Ekki alveg fullt í stúkunni ennþá. Hvet fólk til að fjölmenna á völlinn.

Samtals sex stuðningsmenn Ventspils eru mættir á völlinn með fána og láta í sér heyra.

Talsverður vindur hér á Hlíðarenda. Hallar á annað markið.

Liðin eru að hita upp á fullu. Dómararnir líka. Þeir eru í flottum hvítum búningum í dag.

Bæði lið búin að gera allt klárt fyrir upphitun. Óli Jó spjallar við kollega sinn frá Lettlandi. Líklega á ensku......Óli er reyndar tungumálamaður og gæti farið aðrar leiðir í spjallinu.

Sigurliðið hér mætir Domzale frá Slóveníu í 2. umferðinni. Domzale lagði Flora Tallin 3-2 á útivelli í dag og samanlagt 5-2. Domzale lenti 2-0 undir í Eistlandi í dag en sneri taflinu svo sér í vil. Ivan Firer var á skotskónum fyrir Domzale en hann spilaði með Grindavík í 1. deildinni fyrir tíu árum síðan.

Jurijs Zigajevs, Girts Karlsons og Artem Vaskov koma inn í lið Ventspils frá því í síðasta leik. Artem var fjarri góðu gamni í þeim leik en hann byrjar í kvöld.

Ritvars Rugins er ekki með í dag eftir að hafa fengið þungt höfuðhögg í fyrri leiknum. Eduards Tidenbergs er einnig fjarri góðu gamni. Vitalijs Recickis og Eduards Tidenbergs detta einnig úr liðinu.

Ein breyting er á liði Vals frá því í fyrri leiknum en Guðjón Pétur Lýðsson kemur inn á miðjuna fyrir Sindra Björnsson. Að öðru leyti er liðsuppstillingin hefðbundin hjá Val.

Sigurbjörn Hreiðarsson, aðstoðarþjálfari Vals
Menn eru í virkilega góðum fílíng. Við höfum fengið að einbeita okkur að þessu Evrópuverkefni og enginn leikur í deild eða bikar á milli. Menn eru mjög innstilltir á þetta verkefni í kvöld.

Það sem við höfum séð við að skoða þetta lið þá spilar það aðeins öðruvísi á útivöllum en á heimavelli. Á útivöllum eru þeir mjög þéttir. Þeir hafa lagst niður og reynt að loka öllum leiðum mjög fljótt. Það er erfitt að finna glufur á þeim.

Miðaverð í kvöld er 1000 krónur en Valsmenn stefna á að fylla Hlíðarenda þar sem sæti er fyrir rúmlega 1200 áhorfendur. Til fyrirmyndar hjá Val að lækka miðaverð til að fá fleira fólk á völlinn!

Lítið var um færi í leiknum í Lettlandi og leikurinn þar var frekar lokaður. Valsmenn stilltu upp varnarsinnuðu liði en þeir eiga eflaust eftir að sækja meira hér á heimavelli í kvöld.

Kvöldið!

Hér verður bein textalýsing frá leik Vals og Ventspils í annarri umferð í Evrópudeildinni.

Staðan er markalaus eftir fyrri leikinn í Lettlandi í síðustu viku en leikið verður til þrautar í kvöld um það hvort liðið fer áfram.