Í leikmannahópi Braga eru hvorki fleiri né færri en tólf Brasilíumenn.

Það vantar þrjá sterka sóknarmenn í liði Braga auk Rui Fonte.

Wilson Eduardo, Stojiljkovi

Markahæsti leikmaður Braga á síðasta tímabili, Rui Fonte var seldur í dag til Fulham.

Bæði lið hafa því selt framherja sinn á síðustu 24 tímum því Kristján Flóki Finnbogason var einmitt heldur til Start í Noregi í gærkvöldi.

Braga eru búnir að spila tvo leiki á tímabilinu í Portúgal. Þeir töpuðu gegn stórliði Benfica 3-1 en unnu síðan Portimonense 2-1 á heimavelli.

Dómaratríó-ið í kvöld er frá Hollandi. Aðaldómarinn er enginn annar en Kevin Blom fæddur árið 1974 í Gouda. Hann var valinn besti dómari Hollands árið 2007.

Braga slógu út sænska liðið AIK eftir framlengingu í síðustu umferð.

Það er afskaplega gott knattspyrnuveður í Kaplakrikanum í dag. Sólin skín og það blæs örlítið.

Vonandi að íslenskir áhorfendur fjölmenni í Kaplakrikann í dag. Leikirnir verða ekki mikið stærri hjá félagsliðum á Íslandi.

Byrjunarlið FH er klár hérna vinstra megin við textann. Mesta athygli vekur að franski hægri bakvörðurinn Cedric D'Ulivo er í byrjunarliði FH í fyrsta sinn en hann hefur aldrei verið í leikmannahópnum síðan hann var fenginn til félagsins í lok síðasta mánaðar. Þá er króatíski kantmaðurinn Matija Dvornekovic á bekknum.

Kristján Flóki Finnbogason var seldur til Start í Noregi í gær og er því ekki með FH í dag. Heimir Guðjónsson þjálfari liðsins teflir fram varnarsinnuðu liði með Pétur Viðarson og Davíð Þór Viðarsson sem djúpa miðjumenn og Steven Lennon einan frammi.

Hollendingurinn Kevin Blom dæmir leikinn í dag en allt dómarateymið er frá Hollandi. Á línunum eru Charles Schaap og Jan Vries og Edwin Van De Graaf er skiltadómari.

Böddi löpp var í viðtali við Fótbolta.net fyrir leikinn

,,Þetta er það fallega við fótboltann. Þetta eru bara tveir leikir. Ég hef fulla trú á því að við getum unnið. Við þurfum að passa upp á að þeir skori ekki hérna enda er útivallamarkareglan ömurleg. Ef við höldum þeim í núllinu hér hef ég fulla trú á því að við getum farið áfram," sagði hann. ,,Ef við vinnum er það stærsta skref sem félagslið hefur tekið á Íslandi. Við munum leggja allt í sölurnar til að ná því."

Heimir Guðjónsson var í viðtali við Fótbolta.net fyrir leikinn

,,Braga er með hörkugott lið og við þurfum að spila tvo mjög góða leiki. Þeir eru mjög góðir í að halda bolta innan liðsins og eru með flinka leikmenn. Þeir eru góðir í stutta spilinu og eru heilt yfir bara gott fótboltalið," sagði Heimir. ,,Við þurfum að vera klókir í varnarleiknum. Þessi lið eru fljót að refsa fyrir mistök. Við þurfum líka að vera árásagjarnir. Við sáum í seinni leiknum í Maribor að við vorum of fljótir að fara í löngu boltana. Við þurfum að geta haldið boltanum og fundið veikleikana á andstæðingunum og skapa okkur betri færi."

Seint í gærkvöldi var stórt skarð hoggið í lið FH þegar félagið ákvað að selja framherjann Kristján Flóka Finnbogason til Start í Noregi. Það þýðir að hann verður ekki með í þessari viðureign og hefur lokið keppni með FH.

Leikið er heima og að heiman en það lið sem vinnur samanlagðan sigur kemst í riðlakeppni Evrópudeildar UEFA. FH hóf keppni í undankeppni Meistaradeildarinnar þar sem liðið vann fyrst færeysku meistarana í Viking. Í annarri umferðinni biðu þeir lægri hlut gegn Maribor frá Slóveníu sem þýddi að þeir fara í umspil um sæti í Evróupdeildinni þar sem þeir drógust gegn Braga.

Halló!

Hér verður bein textalýsing frá leik FH og Braga frá Portúgal sem fer fram á Kaplakrikavelli.

Um er að ræða fyrri leik liðanna í umspili um laust sæti í riðlakeppni Evrópudeildarinnar

Leikurinn hefst klukkan 17.45 og opnar húsið klukkan 16.45, en á FH-pallinum verða seldir sjóðandi heitir hamborgarar og líf og fjör.