FH
2
1
Valur
0-0 Sigurður Egill Lárusson '18 , misnotað víti
Steven Lennon '52 1-0
1-1 Patrick Pedersen '54
Kristján Flóki Finnbogason '57 2-1
08.08.2017  -  19:15
Kaplakrikavöllur
Pepsi-deild karla 2017
Aðstæður: Hliðarvindur í átt að KFC, rigning og 10 stiga hiti. Rennisléttur og rennblautur grasvöllur.
Dómari: Ívar Orri Kristjánsson
Maður leiksins: Steven Lennon
Byrjunarlið:
1. Gunnar Nielsen (m)
Davíð Þór Viðarsson
4. Pétur Viðarsson
5. Bergsveinn Ólafsson
6. Robbie Crawford
7. Steven Lennon
8. Emil Pálsson
11. Atli Guðnason ('81)
18. Kristján Flóki Finnbogason
20. Kassim Doumbia
21. Böðvar Böðvarsson

Varamenn:
12. Vignir Jóhannesson (m)
16. Jón Ragnar Jónsson
17. Atli Viðar Björnsson
22. Halldór Orri Björnsson
23. Þórarinn Ingi Valdimarsson ('81)
29. Guðmundur Karl Guðmundsson

Liðsstjórn:
Heimir Guðjónsson (Þ)
Ólafur Páll Snorrason
Bjarni Þór Viðarsson
Eiríkur K Þorvarðsson
Guðjón Örn Ingólfsson
Ólafur H Guðmundsson
Róbert Magnússon

Gul spjöld:
Emil Pálsson ('16)
Kristján Flóki Finnbogason ('33)

Rauð spjöld:
Leik lokið!
FH vinnur hér í kvöld...slítur einhverja Valsfingur af Íslandsmeistarabikarnum í bili.

Skýrslan og viðtöl á leiðinni.
90. mín
+2

Innkast frá hægri og svo löng sending inn í teig sem Gunnar grípur.

Hættan liðin hjá?
90. mín
+1

Illa nýtt aukaspyrna Valsara frá hægri, léleg sending og leikbrot...tíminn er að renna út fyrir þá að ná í stig.
90. mín
Þrjár mínútur í uppbótartíma.
90. mín
FH eru bara einfaldlega ekkert að gefa færi á sér hérna.

Valsmenn eru að reyna að pressa og berjast af krafti en það er yfirvegun yfir heimamönnum enn sem komið er allavega.
87. mín
Heimamenn taka sér tíma í allt þessa stundina og halda þéttu skipulagi, ætla ekki að gefa nein færi á sér.
84. mín
Pressa Valsara að aukast all duglega, FH komnir 7 - 8 bakvið boltann.
81. mín
Inn:Þórarinn Ingi Valdimarsson (FH) Út:Atli Guðnason (FH)
80. mín
Uppstilling Valsara núna...

Anton

Orri - Eiður - Bjarni

Andri - Guðjón - Einar - Bögild - Sigurður

Kristinn - Pedersen
79. mín
Valsarar nú komnir í 3-5-2 og fá strax færi, Sigurður Egill tekur sér alltof langan tíma í teignum og FH hreinsa.
78. mín
Inn:Kristinn Ingi Halldórsson (Valur) Út:Dion Acoff (Valur)
Síðasta skipting gestanna.
77. mín
Inn:Andri Adolphsson (Valur) Út:Arnar Sveinn Geirsson (Valur)
74. mín
Emil skallar þetta horn rétt framhjá á fjær!

FH sterkari hér þessa stundina.
73. mín Gult spjald: Bjarni Ólafur Eiríksson (Valur)
Ívar samkvæmur sjálfum sér.

Peysutog.
70. mín Gult spjald: Patrick Pedersen (Valur)
Missti af fyrir hvað.
67. mín
Inn:Nicolas Bögild (Valur) Út:Sindri Björnsson (Valur)
Bíddu nú við...greinilega ekki meiðsl fyrir leik að hrjá Bögild heldur einfaldlega breyting á skýrslunni.

Fer væntanlega ofar en Sindri var að spila.
64. mín
Vel gert Atli!

Kíkja á þetta í endursýningu takk. 70 metra háloftabolta drepur hann með hælnum og kemur í leik. Svo flottur fótboltamaður. Upp úr þessu fá FH aukaspyrnu og svo horn sem Valsmenn ná að hreinsa frá.
63. mín
Heilmikil reikistefna í kjölfar þess að Ivar dæmir Val aukaspyrnu. Pústrar og fínerí en að lokum slaka menn á.

