Víkingur R.
1
0
ÍR
Hjörtur Júlíus Hjartarson '90 1-0
19.05.2012  -  14:00
Víkingsvöllur
1. deild
Dómari: Gunnar Sverrir Gunnarsson
Byrjunarlið:
Helgi Sigurðsson ('85)
12. Halldór Smári Sigurðsson ('73)
27. Tómas Guðmundsson
29. Agnar Darri Sverrisson

Varamenn:
21. Aron Elís Þrándarson ('85)
24. Davíð Örn Atlason ('73)

Liðsstjórn:

Gul spjöld:
Davíð Örn Atlason ('90)

Rauð spjöld:
Fyrir leik
Víkingur R. og ÍR mætast í dag í fyrstu deildinni, en við bjóðum ykkur velkomin í beina textalýsingu af leiknum.
Fyrir leik
ÍR vann KA í fyrstu umferð með þremur mörkum gegn tveimur, en það var Elvar Páll Sigurðsson sem skoraði sigurmarkið á lokamínútu leiksins.
Fyrir leik
Á meðan þurfti Víkingur að sætta sig við markalaust jafntefli við BÍ/Bolungarvík.
Fyrir leik
Byrjunarliðin eru komin í hús!
Fyrir leik
Víkingur vann í vikunni utandeildarliðið Landsliðið sem spilaði undir merkjum Fáks með þremur mörkum gegn tveimur á meðan ÍR-ingar þurftu að lúta í gras fyrir Njarðvík.
Fyrir leik
Nokkrar breytingar eru á liði Víkinga. Egill Atlason, Patrik Snær Atlason og Kristinn Jens Bjartmarsson fara á tréverkið í dag og inn í stað þeirra koma Tómas Guðmundsson, Helgi Sigurðsson og Gunnar Helgi Steindórsson.
Fyrir leik
Lið ÍR er óbreytt frá fyrstu umferðinni. Það má þó sjá nokkra spennandi leikmenn á bekknum hjá þeim. Davíð Einarsson kom á láni frá KR-ingum og Viggó Kristjánsson frá Blikum á síðustu dögum félagaskiptagluggans.
Fyrir leik
Það verður spennandi að sjá hvað þessi leikur hefur upp á að bjóða, en það er ágætis veður úti. Níu gráður segir mælirinn og fínasta veður.
Fyrir leik
Það er allt að verða til reiðu í Víkinni, rétt um tuttugu mínútur í leik!
Fyrir leik
Liðin ganga inn á völl og eru að undirbúa sig að hefja leikinn!
1. mín
Leikurinn er hafinn!
1. mín
ÍR-ingar byrja betur. Jón Gísli Ström fékk langa sendingu frá Elvari hinum megin á kantinum, sending Jóns fór fyrir markið en Reynir Leóssn kemur boltanum frá.
4. mín
ÍR-ingar vilja fá víti!! Reynir Magnússon kom með sendingu inn fyrir vörnina og svo virtist sem að Tómas Guðmundsson hafi tekið framherja ÍR-inga niður, en ekkert dæmt.
6. mín
Nigel Quashie með lúmska sendingu inn í teig, en Skúli Sigurðsson, markvörður Víkings handsamar boltann.
8. mín
Hjörtur Júlíus Hjartarson með skalla yfir markið eftir sendingu frá Kjartan Dige Baldurssyni.
12. mín
Halldór Smári Sigurðsson haltraði af velli og var hlúið að honum, en svo virðist sem hann hafi fengið eitthvað högg á bakið. Hann er samt kominn aftur inn á!
19. mín
Jón Gísli í dauðafæri!! Guðjón Gunnarsson var á sprettinum með boltann og var kominn rétt fyrir utan vítateig er hann ákvað að renna boltanum inn á Jón Gísla sem var í ákjósanlegu færi, en hann hittir ekki boltann!
23. mín
Hjörtur með bakfallsspyrnu, en hún var ekki nógu góð. Hún var laus og átti Þórir Guðnason ekki í vandræðum með að handsama knöttinn.
28. mín
Helgi Sigurðsson með fína takta. Fékk boltann í teignum eftir vandræðagang, lyfti honum yfir varnarmann og skaut svo boltanum rétt yfir markið.
29. mín
ÍR fiskar aukaspyrnu rétt fyrir utan teig, en spyrnan er ekki nægilega góð.
