Þórsarar aðgangsharðir og fá hér sína 13. hornspyrnu!

Fjórum mínútum bætt við.

Annað víti!!

Marko Nikolic brýtur á Jóhanni Helga!

Þórsarar sjá nánast alfarið um að hafa boltann núna en Keflvíkingar virðast ekki ætla að lenda í vandræðum með að sigla sigrinum heim. Tíminn alveg að verða á þrotum fyrir heimamenn.

Siggi Marinó með skot úr þröngu færi sem fer af varnarmanni og lendir ofan á þverslánni. Hornspyrna.

VÁ!

Sindri Kristinn með rosalega vörslu frá Jóhanni Helga! Gjörsamlega geggjuð!

Sveinn Elías brunaði upp og lagði boltann út til hægri á Jóhann sem var í fínu færi.

Eftir smá skallatennis í teig gestanna er það Jóhann Helgi sem á lausan skalla hátt yfir markið.

Enn ein hornspyrnan sem heimamenn fá.

Jóhann Helgi með fína tilraun! Fór framhjá varnarmanni Keflvíkinga og setti boltann rétt framhjá.

Þórsarar fá hér sína áttundu hornspyrnu.

Atli Sig tekur boltann á lofti fyrir utan teig og hittir hann svona líka vel! Sindri ver vel frá honum.

Gunnar Örvar steinliggur hér eftir í teig gestanna. Vann skallabolta og virtist meiða sig eitthvað við það.

Hann stendur þó upp og heldur leik áfram eftir smá stund til að jafna sig.

Þórsarar vinna boltann á flottum stað og bruna upp í skyndisókn þegar Keflvíkingar voru ofarlega með lið sitt. Atli Sigurjóns ákveður hins vegar að reyna skot frá miðju sem var vægast sagt slakt og fór fram hjá markinu. Liðsfélagar hans ekkert sérstaklega sáttir og Atli ekki heldur með þessa spyrnu.

Jóhann Helgi minnti á sig þarna og kom með alvöru tæklingu á Sindra sem var að dóla sér með boltann í markinu. Jóhann kom fljúgandi í tæklinguna en fór þó bara í boltann.

Þórsarar fengu tvær hornspyrnur í röð þarna sem sköpuðu usla. Endar með því að Orri Hjaltalín á skot himinhátt yfir.

Seinni hálfleikur fer mun hægar af stað en sá fyrri. Lítið að gerast.

Hérna er allt að sjóða upp úr! Jeppe Hansen virðist hafa hrint Gauta Gautasyni.

Sjónvarpsupptaka sýnir að hornspyrnan í aðdraganda vítaspyrnunar fór greinilega í hendina á Lasse Rise og hefði því réttilega átt að dæma aukaspyrnu á Keflvíkinga. Ekki möguleiki að sjá það ofan úr blaðamannastúkunni samt.

Þórsarar voru alls ekki verri aðilinn í leiknum fram að fyrsta markinu en hafa gjörsamlega hrunið eftir það.

Vítaspyrna!!!

Keflvíkingar fá víti eftir klafs eftir hornið! Verð að viðurkenna að ég sá ekki hvað gerðist.

Nú eru það Keflvíkingar sem eiga horn.

Þórsarar fá enn eina hornspyrnuna.

Aron Kristófer á hér skalla framhjá eftir sendingu frá Jónasi. Sendingin aðeins of há og skallinn eftir því.

Aftur frábær markvarsla frá Aroni! Nú er það Jeppe sem á skot en Aron ver í horn!

Leikurinn hefur verið mjög fjörugur hingað til sem er ánægjulegt. Vonum að liðin fari ekkert að slaka á.

Sindri Þór skallar boltann af línunni og bjargar því að Sigurður Marinó skori hreinlega beint úr hornspyrnunni!

Þórsarar fá horn!

Sigurður Marinó fylgir aðeins á eftir í Sindra Kristinn og Keflvíkingar gjörsamlega brjálast. Mér fannst þetta ekki vera gróft hjá Sigurði en óþarfi samt að fylgja á eftir í markmanninn.

Virkilega vond spyrna frá Sigurði Marinó leiðir til þess að boltinn fer aftur fyrir endamörk.

Aron Kristófer vinnur horn fyrir heimamenn.

Adam Árni átti skalla framhjá, frekar hættulítill.

Þvílík markvarsla!!!!!!

Lasse Rise aleinn í gegn rétt fyrir aftan vítapunkt, en Aron Birkir les hann og ver frábærlega í horn!

Juraj með rosalegt skot af u.þ.b. 30 metra færi! Boltinn small í þverslánni!

Fín spyrna frá Marko Nikolic sem Þórsarar skalla í burtu. Atli Sigurjónsson fær boltann og Þórsarar bruna upp í skyndisókn. Atli setur Aron Kristófer í gegn en Sindri vel skot hans vel. Frábær skyndisókn.

Keflvíkingar fá hér aukaspyrnu í fínni fyrirgjafastöðu.

Atli Sigurjóns með fyrsta skot Þórsara. Keyrði upp og átti skot rétt utan teigs sem fór vel yfir markið.

Ég sé ekki betur en að Keflvíkingar séu í 4-4-2
Sindri Kristinn
Sindri Þór-Marc-Ísak Óli-Marko
Adam-Jónas Guðni-Hólmar Örn-Juraj
Lasse-Jeppe

Þórsarar hér í frábærri stöðu á hægri vængnum þegar Sigurður stöðvar leikinn réttilega vegna höfuðmeiðsla. Ísak Óli liggur eftir og virkar sárþjáður eftir baráttu við Jónas. Algjört óviljaverk en hárrétt á Sigurði.

Heimamenn stilla upp í 4-2-3-1:
Aron Birkir
Loftur-Gauti-Kristján-Sigurður
Orri-Orri
Jónas-Atli-Aron
Gunnar