Aukaspyrnuna tekur Guðjón svo og neglir hátt yfir.
60. mín
Flott sókn FH endar með skoti frá Kristjáni Flóka eftir góða sendingu Atla Guðna en beint í fang Antons.
57. mín MARK!
Kristján Flóki Finnbogason (FH)
Stoðsending: Steven Lennon
HVAÐ ER Í GANGI HÉRNA

Þriðja markið á fimm mínútum. Hornspyrna frá vinstri settinn í markteig þar sem Kristján stekkur hæst og neglir þennan skalla í markið.

FH komnir yfir á ný!
54. mín MARK!
Patrick Pedersen (Valur)
Stoðsending: Guðjón Pétur Lýðsson
Forystan dugði í 2 mínútur, Guðjón og Pedersen hnýta saman tvo þríhyrninga þar til sá danski er dottinn í gegn og stýrir þessum í fjærhornið.

Jafnt á ný.
52. mín MARK!
Steven Lennon (FH)
Mikil pressa heimamanna þar sem Anton ver vel frá Emil er ekki hreinsuð almennilega frá, boltinn dettur á vinstri vænginn utarlega í teignum þar sem Lennon neglir hann í markið.

Virkilega vel gert og mark hans númer 11 í sumar staðreynd.
50. mín
Hér eru bara raðbeiðnir til dómarans um víti...frá báðum liðum bara.

Ekkert flautað.
48. mín
Valsarar byrja hér nokkuð fjörlega, fara framar á völlinn.

Stefnubreyting?
46. mín
Leikur hafinn
Aftur af stað...engar breytingar á liðunum.
45. mín
Hálfleikur
45. mín
SKOT Í ÞVERSLÁ!!!!

Síðasta snerting boltans í fyrri hálfleik er við þverslánna eftir langskot Crawford, vissulega á hana ofanverða en skotið var gott.
44. mín
Þéttur pirringur í heimastúkunni.

Menn vilja sja árangur þessarar pressu með fleiri færum.
40. mín
Lennon með skot utarlega úr teignum vinstra megin eftir langa sendingu en framhjá á fjær.
37. mín
Rólegt yfir leiknum þessar mínúturnar.

Virðist sem leikurinn þurfi virkilega mark til að vakna.
33. mín Gult spjald: Kristján Flóki Finnbogason (FH)
Fylgdi of fast eftir stungusendingu sem hafði endað í höndum Antons.

Lenti á markmanninum og fær spjald.
31. mín
Hér kemur færi!

Lennon kemst framhjá Arnari Svein og leggur á vítapunkt þar sem Atli Guðna er í ákjósanlegu færi en skýtur yfir. Hér átti strákur að hitta rammann a.m.k.!
30. mín
Kominn hálftími.

Valsmenn leyfa FH að vera með boltann en loka öllum svæðum vel, eru svo snöggir upp og hafa auðvitað fengið langbesta færið.

Ennþá markalaust í Krikanum.
26. mín
Atli á skot úr teignum sem hrekkur af Valsmanni.

Hvítklæddir heimta hendi og víti en Ívar alls ekki á því.
24. mín
Dion sleppur hér framhjá Böðvari og kemst inn í teig í fínt skotfæri en Gunnar fer létt með að verja skot hans.

Ef hann væri nú jafn góður að klára og hann er að koma sér í færi...en þá væri hann nú sennilega ekki að spila á Íslandi.
22. mín
Böðvar kemst á bakvið Arnar Svein og í upplagt sendingarfæri en afleit sending endar í innkasti hinu megin.

Átti hér að gera betur.
21. mín
Búinn að vera eilítill hasar frá vítinu og Ívar tekið töluvert af flauti...sem er klassísk leið til að slá á hasar.

Ekkert alvarlegt í gangi samt.

18. mín Misnotað víti!
Sigurður Egill Lárusson (Valur)
Fast víti niðri hægra megin við Gunnar sem ver þetta vel, FH bjarga svo í horn sem ekkert verður úr.
17. mín
VÍTI FYRIR VAL!!!

Orri sendir í gegn þar sem Acoff eltir og fellur við snertingu frá Gunnari.

Víti dæmt...þarf að skoða í endursýningu!
16. mín Gult spjald: Emil Pálsson (FH)
Braut á Acoff.

Fyrsta leikbrotið...gæti orðið fjör ef þetta verður línan!
15. mín
Acoff kemur aftar hér fyrsta kortérið en maður á að venjast frá honum.

Spurning hvort það er ávísun á að Valsmenn þurfa ekki að sækja jafn fast og FH í þessum leik. Jafntefli fín úrslit fyrir þá.
12. mín
Fyrsta hættan er við mark Valsara.

Bergsveinn sendir á fjær þar sem Kristján skallar boltann út fyrir teig á Emil en skot hans framhjá úr fínu færi.
10. mín
FH eru að halda boltanum og komnir ofarlega á völlinn, Valsmenn eru hins vegar mjög duglegir að loka svæðum.

Þannig er sagan hér fyrstu tíu...
8. mín
Eftir fjörlega byrjun eru liðin aðeins komin fastar í rútínuna og farin að þreifa hvort á öðru.
6. mín
Valsmenn svara í sömu mynt...með 4231

Anton

Arnar - Orri - Eiður - Bjarni

Einar - Sindri

Dion - Guðjón - Sigurður

Pedersen
5. mín
FH spila 4231.

Gunnar

Bergsveinn - Pétur - Doumbia - Böðvar

Emil - Davíð

Atli - Crawford - Lennon

Kristján.
4. mín
Mér var bent á að ég gleymdi einni Valstengingu hjá heimamönnum.

Aðstoðarþjálfarinn Ólafur Páll á auðvitað leiki með Valsmönnum. Eigum auðvitað ekki að gleyma slíku!
2. mín
Heimamenn byrja með látum, fara strax í vænlega sókn og hápressa svo gestina.

Valsmenn losa pressu, Acoff á fullt og vinnur horn.

Þetta verður fjör!
1. mín
Leikur hafinn
Lagt af stað í Krikanum!
Fyrir leik
FH vann hlutkestið og ákveða að sækja í átt að Álfaskeiðinu í fyrri hálfleik.
Fyrir leik
Þarmeð labba liðin út og í tækinu hljómar "Svarthvíta hetjan mín".

Eðalútgáfa af introlagi!
Fyrir leik
Styttist í leikinn, bæði lið hafa sent byrjunarlið sín til búningsklefanna og varamennirnir fá að njóta óskiptrar athygli okkar um sinn.

Það er enn töluvert pláss í stúkunni sem vert er að minna á að er undir þaki og því mun rigningin engin áhrif hafa á þá sem vilja fylgjast með þaðan.
Fyrir leik
Eins og áður skora ég á þá sem fylgjast með leiknum að henda myllumerkinu #fotboltinet í færslur sínar og við munum bregðast við með því að setja inn í lýsinguna því sem mér dettur í hug að taka með inn.
Fyrir leik
Töluvert veltum við fyrir okkur hér í blaðamannastúkunni hvers vegna ekkert bólar enn á nýjum leikmönnum FH.

Þeir hafa víst mætt á æfingar en engin skýring er enn á því hvers vegna þeir sjást ekki hér. Mögulega verið að fela þá fyrir útsendurum ÍBV og Braga...eða hvað?
Fyrir leik
Gerð hefur verið breyting á byrjunarliði Vals frá upphaflegri skýrslu.

Nicolas Bogild er nú kominn á bekkinn og Dion Acoff í byrjunarliðið...væntanlega eitthvað komið uppá í upphituninni.

Líka sérstök ástæða til að benda á það að á varamannabekk Vals eru nú tveir markmenn - sem er jú harla óvanalegt. Við þiggjum auðvitað að hafa sem flesta í hönskum!
Fyrir leik
Já krakkar mínir...hanskafólkið er það duglegasta!!!

Fyrir leik
Valsmenn hafa ekki sótt gull í greipar Kaplakrikans á liðnum árum.

Síðasti sigur rauðliða í Krikanum var árið 2007 þegar þeir sigruðu 2-0 og tryggðu sér Íslandsmeistaratitilinn nokkrum dögum síðar.

Síðasta stig sem þeir hafa tekið með úr Hafnarfirðinum var þó í fyrra en 1-1 jafntefli varð í leik liðanna sumarið 2016.
Fyrir leik
Allir vita held ég að Ólafur Jóhannesson er að koma á sinn eiginlega heimavöll, enda margverðlaunaður þjálfari FH á sínum tíma og dáður í Krikanum.

Auk hans er ein FH-tenging í Valsliðinu þar sem Einar Karl Ingvarsson fer. Sá var leikmaður FH upp alla yngri flokkana en skipti yfir í Val 2014 eftir um 40 meistaraflokksleiki fyrir FH.

Enginn núverandi FH-ingur á tengingu við gestalið Valsmanna...
Fyrir leik
Fyrri leikur liðanna í sumar fór fram á Valsvellinum 15.maí.

Leiknum lauk með 1-1 jafntefli þar sem bæði mörkin komu úr vítaspyrnum.

Sigurður Egill skoraði úr víti Valsmanna og Steven Lennon úr víti FH-inga, jafnaði þá á 83.mínútu.

Þessir tveir eru markahæstu leikmenn sinna liða, Lennon með 10 mörk og Sigurður 6 stykki.
Fyrir leik
Dómarar kvöldsins eru eftirfarandi:

Ívar Orri Kristjánsson flautar, AD1 er Gylfi Már Sigurðsson og AD2 er Frosti Viðar Gunnarsson.

Varadómarinn er Erlendur Eiríksson og þessir menn verða undir eftirliti KA-ljúflingsins Magnúsar Sigurðar Sigurólasonar.
Fyrir leik
Valsmenn eru með 10 stig af síðustu 12 mögulegum og þar á meðal þrjá sigra í röð.

Sá síðasti var líka ansi stór, 6-0 yfirrúll gegn Skagamönnum - virðast í hörkustandi þessa dagana Hlíðarendapiltar.
Fyrir leik
Ef litið er til gengis liðanna að undanförnu má sjá að FH hafa verið nokkuð brokkandi. 2 sigrar, 1 jafntefli og 1 tap í síðustu fjórum leikjum í deildinni en frá sigurleiknum gegn ÍA hafa þeir þó aðeins unnið einn leik og bara skorað eitt mark.

Það var flautumark Steven Lennon gegn Leikni í bikarnum en þeir hafa svo tapað tvisvar sinnum 0-1 fyrir Maribor og 0-0 jafntefli gegn KA.
Fyrir leik
Hjá FH reiknum við með að sjá nöfn nýju leikmanna liðsins á skýrslunni.

Það eru nöfn Cedric D´Ulivo og Matija Dvornekovic, þar fara leikmenn með nokkuð öflugan feril að baki sem fróðlegt verður að sjá á grasinu.
Fyrir leik
Valsmenn sakna fyrirliða síns í kvöld þar sem Haukur Páll Sigurðsson tekur út leikbann. Að öðru leyti eru Valsmenn með fullskipaðan hóp.
Fyrir leik
Okkur er líka ljóst að FH ætla sér að ná í bikarmeistaratitilinn sem gestir þeirra bera fram að næstu helgi.

Þá leika FH og ÍBV til úrslita um Borgunarbikarinn, svo hægt er að setja upp að leikur kvöldsins sé sá fyrsti í úrslitaleikjahrinu FH þetta sumarið.

Þeir þurfa að sigra í kvöld til að koma sér aftur á blað í titilbaráttunni, svo eru það bikarúrslitin um helgina áður en þeir mæta Braga í Evrópukeppninni í fyrri leik liðanna í næstu viku.

Og já...þeir eru ekki að fara að mæta Braga Brynjars formanni Liverpoolklúbbsins á Íslandi, heldur fótboltaliði frá Portúgal. Svona til að forðast misskilning bara...

Stór vika framundan fyrir Hafnarfjarðarrisann úr Krikanum!
Fyrir leik
Hér er auðvitað um sannkallaðan stórveldaslag að ræða, öllum má vera ljóst að Valsmenn ætla sér að ná meistaratigninni af gestgjöfum sínum í ár og næla sér þá í Íslandsmeistaratitil númer 21 í sögu félagsins.

Heimir þjálfari FH hefur reyndar krýnt þá meistara, lét hafa það eftir sér að loknu 0-0 jafntefli sinna manna á Akureyri liðinn laugardag að enginn myndi ná Valsmönnum héðan af.

Hugarleikfimi...eða staðreynd? Ljóst mál að það ræðst m.a. af úrslitum leiksins hvernig litið verður á þau ummæli.
Fyrir leik
Leikurinn er hluti 14.umferðar Pepsideildarinnar sem hefst í kvöld.

Þegar leikur hefst munar 9 stigum á þessum liðum. Valsmenn sitja í efsta sæti deildarinnar með 30 stig en FH eru í því þriðja með 21 stig.
Fyrir leik
Góðan og blessaðan daginn og verið hjartanlega velkomin í beina textalýsingu frá Kaplakrika þar sem ríkjandi Íslandsmeistarar taka á móti ríkjandi bikarmeisturum.

FH - Valur. Spennið beltin!!!
Byrjunarlið:
33. Anton Ari Einarsson (m)
4. Einar Karl Ingvarsson
5. Sindri Björnsson ('67)
9. Patrick Pedersen
10. Guðjón Pétur Lýðsson
11. Sigurður Egill Lárusson
13. Arnar Sveinn Geirsson ('77)
16. Dion Acoff ('78)
20. Orri Sigurður Ómarsson
21. Bjarni Ólafur Eiríksson
23. Eiður Aron Sigurbjörnsson

Varamenn:
25. Jón Freyr Eyþórsson (m)
8. Kristinn Ingi Halldórsson ('78)
9. Nicolas Bögild ('67)
13. Rasmus Christiansen
17. Andri Adolphsson ('77)
23. Andri Fannar Stefánsson

Liðsstjórn:
Ólafur Jóhannesson (Þ)
Rajko Stanisic
Sigurbjörn Örn Hreiðarsson
Halldór Eyþórsson
Einar Óli Þorvarðarson
Jóhann Emil Elíasson

Gul spjöld:
Patrick Pedersen ('70)
Bjarni Ólafur Eiríksson ('73)

Rauð spjöld: