HK/Víkingur
1
1
Tindastóll
0-1 Ólína Sif Einarsdóttir '23
María Soffía Júlíusdóttir '87 1-1
Milena Pesic '91
30.06.2017  -  19:15
Víkingsvöllur
1. deild kvenna
Dómari: Óskar Rúnarsson
Maður leiksins: Madison Cannon
Byrjunarlið:
21. Björk Björnsdóttir (m)
Milena Pesic
2. Gígja Valgerður Harðardóttir
5. Margrét Sif Magnúsdóttir ('81)
6. Natalía Reynisdóttir ('46)
9. Margrét Eva Sigurðardóttir
14. Eyvör Halla Jónsdóttir ('46)
19. Þórhanna Inga Ómarsdóttir ('59)
20. Maggý Lárentsínusdóttir
21. Edda Mjöll Karlsdóttir ('59)
26. Laufey Elísa Hlynsdóttir

Varamenn:
4. Brynhildur Vala Björnsdóttir
6. María Rós Arngrímsdóttir ('59)
10. Isabella Eva Aradóttir ('46)
13. Linda Líf Boama ('59)
15. Fjóla Sigurðardóttir ('81)
24. María Soffía Júlíusdóttir ('46)

Liðsstjórn:
Jóhannes Karl Sigursteinsson (Þ)
Þórhallur Víkingsson (Þ)
Anna María Guðmundsdóttir
Stefanía Ásta Tryggvadóttir
Andri Helgason
Ögmundur Viðar Rúnarsson
Egill Atlason

Gul spjöld:

Rauð spjöld:
Milena Pesic ('91)
Leik lokið!
Jafntefli niðurstaðan á Víkingsvelli. Gestirnir hefðu getað gert út um leikinn í fyrri hálfleik en seiglan skilaði HK/Víkingum jöfnunarmarki í lokin. Sanngjörn úrslit þegar upp er staðið.

Ekki að sjá að þarna hafi liðin í efsta og neðsta sæti deildarinnar verið að mætast. Það býr hellingur í þessu Tindastólsliði.

Ég segi takk í bili og minni á skýrslu og viðtöl hér innan skamms.
91. mín Rautt spjald: Milena Pesic (HK/Víkingur)
Milena fær að líta rauða spjaldið!

HK/Víkingur átti að fá aukaspyrnu við vítateig Tindastóls en Óskar dómari lét leikinn halda áfram. Milena var ekki paránægð með þá ákvörðun og lét eitthvað út úr sér sem ekki mátti heyrast. Beint rautt!
90. mín
Það er háspenna lífshætta hérna í lokin!

Eva Banton miðvörður Tindastóls var að hlaupa upp allan völlinn og var komin inná vítateig HK/Víkings þegar hún átti slaka sendingu sem rataði ekki á Maríu sem var mætt með henni.
87. mín MARK!
María Soffía Júlíusdóttir (HK/Víkingur)
HK/Víkingar eru búnar að jafna!!!

Varamaðurinn María Soffía skorar með skoti frá vinstra vítateigshorninu. Skotið satt að segja ekkert spes og Friðný Fjóla átti að taka þetta!

Fáum við sigurmark í lokin?
86. mín
Inn:Anna Margrét Hörpudóttir (Tindastóll ) Út:Madison Cannon (Tindastóll )
85. mín
Soft!

Linda Líf er dæmd brotleg í vítateig Tindastóls. Hún er einfaldlega bara ótrúlega sterk og það var ekkert ólöglegt við þetta.
85. mín
Flott tækling hjá Maríu Rós sem heldur lífi í sókn HK/Víkings. Boltinn berst svo í áttina að Fjólu sem rétt missir af honum á fjær!
83. mín
7 mínútur eftir á klukkunni og heimakonur reyna hvað þær geta að finna jöfnunarmarkið. Gestirnir hafa legið aftarlega allan síðari hálfleikinn og lítið sótt eins og þær gerðu svo vel í þeim fyrri.
81. mín
Inn:Fjóla Sigurðardóttir (HK/Víkingur) Út:Margrét Sif Magnúsdóttir (HK/Víkingur)
Kona fólksins, Fjóla Sig., er mætt inná hjá HK/Víkingum. Margrét ekki fundið sig nógu vel á kantinum.
80. mín
Inn:Elín Sveinsdóttir (Tindastóll ) Út:Bryndís Rut Haraldsdóttir (Tindastóll )
76. mín
Milena tók aukaspyrnuna en smellti henni í varnarvegginn. Boltinn barst í kjölfarið á Laufey Elísu sem reyndi að komast áleiðis í fjölmennum teignum og fékk hornspyrnu sem ekkert varð úr.
75. mín Gult spjald: Eva Banton (Tindastóll )
Það er kominn titringur í öftustu línu gestanna og leikmenn ekki samtaka. Laufey Elísa fann pláss til að hlaupa í og var við það að komast inná teig þegar Eva Banton mætti og keyrði hana niður.

Klárt gult á Evu og aukaspyrna á stórhættulegum stað!
74. mín
FRIÐNÝ FJÓLA!

Frábær varsla hjá Friðnýju. Linda Líf fann Maríu Soffíu á harða spretti upp vinstri kantinn. María komst inn á teig og ein gegn Friðnýju sem sá við henni.

Við erum að fá fjör í þetta í lokin.
72. mín
DAUÐAFÆRI!

Þarna átti Kolbrún Ósk að skora!

Varamaðurinn María átti flotta stungu upp í hægra hornið á Madison sem setti frábæran bolta fyrir á fjær þar sem Kolbrún Ósk var mætt. Hún hittir boltann hinsvegar ekki nógu vel og hann fer af varnarmanni og í horn sem HK/Víkingar hreinsa frá.
69. mín
Inn:María Dögg Jóhannesdóttir (Tindastóll ) Út:Emily Key (Tindastóll )
Áhugaverð skipting. Það hefur lítið farið fyrir Emily í síðari hálfleik en hún sýndi sannarlega gæði í þeim fyrri. Hún tekur sér góðan tíma til að rölta rólega af velli og stuða pirraðar heimakonur ögn meira.
65. mín
Linda Líf er nautsterk og vinnur hér hornspyrnu eftir baráttu við Evu. Isabella skrúfar boltann að marki en varnarmaður Tindastóls bjargar af línu.
64. mín
Svei mér þá. Milena ætlar að reyna að halda áfram og er komin aftur inná. Grjóthörð.
63. mín
Þetta var ljótt! Milena varð fyrir barðinu á ljótri tæklingu og liggur eðlilega sárþjáð eftir.

Heimakonur eiga eina skiptingu eftir og það lítur út fyrir að þær þurfi að nota hana núna.
60. mín
Það er annars lítið að frétta héðan þessa stundina. Leikurinn einkennist af baráttu og hvorugu liðanna gengur vel að finna glufur á vörn andstæðinganna.
59. mín
Inn:María Rós Arngrímsdóttir (HK/Víkingur) Út:Þórhanna Inga Ómarsdóttir (HK/Víkingur)
Reynsluboltinn leysir Þórhönnu af í hægri bak.
59. mín
Inn:Linda Líf Boama (HK/Víkingur) Út:Edda Mjöll Karlsdóttir (HK/Víkingur)
Heimakonur reyna að blása lífi í sóknarleikinn og setja ferska fætur í framlínuna.
57. mín
Inn:Hrafnhildur Björnsdóttir (Tindastóll ) Út:Vigdís Edda Friðriksdóttir (Tindastóll )
Fyrsta skipting gestanna. Hrein skipting. Hrafnhildur fer inná miðjuna fyrir Vigdísi Eddu.
55. mín
Tindastóll fær aukaspyrnu rétt utan við vítateigshornið hægra megin. Emily reynir fyrirgjöf en hún er slök og beint í fangið á Björk.
53. mín
Það vekur athygli að hafsentinn Eva Banton sér um að taka markspyrnur frá marki Tindastóls.
52. mín
Isabellu finnst gaman að skjóta á markið og hún reynir hér langskot. Alls ekkert galin tilraun því Isabella er með hörku góðan skotfót en boltinn svífur yfir markið.
50. mín
HORN!

