Fjölnir
2
2
KA
Ægir Jarl Jónasson '2 1-0
1-1 Daníel Hafsteinsson '14
Birnir Snær Ingason '17 2-1
2-2 Ásgeir Sigurgeirsson '37
28.04.2018  -  16:00
Egilshöll
Pepsi-deild karla
Aðstæður: Flott umgjörð hjá Fjölni
Dómari: Guðmundur Ársæll Guðmundsson
Áhorfendur: 1380
Maður leiksins: Birnir Snær Ingason (Fjölnir)
Byrjunarlið:
12. Þórður Ingason (m)
3. Bergsveinn Ólafsson (f)
5. Torfi Tímoteus Gunnarsson
7. Birnir Snær Ingason ('80)
8. Arnór Breki Ásþórsson
9. Þórir Guðjónsson ('72)
10. Ægir Jarl Jónasson
11. Almarr Ormarsson
23. Valgeir Lunddal Friðriksson ('93)
28. Hans Viktor Guðmundsson (f)
29. Guðmundur Karl Guðmundsson

Varamenn:
25. Sigurjón Daði Harðarson (m)
4. Sigurpáll Melberg Pálsson
7. Ingibergur Kort Sigurðsson ('80)
8. Igor Jugovic
11. Hallvarður Óskar Sigurðarson
20. Valmir Berisha ('72)
27. Ingimundur Níels Óskarsson ('93)

Liðsstjórn:
Ólafur Páll Snorrason (Þ)
Gunnar Sigurðsson
Gunnar Már Guðmundsson
Gunnar Valur Gunnarsson
Einar Hermannsson
Kári Arnórsson
Andri Roland Ford

Gul spjöld:
Gunnar Sigurðsson ('91)

Rauð spjöld:
Leik lokið!
Jafntefli niðurstaðan. Fjörugur fyrri hálfleikur en sá síðari var ekki merkilegur.

Skýrsla og viðtöl innan tíðar!
93. mín
Inn:Ingimundur Níels Óskarsson (Fjölnir) Út:Valgeir Lunddal Friðriksson (Fjölnir)
Fleiri alveg búnir á því. Núna er það hinn 16 ára gamli Valgeir Lunddal sem haltar út af. Fær mikið lófaklapp frá stuðningsmönnum Fjölnis enda fín frammstaða í fyrsta leik í Pepsi-deildinni. Ingimundur Níels leysir hann af hólmi loka sekúndurnar. Ingimundur er nýkominn til baka eftir meiðsli.
91. mín Gult spjald: Gunnar Sigurðsson (Fjölnir)
Guðmundur Ársæll spjaldar Gunnar Sigurðsson markmannsþjálfara Fjölnis. Gunnar var ósáttur við að Elfar Árni hafi ekki fengið rauða spjaldið.
90. mín Gult spjald: Elfar Árni Aðalsteinsson (KA)
Hrinti Almarri eftr viðskipti þeirra á milli. Fjölnismenn vilja rautt spjald en Guðmundur Ársæll gefur gult.
90. mín
5 mínútum bætt við. Nægur tími fyrir sigurmark!
90. mín
Boltinn fellur fyrir fætur Valmir Berisha utarlega í teignum en skot hans framhjá. Það mátti heyra saumnál detta þegar Valmir tók skotið og svo svekkelsi öskur frá stuðningsmönnum þegar boltin fór framhjá.
87. mín
Þung sókn Fjölnismanna. Virðist vera meira eftir á bensíntanknum þar.

