Verið er að kynna liðin inn á völlinn og allir að komast í hrikalegan gír.

Spennandi verður að sjá hvernig Eyjamenn fylgja eftir leiknum um helgina þar sem þeir tóku bikarmeistaratitilinn.

Þetta er risastór leikur fyrir bæði lið en þau eru í hörkufallbaráttu. VÓL geta slitið sig aðeins frá pakkanum með sigri en Eyjamenn í veseni ef þessu leikur tapast.

3 stig skilja að liðin í 10. og 11. sæti.

Óli Jó er mættur í stúkuna. Honum hefur langað í mat á Slippnum og mögulega skellt sér í klippingu hjá Viktori Rakara.

Svo gæti hann einnig verið að skoða Eyjamenn en eftir 10 daga mætast þessi lið einmitt hér á Hásteinsvelli.

Sagan segir að Pape hafi átt að byrja þennan leik en hann og einn úr starfsliði VÓL hafi ákveðið að skella sér í göngutúr í Landeyjahöfn og þeim hafi ekki verið hleypt um borð í Herjólf vin minn þar sem þeir mættu einungis mínútum fyrir brottför.

Könnum þetta betur á eftir.

Liðin eru á fullu í sínum undirbúning. Veðrið er með ágætum. Logn og kósí.

Það var búin að vera glampandi sól á Eyjunni í allan dag en Ingó ákvað að nóg væri komið og dró fyrir nú fyrir klukkustund eða svo. Lítið hægt að kvarta svo sem.

Pape settur á bekkinn
Í síðustu umferð vann Víkingur Ólafsvík 2-1 sigur gegn Grindavík. Ejub Purisevic, þjálfari Ólsara, gerir tvær breytingar á byrjunarliði sínu. Alexis Egea er ekki með Ólsurum eftir að hafa nefbrotnað í síðasta leik. Emir Dokara kemur inn í byrjunarliðið. Þá kemur Gunnlaugur Hlynur Birgisson inn í byrjunarliðið fyrir Pape Mamadou Faye.

Ein breyting á byrjunarliði ÍBV:
Síðasti sigurleikur ÍBV í deildinni kom 15. júní. Kristján Guðmundsson, þjálfari Eyjamanna, gerir eina breytingu frá byrjunarliðinu í bikarúrslitaleiknum. Felix Örn Friðriksson byrjar en Matt Garner hefur leik á bekknum.

Ejub Purisevic og hans menn gistu saman rétt fyrir utan Þorlákshöfn í nótt og eru þegar þessi frétt birtist að sigla inn til Vestmannaeyja. Fagmannlegur undirbúningur hjá Víkingum.

Liðið á harma að hefna en ÍBV vann 3-0 útisigur þegar þessi lið mættust í Ólafsvík í fyrri umferðinni. ´

Alvaro Montejo kom Eyjamönnum yfir en hin tvö mörkin komu eftir að Guðmundur Steinn Hafsteinsson, leikmaður Víkinga, fékk að líta rauða spjaldið.

ÍBV varð bikarmeistari á laugardaginn með því að vinna óvæntan sigur gegn FH en í hádeginu birtum við skemmtilega myndaveislu frá heimkomunni til Vestmannaeyja.

Mikil gleði sem ríkti hjá Eyjamönnum enda stórt afrek hjá Kristjáni Guðmundssyni og hans lærisveinum. Næsta verkefni er svo að tryggja það að liðið verði áfram í deild þeirra bestu.

Um er að ræða næst­ síðasta leik 15. um­ferðar Pepsi-deildarinnar.

Eyja­menn eru í fallsæti, ellefta sætinu, með 13 stig en Ólafs­vík­ing­ar eru með þrem­ur stig­um meira í sæt­inu fyr­ir ofan.

Heil og sæl! Hér verður bein textalýsing frá GRÍÐARLEGA mikilvægum fallbaráttuslag milli nýkrýndra bikarmeistara ÍBV og Víkings frá Ólafsvík. Helgi Mikael Jónasson flautar til leiks klukkan 18 en aðstoðardómarar eru Gylfi Tryggvason og Þórður Arnar Árnason.