Nákvæmlega sama uppskrift en léleg fyrirgjöf hjá Arian.

Arian fékk geggjaða skiptingu yfir frá Leif Andra og komst í gegn en náði ekki að nýta færið.

Selfyssingar með tvo góð skot fyrir utan teig en bæði mjög vel varin af Arnari Frey.

Kenan liggur eftir samstuð við leikmann HK og Gunnar Borgþórs lýsir yfir ósætti við dómarann. Þeir voru í baráttu um boltann en ég held að þetta hafi ekki verið brot. Réttur dómur.

Birkir Valur liggur eftir samstuð á eigin vallarhelmingi. Fer útaf en virðist fá aðhlynningu og harkar það af sér.

Þetta er að breytast í skemmtilegasta leik hérna

DAUÐAFÆRI! Kári fékk boltann í gegn og reyndi að klobba Stefán Loga en hann rétt náði í boltann og kom honum í horn.

Þorsteinn Daníel virðist hafa lent í einhversskonar nárameiðslum og fór útaf í aðhlynningu. Virðist ætla að hrista þetta af sér samt.

Ég held að brakandi ferskt skipting gæti gert mikið fyrir leikinn, það er allt í loop mode hér og enginn að reyna nýja hluti.

Hjá HK væri gaman að sjá Aron Elí koma inn sem dæmi og hjá Selfossi er Svavar Berg öflugur á bekknum en það er nóg úr að velja.

Selfossdrengir eru byrjaðir að reyna vippur inn á Ondo en það hefur ekki verið að virka vel, aldrei að vita hvað gerist samt.

Ekki mikið að frétta um þessar mundir en Selfoss aðeins meira með boltann.

Agalega léleg hreinsun hjá Selfyssingum og boltinn barst beint á Bjarna í D-boganum en hann hitti boltann illa og skotið fór vel framhjá.

Hér góla pjakkarnir fyrir neðan mig að þeir vilji dómarann í sturtu. Ég get nú ekki tekið undir það, flottur leikur hjá Arnari og félögum hingað til.

Arnar Logi með það lélega aukaspyrnu fyrir Selfoss að það tekur því varla að skrifa það. Virðist hafa átt að vera einhversskonar færsla af æfingasvæðinu, bolti meðfram jörðinni en það var enginn nálægt því að ná honum.

Ólafur Örn fékk lága fyrirgjöf inn í teig, náði að snúa með boltann en missti jafnvægið í skotinu sem fór vel yfir. Mjög fínt færi. Það gæti vel verið mark á næstu mínútum hjá HK. Þeir hafa verið að bæta aðeins í.

Ásgeir fækk boltann í gegn og komst fram hjá Stefáni Loga inn í teignum en skaut svo í hliðarnetið. Mjög þröngt færi svosem en hann á að gera betur. Var þó rangstaða eftir allt svo það skipti ekki máli.

Kári og Bjarni tóku frábæran þríhyrning sem kom Kára í frábæra fyrirgjafarstöðu. Boltinn komst á Brynjar að mér sýndist sem hitti boltann ekki vel og Selfyssingar hreinsuðu. Fyrsta færi leiksins sem hefði hæglega geta orðið mark.

Ásgeir Marteinsson með klaufalega óþarfa tæklingu á Magnús Inga. Fær tiltal hjá dómaranum, mjög verðskuldað.

Ásgeir með hornspyrnu sem Selfyssingar komu nokkuð auðveldlega frá.

Kenan reynir skot fyrir utan teig fyrir Selfyssinga, skotið fór beint á Arnar í marki HK. Enn allt með rólegra sniðinu hér.

Ég verð að koma því út í kosmósinn að HK búningurinn er virkilega flottur. Skemmitlega röndóttur og sokkarnir gera gæfumuninn. Selfyssingar halda sinn gamla góða fjólublá/brúna/vínrauða lit (ég er alls ekki skarpur á liti) og eru klassískir í útliti.

Ivan reynir ágætis skot af D-boganum fyrir Selfyssinga, boltinn fór rétt yfir.

Selfoss fá aukaspyrnu á vinstri kantinum eftir klaufalegt brot HK-inga. Kristófer Páll setti boltann fyrir en hann fór ekki yfir fyrsta varnarmann. Lélegar aukaspyrur og bragðdaufar sóknir hafa einkennt leikinn hingað til.

Kári tekur aukaspyrnu á hægri kantinum sem fyrsti maður skallar frá í vörn Selfyssinga.

Svona í fljótu bragði virðast liðin vera eftirfarandi:

HK sýnist mér sækja í 4-4-2 en verjast í 4-5-1.

Arnar Freyr
Birkir Valur - Guðmundur - Ingibergur - Leifur
Kári - Ólafur Örn - Hafsteinn Briem - Ásgeir
Brynjar og svo er það Bjarni sem skiptir að því er virðist á að vera miðjumaður og framherji.

Selfoss eru að mér sýnist í 4-3-3 með tvo djúpa miðjumenn

Stefán Logi
Þorsteinn - Hafþór - Stefán Ragnar - Gylfi
Arnar Logi - Kenan
Magnús - Ivan - Kristófer
Gilles Ondo

HK fá aukaspyrnu vinstra megin á vellinum í c.a. 30 metra fjarlægð.
Aukaspyrnan var léleg.

Bjarni Gunnarsson í geggjuðu færi! Fékk stungu inn fyrir vörnina en var of fljótur á sér og skaut framhjá.

Liðin skiptast sanngjarnlega á að sæka en hvorugt liðið búið að skapa einhverja alvöru hættu.

Selfyssingar hreinsa í hornfánann og útaf. Rétt dæmd hornspyrna hjá Arnari flautuleikara.

HK með langt innkast frá hægri inn á nærstöngina en það var hreinsað örugglega.

Selfyssingar byrja af krafti! Boltinn barst á Kristófer Pál sem átti ágætis skot rétt framhjá.