óbreytt frá 1-0 sigrinum á Stjörnunni í síðustu umferð.

Það er nokkuð um breytingar hjá liði Grindavíkur í kvöld. Miðverðirnir tveir, Linda Eshun og fyrirliðinn Bentína Frímannsdóttir eru ekki með. Þá dettur Elena Brynjarsdóttir einnig útúr byrjunarliðinu frá því í síðasta leik. Í þeirra stað koma Ísabel, Helga Guðrújn og Berglind Ósk

Landsliðskonan unga, Ingibjörg Sigurðardóttir er að snúa aftur á sínar heimaslóðir en hún er uppalinn í Grindavík og lék sína fyrstu meistaraflokksleiki með Grindavík. Hún gekk svo til liðs við Breiðablik árið 2012. Síðan þá hefur ferill hennar verið á hraðri uppleið og lék hún sína fyrstu A-landsleiki á dögunum.

Þetta er að ég held fyrsta skiptið sem Ingibjörg keppir á móti Grindavík í mótsleik.

Breiðablik hefur haft gríðarlega yfirburði á Grindavík í keppnisleikjum í kvennaleikjum. Liðin hafa mæst 16 sinnum og 14 sinnum hefur Breiðablik unnið. Einu sinni hefur farið jafntefli og Grindavík hefur aðeins unnið einn leik.

Eini sigurleikur Grindavíkur gegn Breiðablik kom einmitt þegar liðin mættust síðast. Það var árið 2011 þegar Grindavík var síðast í Pepsi-deildinni. Þá vann Grindavík 3-2.

Grindavík hefur tapað síðustu fimm leikjum sínum í deildinni og sitja þær í 8. sæti deildarinnar, tveimur stigum frá fallsæti.

Breiðablik er hins vegar á hinum enda deildarinnar. Liðið situr í 2. sæti, 6 stigum á eftir toppliði Þór/KA

Grindavík tapaði 5-0 gegn toppliði Þór/KA í síðustu umferð á meðan Breiðablik vann gríðarlega sterkan 1-0 sigur á Íslandsmeisturum Stjörnunnar.

Komið sæl og verið velkominn hingað til Grindavíkur þar sem heimakonur munu taka á móti bikarmeisturum Breiðabliks í 9. umferð Pepsi-deildar kvenna