Liðin ganga hér inn á völlinn undir gríðarlegum trumbuslætti. Þeir hafa eitthvað fjölgað í trommudeildinni Schiötharar. Vel gert. Það er örstutt í að þetta hefjist; fram að upphafssparki ætla ég bara að horfa á hárgreiðsluna á Eric Kwakwa. Hún er geggjuð!

Nú eru liðin farin að ganga til búningsklefa í lokaundirbúning áður en þetta hefst. Vallarkynnirinn er snemma í því og byrjar hér að þylja upp liðin. 7 mínútur í að leikur eigi að hefjast og fólk er farið að mæta í stúkuna!

Pape Mamadou Faye liggur í flensu og er því ekki með Víkingum í dag. Ignacio Anglada fór meiddur út af í síðasta leik og títtnefndir Gunnlaugur og Kwame eru alveg jafn mikið í banni og fyrr í dag. Það eru þokkalegustu skörð í hóp Víkings.

Pape Mamadou Faye er ekki á skýrslu hér í dag. Hvers vegna veit ég ekki en það er aldrei að vita nema ég komist að því.

Guðmann Þórisson, fyrirliði og nú liðsstjóri KA, er hinsvegar mættur aftur eftir leikbann. Hann er búinn að reka Óskar Bragason aðstoðarþjálfari í markið og er að skjóta á hann.

Það eru hörkuaðstæður til knattspyrnuiðkunar hér á Akureyri í dag. Sól og logn eins og er allavega. Megi það einstaklega mikið haldast meðan á leik stendur.

Byrjunarliðin eru komin í hús! Þau má sjá hér til hliðar.

KA gerir eina breytingu frá leiknum gegn Víkingi R. Emil Lyng kemur aftur í liðið eftir leikbann og Steinþór Freyr fer á bekkinn.

Víkingur Ó gerir tvær breytingar frá 0-3 tapinu gegn Breiðablik í síðustu umferð. Eric Kwakwa og Alexis Egea koma inn í stað Gunnlaugs Hlyns og Ignacio Anglada.

Norðan megin við völlinn hafa hinir síkátu Schiötharar aðstöðu í vallarhúsinu. Ég sé að þangað eru þó nokkrir þeirra mættir og að sjálfsögðu klæddir í gulu jakkafötin með forljótu gulu hárkollurnar sínar. Þeir eru að hita sig upp, trommunum hefur verið stillt upp í stúkunni og vonandi fáum við þá í fjöri í dag.

Engin rútuvandræði á þessum KA leik og bæði lið löngu mætt í hús, aðstoðarþjálfararnir búnir að raða upp keilum og leikmenn taka klassískan göngutúr um völlinn og kynna sér aðstæður.

Dómari leiksins hér í dag er Ívar Orri Kristjánsson. Honum til aðstoðar eru Ásgeir Þór Ásgeirsson og Egill Guðlaugsson.

Varadómari er Bjarni Hrannar Héðinsson og Grétar Guðmundsson er eftirlitsdómari.

Aleksandar Trninic er í leikbanni eins og ég nefndi hér áðan. Emil Lyng hefur afplánað sitt leikbann og má vænta hans í byrjunarliði KA hér í dag. Á kostnað hvers verður að koma í ljós á eftir.

Gunnlaugur Hlynur er í banni frá síðasta leik og Kvamee Quee klárar seinni leikinn af þeim tveimur sem hann fékk í bann. Guðmundur Steinn og Nacho fóru svo meiddir útaf í þeim leik og því verður fróðlegt að sjá hvernig stillt verður upp hjá Víkingi í dag.

Víkingur Ó. fylgdi útisigri sínum gegn ÍBV ekki nægilega vel eftir er þeir fengu Breiðablik í heimsókn. Steinlágu 0-3 og Ejub þjálfari sagði sína menn bara ekki hafa verið tilbúna í verkefnið, þeir hefðu verið númeri of litlir. Hann hefur væntanlega farið extra vel yfir hlutina í undirbúningi þessa leiks hér í dag.

KA vann langþráðan sigur í síðustu umferð er þeir lögðu Víking R. í Fossvoginum 0-1 með marki frá Vedran Turkalj. Manni fleiri lengst af lágu þeir gulklæddu aftarlega og vörðu mark sitt afar vel. Eitthvað sem hefur ekki alltaf verið raunin í sumar. Þeir mæta því fullir sjálfstrausts til leiks hér í dag.

KA situr í 7.sæti deildarinnar fyrir þessa umferð með 21 stig. Það eru 5 stig niður í fallsætið, en 3 stig upp í 4.sætið.

Víkingur Ó er í 9.sæti með 19 stig, 3 stigum frá fallsæti.

Það má búast við hörkuleik hér í dag því eðlilega er mikið undir.

Kvame Quee og Gunnlaugur Hlynur Birgisson eru í banni hjá gestunum og Aleksandar Trninic hjá heimamönnum.

Í fyrri leik liðanna í sumar á Ólafsvíkurvelli fóru KA menn með 4-1 sigur af hólmi. Emil Lyng gerði þrennu fyrir gestina ásamt því að Elfar Árni Aðalsteinsson skoraði en Gunnlaugur Hlynur Birgisson skoraði mark Víkinga.

Góðan daginn! Verið velkomin í beina textalýsingu hér frá Akureyrarvelli þar sem KA tekur á móti Víkingum frá Ólafsvík kl.18.00 í 17.umferð Pepsi deildar karla.