Þetta er að bresta á. Liðin ganga hér til vallar undir tónum Jónasar Sig og Ritvélum framtíðarinnar. Hamingjan er hér!

Nei nú slær vallarþulur Víkinga öll met. Í tilefni af því að ástæða var til þess að slá völlinn í dag hendir hann í Þykkvabæjarrokk með Árna Johnsen.

Spá blaðamannastúkunnar

Jóhann á Mbl spáir Grindavík 0-2 sigri Sito skorar.

Magnús frá Vísi spáir 1-1 jafntefli

Ég loka þessu og spái Víkingum 2-1 sigri.

Hjá Grindavík eru nokkrar breytingar, Will Daniels dettur úr hóp og inní byrjunarliðið kemur Jón Ingason. Sömuleiðis dettur Jóhann Helgi Hannesson út úr hóp og í hans stað kemur hinn eitraði Sito

Verð að viðurkenna ég veit ekki hvort fjarvera þeirra úr hóp sé vegna meiðsla eða ekki.

Eins og glöggir lesendur sjá eru byrjunarliðin og leikmannahópar liðanna komin hér til hliðar.

Víkingar gera eina breytingu á sínu liði frá leiknum við Stjörnuna á mánudag. Gunnlaugur Fannar Guðmundsson kemur inn fyrir Halldór Smára sem er meiddur. Senegalski markmaðurinn Serigne Mor Mbaye er svo mættur á bekkinn.

Við kynnum með stolti til leiks nýjan vallarskjá sem mun vonandi koma til með að segja frá fræknum heimasigrum um mörg ókomin ár, frá og með deginum í dag. #vikingurfc

Just setting up @karibestmeister ‘s new flat screen. pic.twitter.com/HiCWOW9Jae

— Víkingur FC (@vikingurfc) May 18, 2018

Rétt rúmur klukkutími í leik og fer að styttast í að byrjunarlið detti í hús.

Farið grænka aðeins á Heimavelli Hamingjunar en á þó töluvert í land. #fotbolti #pepsideildin #vikgri pic.twitter.com/fNINH5cT8z

— Sverrir Ö Einarsson (@SEinarsson) May 18, 2018

Pétur Pétursson spáir 1-1 jafntefli:
,,Mér fannst Víkingarnir vera sterkir líkamlega gegn Stjörnunni. Þeir hafa æft vel hjá Markusi vini mínum og Loga og Arnari. Grindvíkingar voru að fá nýjan leikmann, Sito, sem getur gert alls konar hluti. Ég veit ekki hvernig kartöflugarðurinn í Víkinni er en ég spái 1-1 jafntefli".

Fyrri leikur liðanna það sumar er einnig eftirminnilegur fyrir þær sakir að njósnarar frá Djurgarden voru þar staddir að fylgjast með Sölva Ottesen miðverði Víkings sem var seldur til Djurgarden skömmu síðar og lék ekki aftur í efstu deild með Víkingum fyrr en gegn Val í annari umferð. Kári Árnason fylgdi svo sömu leið um haustið.

Innibyrðis viðureignir liðanna í efstu deild eru 10 talsins.
Víkingar hafa haft sigur í 2 leikjum, Grindvíkingar 1 en alls 7 leikjum hefur lyktað með jafntefli.

Einn eftirminnilegasti leikur þessara liða sem undirritaður man eftir fór fram í Grindavík í lokaumferð Landsbankadeildarinnar 2004 í hávaðaroki.

Leiknum lauk með 3-3 jafntefli eftir vægast sagt furðulegan leik í rokinu þar sem Víkingar skoruðu nánast beint úr miðju en þar var að verki spyrnusérfræðingurinn Vilhjálmur R. Vilhjálmsson. Víkingar urðu að vinna leikinn til að halda sæti sínu í deildinni og þegar komið var fram á 87. mínútu leiddu þeir leikinn 2-3 þegar Grétar Hjartarson skoraði beint úr hornspyrnu og felldi þar með Víkinga.

Grindvíkingar sitja svo í 6.sæti með 4 stig.

Þeir mættu FH í Grindavík í fyrstu umferð og urðu að lúta í gras 0-1 eftir mark frá Steven Lennon

Í annari umferð fóru þeir í heimsókn til nágranna sinna í Keflavík og unnu þar góðann útisigur 0-2 með mörkum frá Björn Berg Bryde og Sam Hewson.

Í síðustu umferð gerðu þeir svo 1-1 jafntefli við KR í Grindavík þar sem Færeyingurinn Rene Johannsen skoraði mark Grindvíkinga.

Víkingar hafa byrað mótið ágætlega þrátt fyrir hrakspár sérfræðinga hinna ýmsu fjölmiðla og hafa ekki tapað i fyrstu þremur umferðunum og sitja í 5.sæti deildarinnar með 5 stig.

Þeir hófu mótið á heimasigri á nýliðum Fylkis í fyrsta leik 1-0 með marki frá Nikolaj Hansen

Í annari umferð komu Valsmenn í heimsókn í kartöflugarðinn og lyktaði þeim leik með markalausu jafntefli í hörðum baráttuleik.

Í síðustu umferð skelltu þeir sér svo í heimsókn á Samsung völlinn til Stjörnunar og gerðu þar ótrúlegt jafntefli 3-3 í leik þar sem dæmdar voru FJÓRAR vítaspyrnur. Um markaskorun Víkinga í þeim leik sáu Rikki TV með tvö úr vítum og skagamaðurinn Arnþór Ingi Kristinsson en fyrir áhugasama má nálgast skýrslu og textalýsingu Fótbolta.net frá þeim leik HÉR

Risastórar fréttir bárust úr herbúðum Víkinga í vikunni þegar tilkynnt var að landsliðsmaðurinn Kári Árnason væri á leið heim í Víkina og myndi spila með liðinu að HM loknu.

Kári hefur eins og flestir vita verið lykilmaður í vörn Íslenska liðsins undanfarinn ár og myndað sterkt miðvarðarpar með Ragnari Sigurðssyni þar.

Dómari leiksins er hinn geðþekki Þóroddur Hjaltalín Jr og honum til aðstoðar eru aðstoðardómararnir Eðvarð Eðvarðsson og Egill Guðvarður Guðlaugsson. Fjórði dómari er svo Vilhelm Adolfsson

Þóroddur hefur dæmt þrjá leiki til þessa í deildinni og gefið í þeim átta gul spjöld og eitt rautt.

Leikur liðanna í dag fer fram í Víkinni eða Heimavelli Hamingjunar eins og Vallarþulur þeirra Víkinga hefur nefnt völlinn. Get alveg vottað það að oft ríkir mikil hamingja öðru hvoru meginn í stúkunni en hvað völlinn sjálfan varðar er ég efins en eins og flestir vita kom hann vægast sagt illa undan vetri en það er vonandi að hlýnandi veður hafi haft jákvæð áhrif á hann.

Komið þið sæl kæru lesendur og verið velkomin í beina textalýsingu Fótbolta.net frá leik Víkings og Grindavíkur í 4.umferð Pepsi deildar karla.