Á meðan við bíðum eftir að leikurinn hefjist þá er best að henda inn einum random fróðleiksmola dagsins. Undirritaður og hægri bakvörður Víkinga, Davíð Örn Atlason, unnu Goðamót Þórs saman í 5. flokki með KA en þá var Davíð framherji og lang markahæsti maður mótsins. Davíð spilaði frammi upp alla yngri flokka og spilaði svo sem miðjumaður fyrstu skrefin í meistaraflokki en endaði í hægri bakverði þar sem honum segir að honum líði best.

Halli Björns fór útaf með höfuðhögg í síðasta leik gegn KR en hann er í búrinu í kvöld, gott að þetta var ekki alvarlegt. Ævar Ingi er hins vegar ennþá fjarri góðu gamni vegna höfuðáverka og sagði Rúnar Páll að það væri enn langt í hann. Vona auðvitað að Ævar jafni sig sem allra fyrst, svona höfuðhögg eru alltaf óhugnaleg.

Byrjunarliðin eru komin inn, Víkingar gera tvær breytingar, Rikki T kemur inn fyrir Loga Tómasson og nýji markmaðurinn þeirra Andreas Larsen byrjar í markinu. Stjarnan gerir fimm breytingar á sínu liði, Guðmundur Steinn, Hörður Árna og Alex Þór setjast á bekkinn á meðan Jósef Kristinn og Jói Lax eru frá næstu vikurnar. Inn í liðið koma Heiðar Ægisson, Þorsteinn Már, Brynjar Gauti, fyrirliðinn Baldur Sig og nýjasti leikmaður Stjörnunnar, Þórarinn Ingi.

Stjarnan eru búnir að vera verulega óheppnir með meiðsli í upphafi móts. Ævar Ingi fékk höfuðhögg gegn Fylki í bikarnum og Halli Björns fékk höfuðhögg gegn KR, þá tognuðu bakverðirnir Jóhann Laxdal og Jósef Kristinn aftan í læri og eru báðir frá næstu vikurnar. Stjarnan keypti Þórarinn Inga frá FH í vikunni og líklega byrjar hann miðað við langan meiðslalista Stjörnumanna.

Halli Björns markmaður Stjörnunnar fékk höfuðhögg í síðasta leik og þriðji markmaður þeirra, Terrance Dietrich verður líklega í markinu í kvöld. Víkingar fengu til sín tvo markmenn, Daninn Andreas Larsen er löglegur í kvöld og tekur líklega rammann en einnig fær Senegalski markmaðurinn, Serigne Mor Mbaye Morice, leikheimild á morgunn svo þeir munu berjast um stöðuna í sumar.

Víkingar eru á góðu skriði, þeir eru búnir með 2 heimaleiki, unnu 1-0 sigur á Fylki í 1. umferð og gerðu markalaust jafntefli við Íslandsmeistara Vals í 2.umferð. Það verður fróðlegt að sjá hvernig þeir spila á gervigrasinu í Garðabæ eftir að hafa spilað fyrstu 2 leikina á heimavelli sínum sem leit alls ekki vel út.

Stjarnan þarf nauðsynlega sigur í kvöld, þeir eru aðeins með eitt stig eftir fyrstu tvær umferðirnar, þeir töpuði 3-2 gegn KR í síðustu umferð. Í fyrsta leik Pepsí-deildarinnar misstu þeir niður 2-0 forrystu gegn Keflavík og eru þeir að spila sinn 3. Heimaleik í röð og ekkert annað en sigur í boði í kvöld.

Góða kvöldið og verið velkomin í beina textalýsingu frá Samsung-vellinum í Garðabæ þar sem Stjarnan tekur á móti Víking Reykjavík í síðasta leik 3. umferðar Pepsí-deildar karla.