Maggi skólastjóri les upp liðin og kallar Þór stóra liðið á Akureyri. Ætla ekki að mynda mér skoðun á þessari staðhæfingu.

Ég veit ekki hvaða Nígeríusvindl ÍR eru að bjóða uppá en það er 2. júní og við erum ennþá að spila á gervigrasinu í Mjóddinni. Ég er enginn Maggi Bö en það er ekkert stórvægilegt að grasinu. Þetta er rosalega dapurt.

Liðin mættust á þessum velli síðasta sumar í frekar mögnuðum leik. Staðan var 0-0 alveg fram á 86mínútu þegar Þórsarar komust yfir áður en ÍR skoruðu tvö mörk í uppótartíma og sigldu heim ótrúlegum 2-1 sigri.

Byrjunarliðin eru komin í hús.

ÍR gera tvær breytingar á sínu liði frá 3-1 tapinu gegn Leikni í síðustu umferð. Inn koma Óskar Jónsson og Máni Austmann fyrir þá Jónatan Hróbjartssson og Andra Jónasson.

Þórsarar gera eina breytingu á sínu liði frá 3-2 sigrinum á Fram, Elmar Þór Jónsson kemur inn fyrir Aron Kristófer Lárusson.

Leiknum var frestað um klukkutíma vegna bilunar í flugvél Þórsara. Hann hefst því kl 16:00 en ekki 15:00. Áfram gakk.

Alvaro Montejo leikmaður Þórs sem kom frá ÍBV fyrir tímabilið hefur byrjað mótið frábærlega og er kominn með fjögur mörk í jafnmörgum leikjum og verður gaman að fylgjast með honum í dag. Í markinu er Aron Birkir Stefánsson sem er gríðarlega efnilegur markvörður sem varði eftirminnilega þrjár vítasðyrnur þegar Þórsarar slógu út Fjölni í 16 liða úrslitum Mjólkurbikarsins í vikunni.

Hjá ÍR hefur Guðfinnur Þórir eða Guffi eins og hann er kallaður verið besti maður á ÍR á tímabilinu sem er kannski ekki frásögu færandi nema að hann er 36 ára og kominn af léttasta skeiði, það er ljóst að ungu strákarnir í liðinu þurfa að fara að sýna að þeir séu einfaldlega nógu góðir fyrir þessa deild.

Heimamenn í ÍR töpuðu illa í síðustu umferð í grannaslag á útivelli gegn Leikni þar sem leikar enduðu 3-1. ÍR sitja í 11. sæti deildarinnar með aðeins þrjú stig eftir fjóra leiki og þurfa nauðsynlega að fara að hirða stig í pokann.

Þórsarar hafa byrjað þetta mót ágætlega og unnu sterkan 3-2 heimasigur gegn Fram í síðustu umferð. Þeir sitja í 5. sæti deildarinnar með 7 stig og þeir verða að vinna í dag ef þeir ætla að setja alvöru pressu á toppliðin.

Komiði sæl og blessuð og velkomin í beina textalýsingu frá Hertz-vellinum í Breiðholti. Hér í dag ætlum við að fylgjast með leik heimamanna í ÍR og Þórsara frá Akureyri.