María Soffía vinnur horn fyrir heimakonur. Milena setur boltann fyrir en Eva Banton sem er búin að vera öflug í leiknum skallar frá.
46. mín
Inn:María Soffía Júlíusdóttir (HK/Víkingur) Út:Eyvör Halla Jónsdóttir (HK/Víkingur)
Tvöföld skipting. Gígja fer niður í bakvörðinn vinstra megin og María Soffía á kantinn fyrir framan hana. Isabella kemur á miðjuna og mér sýnist Margrét Sif ætla út á hægri kant.
46. mín
Inn:Isabella Eva Aradóttir (HK/Víkingur) Út:Natalía Reynisdóttir (HK/Víkingur)
46. mín
Leikur hafinn
Leikurinn er hafinn að nýju. Heimakonur gera tvöfalda skiptingu í hálfleik!
45. mín
Hálfleikur
Það er kominn hálfleikur í Víkinni. Tindastóll leiðir með einu marki. Alls ekkert ósanngjarnt miðað við gang mála þó að HK/Víkingar hafi líka fengið sín færi.

Svo virtist sem HK/Víkingar væru að taka yfir leikinn á tímapunkti en þegar þær voru komnar hátt með liðið sitt opnaðist einfaldlega fullt af plássi fyrir þær Madison og Emily að leika sér í.

Markið kveikti bara í gestunum sem hafa verið flottar hér í kvöld og maður skilur eiginlega ekki hvernig þær geta verið stigalausar á botninum. HK/Víkingar eru hinsvegar ekki sjálfum sér líkar og þurfa að ná að núllstilla sig og endurræsa ef þær ætla að fá eitthvað út úr leiknum.
44. mín
Ekkert markvisst að gerast sóknarlega þessar síðustu mínútur. Edda Mjöll var að reyna langskot en það fór vel framhjá.
38. mín
Hætta í vítateig Tindastóls. Sólveigu mistekst að komast inn í þversendingu HK/Víkings og Gígja Valgerður nær til boltans. Hún tekur hann með sér inná teig þar sem hún leikur á Sólveigu áður en hún reynir fyrirgjöf sem gestirnir ná að koma frá.
36. mín
HK/Víkingar fá dæmda aukaspyrnu vinstra megin á miðjum vallarhelmingi Tindastóls. Gullfóturinn Milena Pesic tekur spyrnuna og reynir markskot en það er beint á Friðný Fjólu.
33. mín
Obbobobb. Maggý með frábæra varnarvinnu og vinnur boltann af Emily úti í horni. Aðstoðadómarinn hefur væntanlega blikkað augunum akkúrat þegar boltinn fór af Emily og aftur fyrir því að hann dæmir hornspyrnu.

Réttlætinu er fullnægt í kjölfarið og HK/Víkingar hreinsa frá.
30. mín
HK/Víkingar ráða ekkert við Madison um þessar mundir og hún er síógnandi úti hægra megin.
26. mín
Gestirnir hafa heldur betur eflst við að komast yfir og heimakonur virðast slegnar útaf laginu.

Madison var aftur að koma upp hægra megin og inná teig í góða skotstöðu. Í þetta skiptið setur hún boltann rétt framhjá fjærstönginni.
24. mín
Þvílík björgun!

Engu mátti muna að Tindastóll næði að tvöfalda forystuna mínútu eftir að hafa komist yfir.

Emily Key fær langan bolta yfir vörnina og nær að lyfta boltanum yfir Björk sem kemur út á móti henni. Aftur nær Björk að slæma fingrunum í boltann og hægir á honum þannig að Margrét Eva hefur tíma til að komast aftur á marklínu og hreinsa á síðustu stundu! Neglir boltanum í samskeytin á eigin marki og út.

Þarna mátti engu muna!
23. mín MARK!
Ólína Sif Einarsdóttir (Tindastóll )
MAAAARK!

Fyrirliðinn Ólína Sif er grimmust í teignum og skorar eftir hornspyrnu.

Tindastólskonur komnar með forystuna.
22. mín
VÁÁÁ!!

Madison Cannon með frábær tilþrif!

