Orri á hér skot sem fer í varnarmann Þórs. Hornspyrna og Atli Gunnar mætir í teiginn!

Dómarinn er farinn að líta á klukkuna.

Jónas í dauðafæri!!!! Skýtur í varnarmann og boltinn út af, gerði frábærlega í að keyra inn í teiginn og koma sér í skotfæri.

Ignacio með fyrirgjöf sem Atli Gunnar handsamar örugglega. Það er meira líf yfir Þór núna!

Óskar Elías á hér fyrirgjöf, lengst frá miðju. Boltinn var af varnarmanni að markinu en Atli Gunnar ver í horn. Eftir hornið ná Þórsarar skalla en langt yfir markið.

Klukkan sýnir 90 mínútur, en það verður væntanlega bætt við einhverjum 7-8 mínútum við vegna meiðsla Alex Freys.

Jónas með marktilraun, er ekki alveg viss um hvort þetta var skot eða sending. Held hann viti það ekki alveg sjálfur. Þetta var samt ekki svo langt frá markinu.

Arnór Daði fær aðhlynningu og kemur aftur inn á völlinn.

Nú liggur Arnór Daði meiddur. Framarar búnir með skiptingarnar og manni færri. Þeir þurfa að fá hann aftur á fætur!

Framarar eru hreinlega líklegri þessa stundina. Miklu meiri áræðni hjá þeim og þeir leggja sig alla í þetta.

Fáum við fleiri mörk hér í dag? Þessi seinni hálfleikur ekki verið líkur þeim fyrri, en nú gæti eitthvað gerst. Eins og áðan fengum við mark, spjald og skiptingu nánast allt á sömu mínútunni. Maður hefur ekki undan!

Lagleg sókn loksins! Unnar Steinn geysist upp kantinn, gefur innfyrir á Fernandes sem vinnur hornspyrnu. Það kemur svo ekkert upp úr henni.

Það hefur færst ró yfir þennan leik hér síðustu mínúturnar.

Guðmundur tók spyrnuna sjálfur og átti ágætis skot sem komst alla leið að markinu, en fór beint á Aron Birki sem átti ekki í neinum erfiðleikum við að handsama knöttinn.

Bjarki Þór brýtur á Guðmundi Magnússyni, á vítateigslínunni.

Jakimoski skýtur beint í varnarvegginn úr spyrnunni og Þór vinnur boltann.

Framarar fá svo aukaspyrnu eftir allt. Þetta er á hættulegum stað.

Alex er borinn út af. Óskum honum góðs bata!

Ópin í Alex Frey heyrðust hér alla leið inn í fréttamannaboxið, hann virðist hafa meitt sig á ökkla eða rist. Erfitt að sjá hvort það er.

ÚFF!! Alex Freyr Elísson liggur hér sárþjáður! Þetta lítur alls ekki vel út. Hann lenti í samstuði við varnarmann Þórs, sem ég sá ekki hver var, og þetta leit ekki sérstaklega illa út. Hann liggur hinsvegar sárþjáður. Þetta gerist við hornið á vítateig Þórs, en ég er ekki viss um að Fram fái aukaspyrnu.

Heiðar Geir á hér skottilraun í kjölfar hornspyrnunnar. Langt, langt yfir.

Framarar byrja af krafti. Hafa átt hér tvær hornspyrnur í röð.

Ignacio reynir skot frá miðju, það var aldrei á leiðinni í átt að marki. Ætlaði að nýta sér meðvindinn þarna!

Þórsarar svara strax með sókn, Bjarki Þór með fyrirgjöf sem Montejo nær ekki að skalla almennilega og boltinn framhjá.

Jakimosko átti frábæra tilraun hér! Fékk gjörsamlega geggjaða stungusendingu frá Fernandes, hljóp inn í teig og renndi boltanum út í teig. Þar komust Þórsarar í boltann en hreinsuðu ekki betur en svo að Jakimoski fékk boltann aftur og skaut naumlega framhjá.

Hér hefur svo mikið gengið á síðustu mínúturnar að ekki hefur gefist tími til að segja frá kröftugum mótmælum Framara eftir markið. Þeir vildu fá dæmda rangstöðu en eftir mikil fundarhöld Arnars Þórs og aðstoðardómarans var ákveðið að markið skyldi standa. Framarar vægast sagt ósáttir með þá ákvörðun, ég sá alls ekki hvort þetta var tæpt eða ekki héðan úr blaðamannaboxinu.

Framarar ná ekki að skapa sér færi úr aukaspyrnunni, ekki frekar en áðan. Þórsarar hafa varist ágætlega hér í dag.

Ármann brýtur á Tiago Fernandes á vinstri kantinum. Ármann er á gulu og þarf að fara varlega!

Það er liðsfundur hjá Fram meðan Atli Gunnar fær aðhlynningu. Ekki veitir af. Atli ætlar að halda áfram.

Nú tognar Atli Fannar í marki Fram þegar hann er að gera sig klárann í að sparka boltanum út. Virðist vera aftan í læri. Áfram heldur vesenið fyrir Fram.

Framarar eiga aukaspyrnu úti á vinstri kanti en gera lítið með hana. Boltinn berst á endanum inn í teig þar sem Hlynur Atli brýtur á Lofti.

Stórhættulegt færi Þórs! Montejo fær boltann inn í teig, leggur boltann á Guðna sem er einn á auðum sjó í teignum. Skotið ágætt, niðri til vinstri en Atli Gunnar ver vel í markinu. Þór fær í kjölfarið horn, sem ekkert kemur upp úr. Þarna átti Guðni að gera betur!!

Mætingin hér er ekki upp á marga fiska. 210 mættir á völlinn þegar þetta er skrifað. Það er eins gott að kjörsókn verði góð.

Úff! Guðmundur Magnússon með NEGLU af 40 metra færi úr aukaspyrnu, boltinn fer rétt yfir. Ætlaði greinilega að nýta sér vindinn og það gekk næstum upp.

Heiðar Geir liggur hér óvígur eftir, fór upp í skallabolta á móti Ignacio Gil og heldur núna um andlitið. Hann fær aðhlynningu og heldur áfram. Gil sleppur með tiltal.

Fyrsta alvöru færið! Bakverðirnir Aron og Bjarki Þór með góða samvinnu, Bjarki með fyrirgjöfina beint á pönnuna á Aroni sem náði ekki að skalla boltann almennilega. Atli Gunnar ver auðveldlega.

Guðmundur Magnússon fær á sig aukaspyrnu úti á kanti fyrir leikaraskap. Hann er eðlilega mjög hissa.

Guðni Sigþórs prjónar sig laglega í gegnum vörn Framara en nær ekki fyrirgjöf áður en boltinn fer yfir endalínuna. Þórsarar hafa verið ívið betri fyrstu mínúturnar.

Montejo fær hér sendingu innfyrir, tekur boltann á kassann en nær ekki stjórn á honyum. Fær einn Framara í bakið og vill fá vítaspyrnu fyrir bakhrindingu. Arnar Þór ekki sammála því.

Framarar hér í sókn, Helgi Guðjónsson sendir fyrir en þar rekur Aron Kristófer höndina í andlit Fred Saravia sem leggst niður og kallar hátt. Þetta var þó ekki alvarlegt, leikurinn heldur áfram. Óviljaverk hjá Aroni.

Fyrsta markspyrna Arons Birkis er arfaslök, drífur stutt og beint út af. Kennum vindinum ekki um þetta.

Ármann með mjög máttlaust skot að marki Fram og langt framhjá, eftir nokkuð lipra sókn.

Montejo rangstæður hér í fyrstu sókn Þórs.