34. mín
Lítið að gerast þessa stundina. Hvorugt liðið er að skapa sér hættuleg færi, en það er nokkuð jafnræði með liðunum.
38. mín
Helgi Sigurðsson komst í dauðafæri!! Þórir varði vel frá honum og Hjörtur tók frákastið, en boltinn fór í stöngina!
45. mín
Kjartan Dige með fínt skot, en boltinn í hliðarnetið. Það fer að styttast í hálfleikinn, fáum við mark fyrir það?
45. mín
Það er hálfleikur í Víkinni. Það er markalaust, en vonandi fáum við einhver mörk í síðari hálfleiknum!
46. mín
Síðari hálfleikur er hafinn!
53. mín
Jón Gisli með skot! Hafliði Hafliðason með sendingu á Jón Gísla, en Skúli sér við honum í markinu.
60. mín
Heimamenn nálægt því að komast yfir! Þórir Guðnason og Axel Kári eitthvað að misskilja ástandið en Helgi Sigurðsson var lengi að átta sig og var nálægt því að pota í boltann.
63. mín
Helgi með skot, en það er vel yfir. Hann er búinn að vera mikið í boltanum, en er ekki að nýta færin sín eins og svo margir aðrir á vellinum í dag.
64. mín
Inn:Patrik Snær Atlason (Víkingur R.) Út:Gunnar Helgi Steindórsson (Víkingur R.)
65. mín
Inn:Viggó Kristjánsson (ÍR) Út:Elvar Páll Sigurðsson (ÍR)
72. mín
Jón Gísli í dauðafæri! Fékk boltann hægra megin í teignum, setti boltann yfir á vinstri en skot hans fór rétt framhjá markinu!
73. mín
Inn:Davíð Örn Atlason (Víkingur R.) Út:Halldór Smári Sigurðsson (Víkingur R.)
78. mín
Inn:Davíð Einarsson (ÍR) Út:Jón Gísli Ström (ÍR)
78. mín
Davíð Einarsson að spila sinn fyrsta leik fyrir ÍR hér í dag. Hann kemur inn fyrir Jón Gísla Ström, sem hefur átt góðan leik í dag og hefur verið ferskur í liði ÍR.
79. mín
Dauðafæri hjá Víkingum! Patrik Snær Atlason með fyrirgjöfina, en Helgi Sigurðsson er enn og aftur óheppinn fyrir framan markið. Vel gert hjá Reyni Magnússyni sem stóð vaktina í vörninni!
85. mín
Inn:Aron Elís Þrándarson (Víkingur R.) Út:Helgi Sigurðsson (Víkingur R.)
90. mín MARK!
Hjörtur Júlíus Hjartarson (Víkingur R.)
90. mín
HJÖRTUR AÐ SKORA! Davíð Örn Atlason gerði þetta frábærlega, náði að losa sig við Nigel Quashie áður en hann lagði boltann út á Hjört sem skoraði markið!
90. mín
Reynir Magnússon nálægt því að jafna! Frábær tilþrif hjá honum, en ÍR-ingar virðast hafa farið í fýluferð í Víkina í dag.
90. mín Gult spjald: Davíð Örn Atlason (Víkingur R.)
90. mín
Davíð Örn fær gult spjald fyrir leikaraskap! Hann og Patrik spiluðu vel sín á milli og Davíð var kominn inn í teig þegar hann lætur sig falla. Dómari leiksins gaf honum því gult spjald fyrir leikaraskap!
90. mín
Leiknum er lokið! 1-0 sigur heimamanna og mikilvæg þrjú stig í hús, en liðið er með fjögur stig eftir tvær umferðir á meðan ÍR-ingar eru með þrjú stig.
Byrjunarlið:
25. Þórir Guðnason (m)
Trausti Björn Ríkharðsson
7. Jón Gísli Ström ('78)
7. Elvar Páll Sigurðsson ('65)
9. Andri Björn Sigurðsson
10. Nigel Quashie
11. Hafliði Hafliðason
14. Reynir Magnússon
17. Guðjón Gunnarsson
22. Axel Kári Vignisson

Varamenn:
25. Brynjar Örn Sigurðsson (m)
15. Fitim Morina
18. Aleksandar Kostic
27. Viggó Kristjánsson ('65)
28. Davíð Einarsson ('78)

Liðsstjórn:

Gul spjöld:

Rauð spjöld: