Jæja það er dúndrandi tónlist kominn í græjurnar og liðin ganga út á völl. Vallarþulurinn tekur klassísku kynninguna og allt að verða klárt.

Valur að heiðra Reykjavíkurmeistara 4.flokks í A og B liðum í vetur þær standa hérna út á velli og taka á móti verðlaunum sínum og bikar. Til hamingju með þetta Valsstelpur

Bæði lið eru að ljúka upphitun það styttist í leik! Fólk er byrjað að mæta í stúkuna býst við klassa mætingu í kvöld.

Það er glampandi sól og farið að létta til á Hlíðarenda. Selfyssingar hafa greinilega tekið upp símtólið eða sent snapchat skilaboð á Ingó Veðurguð og beðið hann um að græja þetta fyrir þær. Ingó klikkar að sjálfsögðu ekki frekar en fyrri daginn.

Valskonur eru mættar út á völl að hita á meðan Selfyssingar eru ennþá inní klefa en þær voru að enda við að skoða aðstæðurnar á vellinum fyrir komandi átök.

Byrjunarliðin eru klár og má sjá þau hér til hliðar.

Hjá heimakonum í Val byrjar "Wok On" Drottninginn Hallbera Guðný Gísladóttir ásamt ungstirninu Hlín Eiríksdóttir og markadrottningunni Elín Metta Jensen.

Hjá gestunum frá Selfossi byrjar Fyrirliðinn og sælkerinn Anna María Friðgeirsdóttir ásamt hinni vel tönuðu Brynju Valgeirsdóttir og besta leikmanni 1.deildar í fyrra Magdalenu Önnu Reimus.

Veðrið hefur verið að leika okkur grátt í gær og í dag en það virðist vera batna til muna. Það er smá vindur og kalt í stúkunni svo það er enginn afsökun að mæta ekki en ég mæli með úlpu í kvöld! Held við sleppum við snjóbyl við krossum alla vega fingur það var á köflum mjög skrautlegt að fylgjast með leik Stjörnunar og Breiðabliks í gær.

Ég hvet fólk til þess að fylgjast með eftirtöldum leikmönnum í kvöld.

Ásdís Karen Halldórsdóttir leikmaður Vals er eitt stykki frábær leikmaður. Hún er fædd árið 1999 og kom til Vals frá KR í vetur. Ásdís er leikmaður sem að mun springa út í sumar, mikil gæði í öllum hennar leik.

Magdalena Anna Reimus leikmaður Selfoss er kannski nafn sem ekki margir kannast við en hún var kosinn besti leikmaður 1.deildar á síðasta ári. Magdalena spilar leikin á sérstakan hátt en er afburðagóð í að slútta færunum sínum. Hún hefur einnig það orð á sér að vera svolítið klikkuð á góðan hátt inn á vellinum og hlakka ég mikið til að sjá hvað hún gerir í sumar!

Jóhann Kristinn Gunnarsson sérfræðingur okkar hjá Fótbolta.net um kvennadeildina spáði liðunum 3.sæti (Valur) og 8.Sæti (Selfoss) en ljóst er að fyrsta verkefni Selfossar í Pepsi deildinni í ár er erfitt. En mikið gleður það mig að Selfoss séu mætar strax aftur í Pepsí.

Komiði blessuð og sæl og verið velkominn í beina textalýsingu frá Hlíðarenda þar sem Valur og Selfoss eigast við í 1.Umferð Pepsi deildar kvenna.