Styttist í að leikurinn byrji, ég skellti mér í einn hamborgara hérna hjá Kjötkompaní fyrir utan völlinn og gef honum sterka áttu í einkunn, einnig býður FH blaðamönnum uppá ískaldan Víking Lager að venju, toppþjónusta!

Fylkismenn komu auðvitað með risafrétt í dag þegar þeir tilkynntu að Ólafur Ingi Skúlason kemur heim í Lautina í Júlí glugganum, frábært fyrir þá að fá jafn góðan og skemmtilegan karakter eins og Ólaf heim eftir HM!

Fyrir þá sem elska longshot bet þá spái ég 2-1 sigri FH og mörkin skora Kiddi Steindórs, Geoffrey Castillion og að sjálfsögðu Hákon Ingi Jónsson.

Byrjunarliðin er komin inn og vekur athygli að Fylkir gerir þrjár breytingar á sínu liði eftir að hafa steinlegið 3-0 á Samsung vellinum, Arnar Már, Andrés Már og Ásgeir Örn byrja á kostnað Daða Ólafs, Davíðs Þórs og Glenn vélin er líka á bekknum í dag. Hjá FH fær Kiddi Steindórs að byrja aftur eftir 2 leiki á bekknum en hann verður að standa sig í dag eftir skelfilegar frammistöður í byrjun móts. Hjörtur Logi snýr einnig aftur eftir meiðsli og hinn ungi Egill Makan fer á bekkinn með reynsluboltanum Atla Guðna.

Stefán Þór Jónsson(Stebbatov), leiðtogi hinnar gífulega öflugu stuðningsmannasveitar Stebbatovsarmy, spáir 3-0 sigri FH: ,,Easy 3-0 sigur Fimleikafélagasins, Jónatan mun tæta vörn Fylkis í sig."

FH er í 3.sæti með 10 stig og með sigri í dag fara þeir í toppsætið eftir að Breiðablik og Grindavík gerðu bæði jafntefli í gær.
Fylkir eru í 8.sæti með 7 stig og sigri þeir í dag jafna þeir FH að stigum. Það verður að teljast líklegra að FH sigri en aldrei afskrifa Fylki.

Góða kvöldið og verið velkomin í beina textalýsingu frá leik FH og Fylkis í 6.umferð Pepsí-deildar karla. Leikurinn hefst klukkan 19:15 hérna á Kaplakrikavelli.