Heil og sæl! Fimmta umferð Pepsi-deildarinnar hefst með stórleik á KR-velli klukkan 20 þar sem KR og FH eigast við. Leikurinn verður hér í beinni textalýsingu. Aðrir leikir umferðarinnar verða á morgun.

KR er í 4. sæti Pepsi-deildarinnar eftir fjóra leiki með sjö stig. FH er í öðru sæti deildarinnar með 10 stig eftir þrjá sigra og eitt jafntefli.

KR vann 2-0 sigur þegar þessi lið mættust á þessum velli í fyrra.

Þrír úr leikmannahópum KR og FH hafa leikið með báðum félögum í efstu deild. Emil Atlason kom til KR frá FH í vetur, Gunnleifur Gunnleifsson lék með KR árin 1998 og 1999 og Bjarki Bergmann Gunnlaugsson árin 1999 og 2003-06.

Miðað við könnun á heimasvæði Fótbolta.net á Facebook má búast við jöfnum og spennandi leik.

Dómari í kvöld er Þorvaldur Árnason Fylkismaður. Aðstoðardómarar Sigurður Óli Þórleifsson og Gunnar Sverrir Gunnarsson. Fjórði dómari er lögregluvarðstjórinn Pétur Guðmundsson, einn okkar allra besti skiltadómari

Teitur Örlygsson, þjálfari körfuboltaliðs Stjörnunnar:
Ég held að það séu flestir sammála um að þetta séu bestu liðin en ég spái 2-1 eða 3-1 fyrir FH. FH-ingar líta hroðalega vel út, bekkurinn lítur frábærlega út hjá þeim og manni finnst að þeir geti ekki fengið meira en eitt mark á sig í leik.

Guðmann Þórisson er meiddur á hásin og er ekki með FH í kvöld. Það er því síðasta tækifæri fyrir Fantasy-notendur sem eru með Guðmann að taka hann út úr liðinu!

Spurning er hvort Heimir Guðjónsson leysi fjarveru hans með því að setja Pétur Viðarsson í miðvörðinn og Hólmar Örn Rúnarsson inn í liðið á miðjuna. Pétur hefur leikið frábærlega sem djúpur miðjumaður í fyrstu leikjunum og gæti verið þar áfram ef Heimir velur að láta Hafþór Þrastarson í vörnina.

Ég mætti líka á viðureign þessara liða í fyrra þar sem Hannes Þór Halldórsson reyndist hetjan en margir telja að vendipunktur hafi orðið á tímabilinu þegar hann varði víti.

Smelltu hér til að sjá umfjöllunina um þann leik.

Hafþór Þrastarson er í byrjunarliði FH í kvöld. Hólmar Örn Rúnarsson er ekki að fá tækifæri en margir bjuggust við að svo yrði.

Tvær breytingar á byrjunarliði KR frá 1-0 útisigrinum á Val. Gunnar Þór og Emil Atlason á bekkinn en Þorsteinn Már og Guðmundur Reynir koma inn í byrjunarliðið.

Byrjunarlið KR:
Hannes
Magnús - Weston - Grétar - Mummi
Bjarni - Baldur - Viktor
Óskar - Þorsteinn
Kjartan

Byrjunarlið FH:
Gunnleifur
Guðjón - Freyr - Hafþór - Viktor
Pétur - Bjarki - Björn
Ólafur - Atli G
Atli V

Jæja fáum blaðamannastúkuna til að spá í spilin:
Óskar Ófeigur Jónsson, tölfræðisnillingur 365: Verður ekki merkilegur fótboltaleikur held ég. 1-0 fyrir FH.
Snorri Sturluson, Sport.is: 1-3. Sé það á upphituninni.
Hörður Snævarr, 433.is: 2-2. Stórmeistarajafntefli.
Tómas Þór, Morgunblaðið: 1-2, FH tekur þetta.

Bjarni Fel er mættur til að lýsa leiknum í KR-útvarpinu. Hann fær góðan félagsskap í dag. Sjá mynd.

Liðin eru mætt út á völlinn. Það verður fróðlegt að sjá hvernig þessi leikur byrjar. FH-ingar voru náttúrulega í svakalegum gír gegn Blikum í síðustu umferð á meðan KR marði sigur á Val 1-0.