Daníel Hafsteinsson liggur með krampa og Hallgrímur Mar liggur meiddur. KA búið með skiptingarnar og því þurfa þeir að harka af sér.
84. mín
Inn:Bjarni Mark Antonsson (KA) Út:Hrannar Björn Steingrímsson (KA)
Síðasta skipting KA. Hrannar getur ekki haldið áfram. Hjörvar fer í hægri bakvörðinn og Bjarni Mark í þann vinstri.
83. mín
Hrannar Björn liggur meiddur. Meðan hann fær aðhlynningu fara Fjölnismenn í vatnspásu og fund við varamannabekkinn.
80. mín
Inn:Ingibergur Kort Sigurðsson (Fjölnir) Út:Birnir Snær Ingason (Fjölnir)
Binni bolti orðinn þreyttur. Hinn tvítugi Ingibergur fær sénsinn á lokamínútunum. Fulltrúi Blönduósar í Pepsi-deildinni í ár.
78. mín
Eftir frábæran fyrri hálfleik hefur varla komið færi í þeim síðari. Þjálfararnir skelltu í lás í hálfleiksræðunum.
75. mín
Inn:Ólafur Aron Pétursson (KA) Út:Archie Nkumu (KA)
Ólafur kemur inn á miðjuna fyrir Archie.
74. mín
Hallgrímur Mar fær langa sendingu inn fyrir en Þórður kemur út á móti og ver. Skotið var laust þar sem Hallgrímur var aðþrengdur.
72. mín
Inn:Valmir Berisha (Fjölnir) Út:Þórir Guðjónsson (Fjölnir)
Þórir nýkominn úr meiðslum. Valmir Berisha fær séns á að sýna sig. Hann kom á láni frá Álasund á dögunum.
70. mín
Inn:Frosti Brynjólfsson (KA) Út:Ásgeir Sigurgeirsson (KA)
Ásgeir verið sprækur í dag en er búinn á því. Fór í aðgerð í vetur vegna liðþófa meiðsla og ekki er langt síðan hann byrjaði að æfa aftur.
68. mín
Binni bolti að bolta. Leikur af vinstri kantinum og fer framhjá tveimur varnarmönnum. Skotið hins vegar beint á Cristian.

KA fer upp í sókn og enn á ný er Ásgeir að ógna inn fyrir. Torfi hreinsar í horn.
67. mín
Áhorfendatölur! 1380
62. mín
Ásgeir Sigurgeirsson er við það að sleppa í gegn en Torfi kemst fyrir skot hans.
60. mín
Lítið gerst síðustu mínútur. Stöðubarátta núna. KA menn að vakna eftir rólega byrjun í seinni.
54. mín
Kraftur í Fjölnismönnum í byrjun seinni hálfleiks. Eru betri aðilinn.
51. mín
Bergsveinn Ólafsson fellur í teignum eftir baráttu við Hallgrím Jónasson í kjölfarið á hornspyrnu. Ekkert dæmt. Báðir leikmenn brjálaðir. Vilja meina að hinn hafi verið brotlegur.
Hólmbert vill sjá félaga sinn úr Álasund fá sénsinn. Berisha á láni hjá Fjölni frá Álasund.





46. mín
Þórir Guðjóns með hörkuskalla efitr hornspyrnu en boltinn fer beint á Cristian í markinu. Cristian slær boltann út í teiginn og á endanum líður hættan hjá.
46. mín
Síðari hálfleikurinn er hafinn!

45. mín
Hálfleikur. Mjög fjörugur leikur hingað og nóg af mörkum. Vonandi heldur þetta svona áfram í síðari hálfleiknum. Sótt á báða bóga og mikið fjör.

Fjölnismenn byrjuðu mun betur en KA menn hafa verið líklegri síðari hlutann af hálfleiknum.
37. mín MARK!
Ásgeir Sigurgeirsson (KA)
Stoðsending: Hallgrímur Mar Steingrímsson
KA jafnar! Hallgrímur Mar á frábæra sendingu af miðjunni á milli Torfa og Arnórs Breka. Ásgeir kemst fram fyrir Breka og skorar með hörkuskoti uppi á nærstöngina úr þröngu færi!
33. mín
Smá tæknilegir örðuleikar en þetta á að vera komið í lag.

