Liðin komin á völlinn, boltakrakkarnir eru girt með húfur!

Eins og áður þá minn ég á að með því að setja myllumerkið #fotboltinet inn í tístið sitt og þá er aldrei að vita nema að það detti hér inn.

Í dag eru nokkrir ungir strákar í byrjunarliði KR. Ástbjörn Þórðarson, Guðmundur Andri Tryggvason og Óliver Dagur Thorlacius byrja allir hjá KR.

Finnur Orri, Pálmi Rafn, Andre Bjerregaard og Kennie Chopart detta úr byrjunarliði KR.

Fjölnir heldur í sama byrjunarlið og vann FH 2-1 enda enga ástæða til að breyta þar.

Byrjunarliðin hafa skilað sér.

Þóroddur Hjaltalín er flautuleikari dómarateymis dagsins, honum til aðstoðar eru þeir Frosti Viðar Gunnarsson og Egill G. Guðlaugsson.

Fjórði dómari er Egill Arnar Sigurþórsson og í eftirlitinu er Björn Guðbjörnsson.

KR munu þurfa að stilla upp "óvanalegri" miðju í þessum leik þar sem þeir leikmenn sem hafa myndað hana að mestu í sumar verða allir í leikbanni.

Pálmi Rafn, Finnur Orri og Kennie Chopart verða allir fjarri góðu gamni vegna gulra spjalda í sumar. Fjölnismenn búa ekki við slíkan veruleika.

Fyrri leikur þessara liða fór fram í Frostaskjólinu 27.júlí.

KR sigraði þann leik 2-0 með mörkum Pálma Rafns Pálmasonar og Óskar Arnar Haukssonar.

Ef KR vinnur hér í dag þá er FH ekki eina liðið sem þeir enn geta náð tölfræðilega.

Stjörnunni geta þeir náð ef að Garðbæingar tapa fyrir Val í dag. Þá væru KR með 33 stig og Stjarnan 35.

Lokaleikur þessara tveggja liða???

KR - Stjarnan í Frostaskjóli...sem væri þá hreinn úrslitaleikur um sæti í Evrópu.

Þessi leikur hefur mikla tengingu við leikinn sem fram fer á Ólafsvíkurvelli í dag.

Þar leika Víkingar við FH. Ef að heimamenn þar vinna og Fjölnismenn tapa er bullandi falldraugur framundan í Grafarvoginum. Jafntefli fyrir vestan fer langt með að bjarga Fjölni óháð úrslitum hér út af markatölu og FH sigur mun tryggja áframhaldandi veru Fjölnis óháð úrslitum þessa leiks.

KR er á hinum kantinum þegar kemur að úrslitum fyrir vestan. Þeir treysta á að Víkingar taki a.m.k. 1 stig og helst þrjú. Ef það hendir og KR vinnur hér eru þeir í bullandi séns fyrir lokaumferð deildarinnar. FH sigur í Ólafsvík fer illa með vonir KR þó þær myndu þá vaka enn með sigri sem við útskýrum aðeins betur. Jafntefli eða KR tap gerir út um vonir þeirra um Evrópusæti.

Leikurinn hefur þýðingu fyrir bæði lið.

Fjölnismenn eru fyrir hann enn ekki algerlega öruggir með sæti sitt í deildinni, sitja 4 stigum ofan við fallsætið...og KR á enn möguleika á að ná þriðja sæti deildarinnar sem gefur Evrópusæti næsta sumar.

Jú góðan dag og velkomin í textalýsingu úr Grafarvoginum þar sem að Fjölnismenn taka á móti KR í 21. og næstsíðustu umferð PEPSI-deildarinnar.

Svona er baráttan á toppi deildarinnar þegar tvær umferðir eru eftir #fotboltinet pic.twitter.com/bE0MW0oLV0

— Fótbolti.net (@Fotboltinet) September 22, 2017

Spenna í fallbaráttunni þegar tvær umferðir eru eftir af Pepsi #fotboltinet pic.twitter.com/V7MMiNLttA

— Fótbolti.net (@Fotboltinet) September 22, 2017