Brynjar Kristmundsson með aukaspyrnu sem fer rétt yfir markið, ágætis tilraun þarna.

Það er ekkert í kortunum sem segir mér það að Fram sé að fara að jafna leikinn. Þróttarar líklegri til að bæta við þriðja markinu ef eitthvað er. Það getur þó allt gerst í þessum blessaða fótbolta.

ATLI Í VANDRÆÐUM!!! Markvörður Fram í allskonar vandræðum, kom fyrirgjöf fyrir markið og hann sló hann út. Þróttarar voru hársbreidd frá því að koma svo frákastinu í netið. Atli á hálum ís þarna.

Viktor með skot úr teignum en Atli heldur þessu. Hann er að leita að þrennunni.

Rafn Andri með ágætis aukaspyrnu sem fer rétt yfir markið. Heimamenn koma ferskir inn í síðari hálfleikinn.

Síðari hálfleikur er kominn af stað.

GRÉTAR SIGFINNUR MEÐ SKALLA!!! Það kom aukaspyrna frá vinstri sem fór langt inn í teiginn, þar var Grétar mættur í skallafærið en Atli rétt nær að halda boltanum.

Vilhjálmur Pálma með hörkuskot rétt framhjá markinu. Þetta var líkelga af 25-30 metra færi.

Arnór Daði liggur eftir á vellinum eftir skallaeinvígið áðan. Hann hoppaði upp með Viktori og Atla.

ÞRÓTTARAR SKORA EN ÞAÐ ER DÆMT AF!!! Það kom frábær fyrirgjöf frá vinstri hátt upp. Viktor Jóns stekkur upp í einvígi við Atla og nær skallanum í átt að marki. Boltinn rúllar hægt á Víði sem skorar en hann var rangstæður. Spurning hvort Viktor hefði ekki bara átt að klára þetta sjálfur.

Guðmundur í hættulegu færi!! Aukaspyrna sem Brynjar tekur og boltinn fer beint á hausinn á Guðmund en Arnar Darri sér enn og aftur við þessu.

HLYNUR ATLI!! Hann fékk boltann í tvígang fyrir utan teig, fyrra skiptið fer hann í varnarmann en í síðara setur hann boltann í hægra hornið niðri. Arnar Darri tókst þó að verja þennan!

Sigurður Þráinn selur sig þarna. Vilhjálmur Pálmason leikur á hann og reynir skot á markið en Atli er vel á verði.

ATLI GUNNAR VER ÓTRÚLEGA!! Viktor Jónsson var sloppinn í gegn eftir einstaklingsmistök frá Sigurði og Dino. Viktor ætlaði framhjá Atla í markinu en hann sá þó við honum.

FRAMARAR Í HÆTTULEGU FÆRI!! Brynjar tekur aukaspyrnu frá hægri og teiknar hann vel inn í teig. Þar dettur boltinn fyrir menn en enginn nær að hamra hann almennilega á markið. Ágætis hugmynd samt.

Viktor Jónsson með ágætis skallafæri eftir hornspyrnu en hann stangar hann framhjá. Hreyfir sig eins og Fernando Torres og með nákvæmlega sömu klippingu og hann þegar sá spænski var upp á sitt besta.

Uppstilling Fram:
Atli Gunnar
Sigurður Þ. - Gavric - Arnór D.
Sigurpáll
Brynjar K. - Indriði Áki - Hlynur Atli - Smidt.
Bubalo - Gummi Magg.

Hipolito virðist vera að spila sama leikkerfi og hann gerði með Atletico CP í Portúgal. Þetta er 5-3-2 þegar þeir verjast og svo 3-5-2 þegar þeir sækja.