JÆJA! Þá eru liðin að ganga hér inn á völlinn. Þetta er bara að byrja aftur! Virðist vera ansi stutt síðan að Andri Rúnar Bjarnason skoraði sitt 19. mark síðasta sumar hér á Grindavíkurvelli. Hann er ekki hér í dag. Hvað gerir Grindavík án hans?

Upphitun. Grindavíkurvöllur í toppstandi. Áfram Grindavík #fotboltinet #pepsideildin pic.twitter.com/CamhZ5ESzt

— Thorsteinn Gunnars (@thorsteinngu) April 28, 2018

Liðin eru komin inn í búningsklefann og eru því að hefja lokaundirbúninginn fyrir leikinn.

Annars er enginn Jankó á hliðarlínunni hjá Grindavík. Hann er líklega staddur erlendis. Þorsteinn Magnússon og Orri Freyr Hjaltalín verða Óla Stefán Flóventssyni til aðstoðar.

Get ekki sagt að fólk komi hingað á völlinn í fylkingum. Enn fámennt en vonandi lagast það

Styttist heldur betur í að Helgi Mikael flauti þennan leik á en nú er rúmur stundafjórðungur til leiks!

Erum í #teamgras hérna í Grindavík pic.twitter.com/j8o2wvWOlH

— Bjarni Hallfreðsson (@BjarniThorarinn) April 28, 2018

Gaman að segja frá því að það eru þrír FH-ingar í byrjunarliði Grindavíkur. Það eru þeir Sam Hewson, Brynjar Ásgeir og Björn Berg Bryde, eða BBB en þeir tveir síðast nefndu eru uppaldir hjá FH.

FH liðið er mætt út á völl að skokka. Fyrstu leikmenn Grindavíkur út á völl voru þeir Gunnar Þorsteins og Nemó. Ekki nema von að þeir voru fyrstir út á völl enda fastir saman utan hans. Vináttan fólk, vináttan.

Völlurinn er hrikalega vel sleginn og iðagrænn. Vissulega eru nokkrir ljótir blettir á honum enda er enn apríl og það var kalt í nótt. Þið vitið öll hverjum það er að þakka að völlurinn líti svona vel út!

Í yfirferð Fótbolta.net um grasvellina hér á Íslandi sagði Ivan Jugovic, aðstoðarvallarstjóri vallarins hér í Grindavík að hann hefði aldrei litið betur út. Svei mér þá ef það var ekki rétt hjá honum.

Veðrið hér í Grindavík er nú bara skítsæmilegt. Það hefur allavega oft verið verra. Það er smávegis vindur en ekkert til þess að kvarta yfir. Þá er þurrt og sólin skín. Hins vegar er kalt.

FH-ingar mæta með töluvert breytt lið frá því í fyrra eins og við var að búast. Fimm nýjir leikmenn eru í byrjunarliði FH í dag en það eru þeir Hjörtur Logi, Kristinn Steindórs, Gummi Kristjáns, Viðar Ari og Geoffrey Castillion

Byrjunarliðin eru komin í hús! Hjá heimamönnum er að kannski helst að frétta að Jóhannes Helgi Hannesson byrjar en það var jafnvel búist við því að hann myndi hefja leik á bekknum

Nokkrir leikmenn FH voru að koma í hús hérna í Grindavík. Þeim seinkaði vegna bílslyss í Hafnarfirði. Þetta voru gömlu kallarnir í liðinu sem mættu seint, þeir Davíð Þór, Atli Guðna, Atli Viðar og Pétur Viðars

Ef litið er yfir síðasta tímabil hjá andstæðingum dagsins var það eins og svart og hvítt. Tímabilið var mikil vonbrigði fyrir FH eftir að hafa ekki tekist að enda í efstu tveimur sætunum, í fyrsta skiptið í langan tíma. Á meðan slógu Grindvíkingar öllum að óvörum sem nýliðar í deildinni og enduðu þeir í 5. sæti.

Líkt og undanfarin ár spáir Fótbolti.net í spilin fyrir tímabilin og var ekki skortur á því þetta árið. FH-ingum var spáð 2. sæti af sérfræðingum Fótbolta.net á meðan Grindvíkingum var spáð 7. sæti af sömum sérfræðingum.

Það má reikna með hörku leik hér í Grindavíkinni í dag! Fyrirfram má ætla að FH sé líklegra til sigurs. Hins vegar hafa liðin mæst tvisvar á nýliðnu undirbúningstímabili. Liðin mættust í Fótbolti.net mótinu og skildu þar jöfn. Þá voru liðin saman riðli í Lengjubikarnum. Grindvíkingar gerðu sér lítið fyrir og slátruðu Fimleikafélaginu, 3-0. Hvort að slíkt verði aftur á teikniborðinu verður að komast í ljós.

Pepsi-deildin byrjaði með látum í gær en mikil dramatík og spenna var í báðum leikjum gærkvöldsins. Vonandi verður eitthvað svipað upp á teningnum í dag.

Í leikjum gærkvöldsins skildu Stjarnan og Keflavík jöfn og Valur vann erkifjendur sína í KR með dramatísku marki í uppbótartíma.

Já komið margblessuð og sæl aftur og verið velkomin til Grindavíkur en í dag fer fram leikur Grindavíkur og FH í 1. umferð Pepsi-deildarinnar!