Domzale unnu hlutkestið og völdu að sparka í átt að Öskjuhlíð.

Valsarar hefja leik.

Slóvenarnir fá sérstakt kúdos frá mér þar sem markvörður þeirra er fyrirliðinn.

Það er alltaf þroskamerki á liði!!!

Valsarar eru í sínum hefðbundna lit, Domzale í sínum sem er algulur búningur.

Sérstaklega vill ég óska vallarþulnum hjartanlega til hamingju með frammistöðuna í upplestrinum, hér voru margir tungubrjótar en hann fór skítlétt með þetta.

Sérstaklega gott moment með Dobrovoljc.

Domzale ættu ekki að lenda í neinum vanda með gervigrasið, þeir eru alvanir því og heimaleikurinn þeirra fer fram á nýlögðu teppi.

Heimamenn stóla á að Valsarar eigi erfitt með aðstæður, reiknað er með 32ja - 34ra stiga hita.

Liðin farin til búningsklefa í lokaundirbúninginn.

Það er að tinast í stúkuna en það er enn pláss fyrir rassa til að fela auð sæti. Valsarar þurfa stuðning krakkar...koma nú!

Dómarinn kemur frá Noregi, Tore Hansen heitir sá.

Honum til aðstoðar með flöggin eru Jon-Michael Knutsen og Oystein Ytterland. Sá fjórði er Espen Eskås, allt eru þetta samlandar hans.

Eftirlitsdómarinn er írskur, John Ward heitir sá og eftirlitsmaður UEFA er Pólverji, sá heitir Kazimierz Olezek.

Einn fyrsti sem ég þekki í stúkunni er Zoran Miljkovic...

Ég hefði sett inn mynd en maðurinn er svoddan gangandi svalheit að maður fær minnimáttarkennd. Sólbrillurnar toppa allt í rigningarskúrinni sem er á Valsvelli núna.

Nokkrir aðdáendur Domzale mættir í stúkuna...og henda strax pressu í sína menn.

Einn labbaði niður að hliðarlínunni og gargaði á ensku að það væri eins gott að þeir ynnu þar sem hann hefði hent 300 Evrum á þeirra sigur með stuðulinn 2,8. Alvöru stuðningur hér á ferð!

Anton Ari veit hvað þarf í kvöld!

"Það þarf auðvitað margt að ganga upp. Við þurfum að mæta vel gíraðir og spila toppleiki."

Nánar hér:

http://www.fotbolti.net/news/13-07-2017/anton-ari-thad-tharf-margt-ad-ganga-upp

Valsmenn freista þess að ná betri úrslitum en KR náðu í dag, þó vissulega þeir eigi enn ágætan möguleika.

Lykillinn sennilega að fá ekki á sig útimark og helst skora eitt.

Slóvenska deildin er ekki hafin svo að Valsmenn ættu að hafa leikæfinguna fram yfir mótherja sína.

Slóvensk lið eru hærra "rönkuð" en íslensk eftir betri árangur í Evrópu á liðnum árum. Hæst reis frægð þeirra þegar Maribor komst inn í riðlakeppni meistaradeildarinnar leiktíðina 2014 - 2015 eftir að slá út Celtic í lokaumferð forkeppninnar.

Svo Valsarar eru klárlega "litla liðið" í þessari viðureign!

Hvernig sem fer í kvöld verða bæði þessi lið í hattinum þegar dregið verður í næstu umferð.

Drátturinn sá fer fram næstkomandi föstudag og þá verða í hattinum lið sem við þekkjum, s.s. AC Milan, Atletico Bilbao, PSV Eindhoven, Zenit, Marseille, Everton, Fenerbahce og Freiburg.

Reikna má með fullskipuðum Valshóp, Eiður Aron ætti að vera orðinn góður eftir höfuðhöggið sem hann fékk í leiknum gegn Stjörnunni.

Vænta má þess að sjá Patrik Pedersen í stúkunni í dag, hann verður ekki löglegur fyrr en í næsta leik liðsins sem er gegn Víkingum á sunnudag.

Domzale var stofnað 1921 en eyddi lengst af ferlinum í neðri deildum júgóslavnesku deildarinnar.

Við stofnun slóvensku deildarinnar eftir uppbrot Júgóslavíu hófu þeir leik í næstefstu deild en unnu sig þaðan upp árið 2003. Frá þeim tíma hafa þeir unnið deildina tvisvar auk bikarsigranna og verið í toppbaráttu.

Bikarsigurinn var fyrsti titill þeirra í sex ár. Liðið hefur ágæta reynslu af Evrópukeppni og hafa gefið út að þeir ætli að gera atlögu að riðlakeppni Evrópudeildarinnar að þessu sinni.

Bæði þessi lið unnu sér þátttökurétt í keppninni með því að sigra bikarkeppni sinna landa.

Valsarar unnu ÍBV í úrslitaleik en Domzale lögðu nágranna sína í Olimpia með einu marki gegn engu. Það er annar bikarsigur í sögu slóvenska liðsins.

Valsarar eiga enn eftir að fá á sig mark í keppninni en hafa einungis skorað eitt, markatala Domzale er 5-2 hingað til.

Valsmenn slógu út Ventspils frá Lettlandi í fyrstu umferð keppninnar en Slóvenarnir slógu út eistneska liðið Flora Tallinn 5-2 samanlagt, unnu báðara viðureignir liðanna.

Svo bæði lið búin að slá út Eystrasaltslið hingað til.

Góða kvöldið!

Hér verður bein lýsing frá leik Vals og Domzale frá Slóveníu í 2. umferð Evrópudeildarinnar. Um er að ræða fyrri leik liðanna.