Liðin ganga hér inná völlinn við dramatíska tóna. Tufa snertir gervigrasið og signar sig. Schiöthararnir eru byrjaðir að láta í sér heyra og berja í trommur. Þetta er að hefjast.

Fólk er farið að láta sjá sig í stúkunni. Restin er líklegast að klára bjórinn sinn hjá Simma Vill. Ég býst ekki við neinu öðru en frábærri stemmningu hér í Egilshöll í dag.

Fylkislagið með Birni Braga ómar hér í hátölurunum þegar rúmlega 10 mínútur eru til leiks. Gríðarlega vanmetið lag.

Ég má það nú til að hrósa starfsfólki fyrir flotta umgjörð. Kaffið er gott og tónlistin er góð. Ef að þetta dregur ekki fólk á völlinn veit ég ekki hvað gerir það.

Meðalaldur hóps Fylkis er akkúrat 25 ár. Á bekknum hjá þeim er Orri Hrafn Kjartansson en hann er fæddur árið 2002 sem þýðir að hann er ennþá í 10.bekk. Verður gaman að sjá hvort að hann fái tækifæri hér í dag.

Meðalaldur KA hópsins er 23,9 ár en yngsti leikmaður þeirra er Frosti Brynjólfsson en hann er fæddur árið 2000. Hann spilaði gríðarlega vel með liðinu á undribúningstímabilinu og spurning hvort að hann láti til sín taka í sumar.

Þá er búið að vökva teppið hér í Egilshöllinni og liðin eru mætt til að hita upp. Mér sýnist á öllu að KA menn munu leika í varabúningum sínum sem að svipar til Atletico Madrid. Fylkismenn spila að sjálfsögðu í sínum trademark appelsínugulu búningum sem að mun henta þeim vel ef að það slær út hér í Egilshöllinni.

Byrjunarliðin eru hér klár. Heimamenn í Fylki gera þrjár breytingar á sínu liði en þeir Andri Þór Jónasson, Oddur Ingi Guðmundsson og Hákon Ingi Jónsson koma út og inn koma Davíð Þór Ásbjörnsson, Jonathan Glenn og Ásgeir Örn Arnþórsson.

Hjá KA kemur Hjörvar Sigurgeirsson út og Bjarni Mark kemur í hans stað. Steinþór Freyr er hvergi sjáanlegur á leikskýrslu KA en hann hefur verið að glíma við meiðsli.

Schiötharar eru mættir suður og strax byrjaðir að hvetja sína menn. Í för með þeim eru tveir Minions. Gaman af því.

Guðmann Þórisson, fyrirliði KA, byrjar þetta mót í tveggja leikja banni og tekur út sinn seinni leik í dag. Við þurfum því að bíða aðeins lengur eftir að sjá hvernig samstarf hans og Hallgríms Jónassonar á eftir að ganga í Pepsi-deildinni.

Helgi Mikael Jónasson sér um að dæma þennan leik hér í dag. Helgi dæmdi leik Grindavíkur og FH í fyrstu umferð Pepsi deildarinnar og veifaði þar tíu gulum spjöldum. Spurning hvort að það verði jafn mikið að gera hjá kauða í dag.

Bæði lið léku í Mjólkurbikarnum síðasta þriðjudag. Fylkismenn heimsóttu Stjörnuna á Samsung völlinn í Garðabænum en þurftu að sætta sig við 2-1 tap þar. Jonathan Glenn skoraði mark Fylkismanna í þeim leik.

KA menn heimsóttu Hauka á (Bl)Ásvelli þar sem að þeir unnu 2-1 sigur. Elfar Árni Aðalsteinsson og Guðmann Þórisson skoruðu mörkin fyrir þá gulklæddu.

Heimamenn í Fylki mættu liði Víkings R. í fyrstu umferðinni við vægast sagt skelfilegar aðstæður í Víkinni. Sá leikur endaði með 1-0 sigri Víkings.

Gestirnir frá Akureyri mættu Fjölni einmitt hér í Egilshöllinni en sá leikur endaði 2-2 eftir að Grafarvogsbúar höfðu komist tvisvar sinnum yfir.

Komiði sæl og blessuð og veriði hjartanlega velkomin í þessa beinu textalýsingu á leik Fylkis og KA í Egilshöllinni.

Þessi leikur er liður í annari umferð í Pepsi deild karla en bæði lið leitaa hér eftir fyrsta sigri sínum í sumar í deildinni.

Þórir Hákonarson spáir 0-1:
Fylkismenn litu ekkert sérlega vel út á móti Víkingum en voru óheppnir að tapa gegn Stjörnunni í bikarnum. En KA vinnur seiglusigur á endanum í Egilshöllinni.