Liðin mætt út á völl. Það er komið að þjóðsöngvunum.

Þeir eru mættir! #fotboltinet pic.twitter.com/SI5J7jmUae

— Fotbolti.net (@Fotboltinet) March 24, 2018

Mikið stuð á vellinum og allir í góðum gír. Upphitun leikmanna er lokið og nú er verið að bleyta í grasinu. Spilað við toppaðstæður hérna í kvöld!

Við hvetjum lesendur til að nota kassamerkið #fotboltinet á Twitter - Endilega hendið á okkur myndum ef þið eruð í gleðskap!

Fram kom í upphitun RÚV að Viðar Örn Kjartansson muni koma inn í hálfleik og þá líklega fyrir Albert.

Svo vekur athygli að Hannes sé á bekknum.

"Ég held að þetta sé til að leyfa Alex að spila. Hannes spilaði ekki síðasta leik Randers og það gæti verið hluti af skýringunni," segir Ólafur Kristjánsson sem er í settinu.

Áhorfendur taka vel við sér þegar lið Mexíkó mætir út í upphitun.

Byrjunarlið Mexíkó gegn Íslandi kemur mexíkóskum fjölmiðlamönnum á óvart.

Andres Guardado, miðjumaður Real Betis, er með fyrirliðabandið en hann hefur verið að glíma við meiðsli.

Þá er Javier "Chicharito" Hernandez, sóknarmaður West Ham, hvíldur. Hann er að glíma við minniháttar meiðsli og er stefnt að því að hann spili á þriðjudag þegar Mexíkó leikur gegn Króatíu í vináttulandsleik.

Þó leikurinn sé opinberlega sagður eiga að hefjast klukkan 2 þá verður hann ekki flautaður á fyrr en 2:30. Þetta er gert til að fá fólk inn á leikvanginn fyrr.

Í markinu fær Rúnar Alex Rúnarsson tækifæri. Hann hefur staðið sig gríðarlega vel með Nordsjælland í Danmörku.

Byrjunarlið Íslands er opinberað. Albert Guðmundsson er í sóknarlínunni.

Albert er leikmaður PSV Eindhoven og fær áframhaldandi tækifæri eftir frábæra frammistöðu í Indónesíuverkefninu í janúar. Fyrirliðinn Aron Einar Gunnarsson er í byrjunarliðinu eins og búist var við.

Miðað við æfinguna í gær virtist Samúel Kári Friðjónsson eiga að byrja leikinn í hægri bakverði. Ekki veit ég hvort hann hafi eitthvað meiðst eða hver ástæðan sé fyrir því að hann er á bekknum.

Mexíkóar eru með öðruvísi leikstíl en við eigum að venjast frá evrópskum mótherjum okkar. Heimir Hallgrímsson talaði um það á fréttamannafundinum í gær að íslenska liðið þyfti að framkvæma hlutina hraðar en venjulega gegn snöggum Mexíkóum. Mikil einstaklingsgæði í mótherjunum í dag.

Þetta er í fjórða sinn sem liðin mætast, en tveir leikir hafa endað með jafntefli og Mexíkó hafa unnið einn. Liðin mættust síðast 9. febrúar 2017, en Mexíkó vann hann 1-0.

Fyrirliðinn Aron Einar Gunnarsson sagði á fréttamannafundi í gær að stefnan væri sú að hann myndi spila 45-60 mínútur í leiknum.

"Mér líður vel og ég hef æft vel síðustu tvo til þrjá daga og er tilbúinn að fá mínútur og koma mér í gang aftur. Völlurinn lítur mjög vel út og grasið er frábært. Ég er spenntur fyrir að spila á móti Mexíkó, þeir eru með gott lið og liprir græjar sem verður gaman að kljást við," sagði Aron sem er að snúa aftur eftir talsvert langa veru á meiðslalistanum.

Það hefur verið gígantísk fjölmiðlaathygli á strákunum okkar í vikunni og þeir hafa verið í myndatökum og auglýsingatökum. Nú er loksins komið að því að einbeita sér að fótboltanum.

Þrír leikmenn sem voru valdir í þetta verkefni eru óleikfærir í dag en vonast til að geta verið með gegn Perú. Það eru þeir Hörður Björgvin Magnússon, Kolbeinn Sigþórsson og Jón Daði Böðvarsson.

Rétt eins og við Íslendingar eru Mexíkóar að hita sig upp fyrir HM. Þeir verða með Þýskalandi, Svíþjóð og Suður-Kóreu í riðli. Við Íslendingar erum með Argentínu, Nígeríu og Króatíu eins og allir lesendur ættu að vita.

Leikurinn verður klukkan 19 að staðartíma, 2 um nótt að íslenskum tíma. Armando Villarreal, bandarískur dómari, mun halda um flautuna.

Það er búið að vera góður púbb fyrir utan leikvanginn þar sem stuðningsmenn Mexíkó hafa verið að hita upp í allan dag eins og hægt er að sjá á samfélagsmiðlum okkar, Snapchat og Instagram.

Vonandi fáum við skemmtilegan leik og íslenskan sigur!

Heilir og sælir lesendur góðir og verið velkomnir með okkur til Santa Clara í Bandaríkjunum þar sem vináttulandsleikur Íslands og Mexíkó fer fram. Búist er við 65 þúsund áhorfendum á þessum 70 þúsund manna leikvangi, Levi's stadium. Geggjað mannvirki sem er heimavöllur San Francisco 49ers í NFL-deildinni.

Strákarnir okkar klárir í Mexíkó! #fotboltinet pic.twitter.com/2Y9a2FwQSR

— Fotbolti.net (@Fotboltinet) March 23, 2018