Brotið á Jeppe á vinstri kantinum en hann stendur í lappirnar og heldur áfram. Missir svo boltann skömmu síðar en Elías dómari leiksins dæmir ekkert. Jeppe ekki sáttur. Skil hann alveg, hefði átt að fá aukaspyrnu þarna

Liðin ganga inn á völlinn. Keflavík er í sínum hefðbundnu heimabúningum en Leiknir er í hvítu varabúningum sínum. Undirritaður er ansi einmana hér í blaðamannastúkunni þannig ég biðst forláts fyrirfram ef ég sé ekki eitthvað í leiknum eða fer með rangt mál. Venjulega getur maður spurt aðra blaðamenn/konur en það er ekkert svoleiðis í dag

Bæði lið hafa verið í Pepsi-deildinni á undanförnum árum og vilja líklega helst ekki vera í þessari deild. Þetta verður því áhugaverður leikur

Liðin eru komin inn í búningsklefa og styttist í leikurinn byrji.

Undirritaður er áhugasamur um gæði grasvalla hér á Íslandi. Nettó-völlurinn í Keflavík lítur vel út og er verið að vökva hann þessa stundina. Keflvíkingar eiga líka hrós skilið að vera með alvöru nafn á vellinum. Í Grindavk, heimabæ undirritaðs er ekkert slíkt. Ég sting upp á að Beggi vallarstjóri fari í málið og finni alvöru nafn á Grindavíkurvöll

Keflavík er eitt sjö liða af Suðurnesjunum í karlaboltanum. Suðurnesin eru að gera góða hluti á Íslandsmótinu í sumar. Grindavík er á toppnum í Pepsi-deildinni ásamt Val og þá er Keflavík í 2. sæti í Inkasso-deildinni.

Njarðvík er á toppnum í 2. deildinni og þar er einnig Víðir úr Garði. Þeir sitja í 5. sæti deildarinnar. Tvö lið af Suðurnesjunum eru í 3. deild. Þróttur Vogum er í fjórða sæti deildarinnar en Reynir Sandgerði sitja á botninum. GG úr Grindavík spilar í 4. deildinni og eru þeir í 5. sæti í sínum riðli

Það er ágætis veður hérna í Keflavík. Smá gola en ekkert til að kvarta yfir

Byrjunarliðin eru komin í hús. Keflvíkingar stilla upp óbreyttu liði frá 3-1 sigrinum gegn HK í síðustu umferð.

Leiknismenn gera þrjár breytingar á sínu liðið frá 3-1 sigrinum á Gróttu í síðustu umferð. Ósvald, Brynjar og Árni Elvar koma inn í byrjunarlið Breiðhyltinga

Heil umferð fer fram í Inkasso deildinni í dag en fimm leikir hefjast klukkan 14:00. Síðasti leikurinn hefst svo klukkan 15:00. Að sjálfsögðu er hægt að fylgjast með öllum leikjunum hér á fotbolti.net

Liðin mættust í fyrstu umferð deildarinnar í sumar en þá enduðu leikar með jafntefli, 1-1. Jeppe Hansen kom Keflvíkingum yfir úr vítaspyrnu snemma leiks en Kolbeinn Kárason jafnaði leikinn fyrir Leikni í seinni hálfleik.

Leiknismenn eru í neðri hluta deildarinnar. Nánar tiltekið í 8. sæti með 14 stig. Leiknir hefur tapað einum leik af síðustu sex, en hins vegar fjórir leikirnir endað með jafntefli, og stigasöfnunin því hæg hjá Breiðhyltingum.

Keflvíkingar hafa verið á miklu skriði að undanförnu og hafa unnið sex síðustu leiki sína. Síðasti tapleikur liðsins kom þann 2. júní. Keflavík situr í 2. sæti deildarinnar, einu stigi á eftir toppliði Fylkis, og einu stigi á undan Þrótti R. sem er í þriðja sæti

Komið sæl og verið velkomin hingað til Keflavíkur þar sem heimamenn munu taka á móti Leikni Reykjavík í 12. umferð Inkasso-deildarinnar