Mjög skemmtilegur fótboltaleikur hér í Egilshöll. Sótt á báða bóga.
24. mín
Ásgeir Sigurgeirsson sleppur í gegn eftir laglegt spil. Arnór Breki nær að elta hann uppi og komast fyrir skotið á síðustu stundu!
21. mín Gult spjald: Daníel Hafsteinsson (KA)
Brýtur á Valgeiri Lunddal sem var á leið í skyndisókn.
17. mín MARK!
Birnir Snær Ingason (Fjölnir)
Þvílíkt mark hjá Binna bolta! Fær boltann vinstra megin í teignum og smellir honum í fjærstöngina og inn!

Rosaleg byrjun hér í Egilshöll. Þrjú mörk á 17 mínútum.
14. mín MARK!
Daníel Hafsteinsson (KA)
Stoðsending: Ásgeir Sigurgeirsson
KA jafnar eftir vandræðagang í vörn Fjölnis. Ásgeir Sigurgeirsson keyrir á vörnina í skyndisókn og bæði Bergsveinn og Torfi eru i honum. Daníel Hafsteinsson skýst á milli þeirra og boltinn endar hjá honum. Daníel kemst aleinn í gegn og rennir boltanum ískaldur í fjærhornið. Vel gert hjá þessum 18 ára gamla miðjumanni.


11. mín
Birnir Snær með skemmtilega fótavinnu á teignum. Hann á síðan skot með tánni og Cristian Martinez lendir í vandræðum. Spánverjinn nær að slá skotið til hliðar. Cristian virkar ekki öruggur hér á upphafsmínútunum.


8. mín
KA menn að lifna við. Sækja meira núna. Hallgrímur Mar með þrumuskot af 25 metrunum en boltinn fer í hliðarnetið.
5. mín
5. mín
5. mín
Mikill kraftur í heimamönnum í byrjun. KA menn ekki mættir til leiks ennþá.


2. mín MARK!
Ægir Jarl Jónasson (Fjölnir)
Stoðsending: Arnór Breki Ásþórsson
Ægir Jarl kemur Fjölni yfir eftir rúma eina mínútu við mikinn fögnuð heimamanna! Arnór Breki Ásþórsson á fyrirgjöf á fjærstöng þar sem Ægir Jarl skallar boltann í netið.

Liðsstjórar Fjölnis fagna með því að dreifa Mackintosh molum á varamannabekknum.
1. mín
Flautað á!
Fyrir leik
Liðin eru komin inn á völl. Stuðningsmenn KA eru mættir með trommur og láta vel í sér heyra. Lætin í trommunum minna á handboltaleik.

KA spilar í rauðum og hvítum varabúningum sínum í dag.

Guðni Bergsson, formaður KSÍ, heilsar upp á leikmenn fyrir leik.
Fyrir leik
Áhorfendur týnast í Egilshöllina. Áhorfendastúkan er staðsett öðru megin, á meðan engir áhorfendur fá að vera bakvið varamenninna.

Leikmenn í yngri flokkum Fjölnis leiða leikmenn inn á völl fyrir leik.


Fyrir leik

Fyrir leik
Liðin eru klár hér til hliðar.

Hinn 16 ára gamli Valgeir Lunddal Friðriksson byrjar hjá Fjölni en hann hefur spilað mikið í vængbakverði og hægri bakverði á undirbúningstímabilinu. Útlit er fyrir að Fjölnismenn séu að fara að spila með þriggja manna vörn eins og þeir hafa gert að mestu undanfarið.

Guðmann Þórisson, varnarmaður KA, byrjar sumarið í tveggja leikja banni eftir rautt spjald í lokaumferðinni í fyrra. Callum Williams er í hjarta varnarinar við hlið Hallgríms Jónassonar sem er að spila sinn fyrsta leik í Pepsi-deildinni síðan 2008.

Vinstri bakvörðurinn Milan Joksimovic er einnig frá keppni vegna meiðsla og hinn tvítugi Hjörvar Sigurgeirsson byrjar í bakverðinum.

Steinþór Freyr Þorsteinsson er ekki búinn að jafna sig af meiðslum og er ekki í leikmannahópi KA í dag.
Fyrir leik

Fyrir leik
Leikmenn KA mættu til Reykjavíkur í gær og kíktu margir á leik Vals og KR á Hlíðarenda.

Fyrir leik
Fjölnir tapaði 3-2 gegn Fylki í síðasta æfingaleik fyrir mót um síðustu helgi en sá leikur fór fram hér í Egilshöll. KA spilaði síðast fyrir tveimur vikum en liðið lagði þá ÍA 2-1 í æfingaleik.
Fyrir leik
Ólafur Páll Snorrason, þjálfari Fjölnis
Þetta verður mjög erfiður leikur gegn öflugu og sterku KA-liði. Það er samt komin tilhlökkun í að byrja mótið og ég finn það fyrst og fremst.
Fyrir leik
Tryggvi Guðmundsson, sérfræðingur Fótbolta.net, spáir fjörugum leik og að lokatölur verði 2-2 eins og í leik liðanna í Grafarvogi í fyrra.

Fjölnir 2 - 2 KA
KA menn hafa verið flottir en Fjölnismenn upp og ofan. Þetta verður fjörugt.
Fyrir leik
Guðmann Þórisson, varnarmaður KA, byrjar sumarið í tveggja leikja banni eftir rautt spjald í lokaumferðinni í fyrra. Vinstri bakvörðurinn Milan Joksimovic er einnig frá keppni vegna meiðsla.

Hjá Fjölni er kantmaðurinn Ingimundur Níels Óskarsson ennþá að komast í gang eftir margra mánaða fjarveru vegna meiðsla. Þórir Guðjónsson og Birnir Snær Ingason ættu hins vegar að vera klárir í slaginn eftir að hafa verið meiddir undanfarnar vikur.

Smelltu hér til að skoða líkleg byrjunarlið
Fyrir leik
Almarr Ormarsson, miðjumaður Fjölnis, mætir gömlu félögunum í KA í dag en hann kom í Grafarvoginn síðastliðið haust eftir tvö ár með KA mönnum.
Fyrir leik
Góðan og margblessaðan!

Hér ætlum við að fylgjast með leik Fjölnis og KA í fyrstu umferð Pepsid-deildarinnar. Spilað verður inni í Egilshöll þar sem grasið á Extra-vellinum í Grafarvogi er ekki tilbúið eftir veturinn.

Fjölnismenn ætla að hafa flotta dagskrá í Egilshöll í dag í tengslum við leikinn og stuðningsmenn KA ætla að fjölmenna að norðan. Líf og fjör!
Byrjunarlið:
Hallgrímur Jónasson
Aleksandar Trninic
Cristian Martínez
3. Callum Williams
7. Daníel Hafsteinsson
7. Hjörvar Sigurgeirsson
9. Elfar Árni Aðalsteinsson
10. Hallgrímur Mar Steingrímsson
11. Ásgeir Sigurgeirsson ('70)
22. Hrannar Björn Steingrímsson ('84)
25. Archie Nkumu ('75)

Varamenn:
18. Aron Elí Gíslason (m)
2. Bjarni Mark Antonsson ('84)
4. Ólafur Aron Pétursson ('75)
17. Ýmir Már Geirsson
18. Áki Sölvason
28. Sæþór Olgeirsson
35. Frosti Brynjólfsson ('70)

Liðsstjórn:
Srdjan Tufegdzic (Þ)
Srdjan Rajkovic
Óskar Bragason
Petar Ivancic
Anna Birna Sæmundsdóttir
Helgi Steinar Andrésson

Gul spjöld:
Daníel Hafsteinsson ('21)
Elfar Árni Aðalsteinsson ('90)

Rauð spjöld: