Reykjavík er okkar farið að hljóma og liðin ganga inn á völlinn. Persónuega sakna ég Heyr mína bæn...

Bubbi Morthens farinn að hljóma hér á Alvogen og taka nokkrir áhorfendur hressilega undir.

Það verður ekki löng röð í kaffi og piddsur í hálfleik miðað við mætinguna hingað til. Ekki afleit mæting og auðvitað sjónvarpsleikur en þetta er nú ekki einhver leikur; þetta er KR - Valur! -Eins og segir í Íslenska draumnum.

Dómaratríóið var í Evrópuverkefni á dögunum og dæmdi Malmö gegn FK Vardar í forkeppni Meistaradeildarinnar. Þorvaldur, Jóhann Gunnar og Birkir verða í þriðja liðinu hér í kvöld.

Ég vil minna ykkur á myllumerkið #fotboltinet - Alltaf gaman að því þegar fólk tekur þátt í leiknum.

Það verður blástur úr stúkunni í kvöld! Kristján Jóhannsson er mættur! Magnifico!

Fyrri leikur liðanna í deildinni endaði með 2-1 sigri Vals. Guðjón Pétur og Sigurður Egill skoruðu fyrir heimamenn en Tobias Thomsen skoraði úr víti fyrir KR og minnkaði muninn.

45 mín í leik og Páll Sævar, eða röddin eins og hann er gjarnan kallaður, splæsir í Happy hér í græjunum!

Byrjunarliðin eru klár. Kennie Chopart er bekkjaður hjá KR og þá er Stefán Logi á bekknum rétt eins og gegn ÍA. Hjá Val er Sindri Björnsson kominn á bekkinn og Haukur Páll byrjar.

Guðlaugur Baldursson, þjálfari Keflavíkur, spáir í leiki umferðarinnar.

KR 1 - 2 Valur
Bæði þessi lið voru súr eftir niðurstöður sinna leikja í síðustu umferð. Vafalítið verður hart tekist á en ég hef trú á því að Valsmenn vinni dramatískan sigur.

Átta umferðir eru eftir af Pepsi deildinni. Valur er sem fyrr segir með 5 stiga forskot en bæði Stjarnan og FH eru í raunhæfum séns á að gera atlögu að titlinum. Þar sem þetta er besta íþrótt í heimi er auðvitað ekki hægt að útiloka Grindavík eða KR út frá stigunum en þeirra séns er afar lítill verður að segjast.

Til gamans má geta að Anton Ari, markmaður Vals, fæddist það ár sem Stefán Logi, markmaður KR, fermdist! Að því gefnu að hann hafi fermst en aldursmunurinn er allavega 14 ár á þeim kollegum.

Þegar liðin mættust á Alvogen vellinum í fyrra vann KR 2-1 sigur. Óskar Örn og Fazlagic skoruðu fyrir KR en Haukur Páll skoraði mark Valsmanna. Á Hliðarenda vann Valur hins vegar 2-0 sigur og skoraði Kristinn Freyr bæði mörkin.

Síðasta umferð var vonbrigði fyrir bæði lið. Valur tapaði 2-1 fyrir FH en í leiknum klúðraði Sigurður Egill vítaspyrnu. KR gerði jafntefli við ÍA en dómari leiksins dæmdi mark af sem Pálmi Rafn skoraði undir lokin. Dómurinn þótti umdeildur og fannst mörgum KR-ingum að flautuð hafi verið af þeim tvö stig.

Á lista markahæstu manna er aðeins einn úr liðunum sem kemst á topp 10, en það er Tobias Thomsen. Daninn hefur skorað 7 mörk, þar af tvö úr vítum.

Maður spyr sig hvernig KR-ingum hefur gengið að samgleðjast bikarmeisturum ÍBV. Bikarinn til Eyja þýðir að aðeins þrjú efstu liðin komast í Evrópukeppni á næsta ári. KR er þar í harðri baráttu á meðan Valsmenn ættu nú að landa Evrópusæti hið minnsta úr þessu. KR er í 4. sæti, þremur stigum á eftir FH, en Valur er með 5 stiga forskot í deildinni og er heilum 9 stigum á undan KR!

Góðan daginn góðir hálsar og velkomnir í textalýsingu frá KR - Valur! Það má segja að í gær hafi El Classico verið upphitun fyrir hinn íslenska El Classico sem fram fer á Alvogen vellinum í dag.