HK/Víkingar hafa verið að herða tök sín á leiknum og stýrt umferðinni síðustu mínútur en það opnar bara á það að gestirnir eigi hættulegar skyndisóknir.

Madison fékk boltann upp hægri kantinn þar sem hún hafði heila flugbraut fyrir framan sig. Brunaði inn á teig, fíflaði þrjá varnarmenn og lét svo vaða á fjær. Björk náði að setja fingur í boltann sem hrökk þar af leiðandi í stöngina og út en ekki inn.
20. mín
HK/Víkingar fá í kjölfarið horn en gestirnir ná að hreinsa frá eftir þunga pressu og mikla ákefð heimakvenna í teignum.
19. mín
DAUÐAFÆRI!

Friðný Fjóla missir fyrirgjöf beint fyrir tærnar á Milenu innan markteigs. Mér sýnist það vera Kristrún María sem kemst fyrir skot Milenu og bjargar marki.

Þarna skall hurð nærri hælum!
17. mín
Hinum megin á vellinum er Friðný Fjóla á tánum. Hún náði að handsama boltann rétt á undan Eddu Mjöll sem elti stungusendingu á fleygiferð.
15. mín
Lofandi sókn hjá gestunum. Emily Key komst inn á teig undir pressu og gerði vel í að lauma boltanum til vinstri á Vigdísi að mér sýndist. Hún var við það að munda skotfótinn þegar Maggý hlóð í frábæra tæklingu og vann af henni boltann. Fanta varnarleikur!
9. mín
Fjör í þessu. Margrét Sif var að finna Natalíu út til hægri þar sem hún er búin að vera dugleg að finna sér pláss. Natalía reynir skot af hægra vítateigshorninu en það er beint á Friðný.
8. mín
Þá er það Madison Cannon sem reynir fyrsta skot gestanna. Fullmikið bjartsýni í því og skotið slakt en Björk misreiknar boltann eitthvað og gefur ódýra hornspyrnu.

Hún borgar svo fyrir mistökin með því að grípa hornspyrnu Kolbrúnar Óskar örugglega.
7. mín
Margrét Eva gerir sig líklega í horninu. Fær nokkuð frían skalla utarlega í teignum en setur boltann framhjá.
6. mín
EDDA MJÖLL!

Fyrsta færi leiksins. Natalía á flotta fyrirgjöf frá hægri. Eva og Edda Mjöll stökkva upp í skallabolta og boltinn dettur fyrir fæturnar á Eddu Mjöll sem þrumar í stöngina.

Friðný Fjóla hefur komið við boltann og heimakonur fá fyrstu hornspyrnu leiksins.
5. mín
Bæði lið eru að þreifa fyrir sér þessar fyrstu mínútur. Reyna að spila boltanum sín á milli en spennustigið virðist hátt.
4. mín
Gestirnir stilla svona upp:

Friðný Fjóla
Sólveig - Kristrún - Eva Banton - Laufey Harpa
Ólína Sif - Vigdís Edda
Madison - Bryndís Rut - Kolbrún
Emily
3. mín
HK/Víkingur stillir svona upp:

Björk
Þórhanna - Margrét Eva - Maggý - Eyvör
Laufey - Margrét Sif
Natalía - Milena - Gígja Valgerður
Edda Mjöll
1. mín
Leikur hafinn
Heimakonur byrja. Leika í átt að Kópavogi.
Fyrir leik
Liðin eru mætt út á völl og þar eru HK/Víkingar í fylgd efnilegra fótboltastelpna sem sprengja krúttskalann auðveldlega. Gússígúú!

Fyrir leik fá tveir leikmenn heimaliðsins viðurkenningu fyrir að hafa leikið 100 leiki fyrir meistaraflokk HK/Víkings. Það eru þær Milena Pesic og Þórhanna Inga Ómarsdóttir. Þær taka við blómvöndum frá meistaranum Sigurbirni Björnssyni.
Fyrir leik
Nú bíðum við bara eftir að fá liðin út á völl. Kröftugri upphitun lokið og allt að verða klárt fyrir flottan fótboltaleik.
Fyrir leik
Byrjunarliðin eru klár eins og sjá má hér til hliðar. HK/Víkingar gera þrjár breytingar frá því í jafnteflinu gegn Hömrunum.

Þær Natalía Reynisdóttir, Þórhanna Inga og Edda Mjöll koma inn í liðið fyrir Maríu Soffíu, Isabellu Evu og Karólínu Jack sem er ekki með í dag. Natalía er að fara að spila sinn fyrsta leik fyrir liðið í sumar.

Hjá gestunum er Friðný Fjóla Jónsdóttir komin í markið. Hún fékk félagaskipti til Tindastóls frá Selfossi í dag og Stólarnir þurfa því ekki að stilla útileikmanni upp í markinu annan leikinn í röð. Friðný Fjóla þekkir vel til hjá Tindastól en hún spilaði tvo leiki með liðinu í úrslitakeppninni í fyrra.

Friðný Fjóla kemur inn fyrir Maríu Dögg sem sest á bekkinn. Bryndís Rut spilaði í markinu síðast en spilar úti í dag eins og hún er vön.
Fyrir leik
Það er leikið þétt um þessar mundir og leikurinn í kvöld er þriðji leikur liðanna á viku. Eins og áður kom fram léku liðin í bikarkeppninni síðastliðinn föstudag. Bæði áttu þau svo deildarleik í vikunni.

HK/Víkingar fór norður á Akureyri og gerðu 1-1 jafntefli við Hamrana.

Tindastóll tók á móti spútnikliði Sindra og mátti sætta sig við annað 3-2 tap. Tindastóll stillti upp útileikmanni í markinu í þeim leik og sigurmarkið kom ekki fyrr en í uppbótartíma. Einhver hefur dramatíkin verið.
Fyrir leik
Þetta eru liðin tvö sem komust lengst allra 1.deildar liða í Borgunarbikarnum í ár en bæði duttu þau úr leik gegn efstu deildarliðum í 8-liða úrslitum.

HK/Víkingar steinlágu gegn Val, 5-0, en Tindastóll átti ágæta endurkomu gegn Grindavík. Það dugði þó ekki til og liðið tapaði 3-2 eftir að hafa verið 3-0 undir í hálfleik.
Fyrir leik
Gleðilegan föstudag!

Hér verður boðið upp á beina textalýsingu frá áhugaverðum leik í 1. deild kvenna. HK/Víkingur tekur á móti Tindastól á Víkingsvelli kl.19:15.

Gengi liðanna hefur verið ólíkt það sem af er sumri. HK/Víkingur er með fæst töpuð stig í deildinni og situr í 2. sæti, stigi á eftir Þrótti sem hefur leikið einum leik meira.

Tindastólsliðið situr hinsvegar á botni deildarinnar, stigalaust eftir 7 umferðir. Liðið hefur verið í framför að undanförnu og staðið sig feykivel í Borgunarbikarnum þar sem það sló út Pepsi-deildarlið Fylkis og lét Grindavík hafa fyrir 3-2 sigri í 8-liða úrslitum.

Það verður því vonandi boðið upp á hörkuleik á blautum Víkingsvellinum.
Byrjunarlið:
1. Friðný Fjóla Jónsdóttir (m)
Kristrún María Magnúsdóttir
3. Bryndís Rut Haraldsdóttir (f) ('80)
4. Vigdís Edda Friðriksdóttir ('57)
5. Ólína Sif Einarsdóttir (f)
6. Laufey Harpa Halldórsdóttir
7. Sólveig Birta Eiðsdóttir
11. Kolbrún Ósk Hjaltadóttir
21. Eva Banton
24. Emily Key ('69)
25. Madison Cannon ('86)

Varamenn:
2. Jóna María Eiríksdóttir
9. María Dögg Jóhannesdóttir ('69)
10. Svava Rún Ingimarsdóttir
17. Elín Sveinsdóttir ('80)
23. Bryndís Rún Baldursdóttir

Liðsstjórn:
Arnar Skúli Atlason (Þ)
Birna María Sigurðardóttir
Hrafnhildur Björnsdóttir
Brenton Muhammad
Anna Margrét Hörpudóttir

Gul spjöld:
Eva Banton ('75)

Rauð spjöld: