Færeyingarnir eru strax byrjaðir að tromma. Það er fjör á pöllunum.

Leikið er á heimavelli færeyska landsliðsins. Hann tekur 6000 í sæti.

Það er þétt setið í kvöld og það má búast við mikill stemningu.

Liðin labba inn á völlinn. Meistaradeildarlagið fræga heyrist, þetta fer að bresta á.

Það er leikið á gervigrasi í Þórshöfn í kvöld. Eðall!

Byrjunarliðin klár. ÞIV9 í nýrri stöðu á miðri miðjunni. Verður eyjabarátta þar. #EvrópuTóti #CLTóti #fotboltinet

— ÞIV#9 - Aðdáendur (@IV916) July 18, 2017

Víkingur Götu gerir einnig eina breytingu á sínu liði. Filip Djordjevic, serbneskur strákur, kemur inn í byrjunarliðið fyrir Gert Åge Hansen.

Frá fyrri leiknum gerir FH eina breytingu. Halldór Orri Björnsson er tekinn út úr byrjunarliðinu og inn í hans stað kemur reynsluboltinn Atli Guðnason.

Byrjunarlið Vikings Götu:
1. Elias Rasmussen (m)
3. Hanus Jacobsen
4. Atli Gregersen
7. Fródi Benjaminsen
9. Filip Djordjevic
10. Sølvi Vatnhamar
13. Erling Jacobsen
16. Hans Jørgen Djurhuus
19. Vasile Anghel
24. Gunnar Vatnhamar
30. Adeshina Lawal

Byrjunarlið FH:
1. Gunnar Nielsen (m)
4. Pétur Viðarsson
5. Bergsveinn Ólafsson
7. Steven Lennon
8. Emil Pálsson
9. Þórarinn Ingi Valdimarsson
10. Davíð Þór Viðarsson (f)
11. Atli Guðnason
18. Kristján Flóki Finnbogason
20. Kassim Doumbia
21. Böðvar Böðvarsson

Byrjunarliðin eru klár.

Dómarinn í kvöld heitir Ville Nevalainen, en hann kemur frá Finnlandi.

Heimir Guðjónsson, þjálfari FH eftir fyrri leikinn:

Ef við spilum vel á þriðjudaginn eins og við gerðum í kvöld, þá myndi ég segja það jú," sagði Heimir um möguleikana á því að komast áfram.

Sjáðu viðtalið í heild sinni!

Davíð Þór Viðarsson, fyrirliði FH:

Mér fannst við vera sterkara liðið í fyrri leiknum en úrslitin voru ekki í samræmi við það. Ef við náum upp tempói og hraða í spilið hjá okkur og náum að opna þá, þá eru mjög góðir möguleikar á að fara áfram.

Lestu viðtalið í heild sinni

Today is the day that @fhingar's CL fate will be decided! Looks like Maribor wait in the next round if they do. Afram FH! #fotboltinet

— Lucas Arnold (@FRfotboltiLucas) July 18, 2017

GKG er mættur til Færeyja (staðfest)! Sjávarloftið þar minnir á upprunann hjá Ægi. Allt klárt fyrir morgundaginn! #fotboltinet #Peningalykt

— GKG#29 - Aðdáendur (@GKG29FANS) July 17, 2017

Adeshina Abayomi Lawal er leikmaður sem FH þarf að vara sig á. Hann er markahæsti leikmaður Víking, en hann skoraði markið á Kaplakrikavelli.

Hann kemur frá Nígeríu en hann hefur spilað í Færeyjum frá árinu 2013.

Einn Færeyingur spilar með FH, en það er landsliðsmarkvörður þjóðarinnar, Gunnar Nielsen.

Sigurvegarinn úr þessu einvígi mætir mætir Maribor frá Slóveníu eða HSK Zrinjski frá Bosníu og Hersegóvínu í 3. umferð Meistaradeildarinnar en dregið var í síðustu viku.

Maribor varð slóvenskur meistari með yfirburðum á síðasta tímabili á meðan Zrinjski vann deildina í Bosníu og Hersegóvínu með einu stigi.

Fyrri leikirnir í 3. umferð Meistaradeildarinnar fara fram 25 og 26. júlí en þeir síðari viku síðar.

Sigurvegararnir þar fara í umspil um sæti í riðlakeppni Meistaradeildarinnar en tapliðin í 3. umferðinni fara yfir í 4. umferð í Evrópudeildinni.

Leikurinn í kvöld hefst á slaginu 18:00, en FH verður að skora, að minnsta kosti eitt mark til þess að fara áfram í næstu umferð.

Leikurinn fer fram í Færeyjum, en fyrri leikurinn endaði með 1-1 jafntefli.

FH komst 1-0 yfir með marki frá Emil Pálssyni, en Færeyingarnir náðu að jafna úr vítaspyrnu.

FH-ingarnir voru sterkari aðilinn í leiknum, en það er ekki það sem skiptir öllu máli. Þú verður líka að koma boltanum í netið og Víkingi tókst að gera það í Kaplakrika!

Í kvöld munum við fylgjast með seinni leik Íslandsmeistara FH og færeyska liðsins Víkings Götu í forkeppni Meistaradeildar Evrópu.