Liðin kynnt inn, og fólk er farið að týnast á völlinn í litlu stúkuna. Gæslan er að vökva völlin. Aðstæður hér í dag eru algjörlega geggjaðar.

Það væsir ekki um mann hérna í Safamýrinni! Þetta er bara eins og að fara í mat til ömmu, það er ekki í boði að segja nei við kræsingunum og á endanum kemur Valtýr Björn sjálfur með Macintosh í blaðamannastúkuna. Geri aðrir betur!

Byrjunarliðin eru komin í hús.

Jói Kalli gerir eina breytingu á sínu liði frá jafnteflinu gegn Njarðvík í síðustu umferð, Garðar Gunnlaugs dettur út fyrir Bjarka Stein Bjarkason.

Pedro gerir þrjár breytingar á sínu liði frá 3-2 tapinu gegn Þór. Unnar Steinn, Orri Gunnarsson og Már Ægisson koma allir inn fyrir Helga Guðjónsson, Kristófer Reyes sem er í leikbanni og Alex Frey sem meiddist illa í síðasta leik. Athygli vekur að Framarar eru ekki með fullskipaðan bekk.

Fyrrverandi markamaskína ÍR, Elías Ingi Árnason verður með flautuna hér í dag.

Á síðustu vikum hafa orðið smá breytingar á leikmannahópi ÍA, Valsmenn kölluð Andra Adolphsson til baka úr láni og þeir fengu Ástbjörn Þórðarson á láni frá KR.

Stefán Teitur Þórðarson og Steinar Þorsteinsson eru búnir að vera öflugustu leikmenn ÍA það sem af er tímabili og eru komnir með 3 mörk í 4 leikjum, menn eins og Garðar Gunnlaugs og ÞÞÞ hafa ekki enn náð að þenja netmöskvana og óska ég eftir breytingu hér í dag.

Hjá Fram hefur Guðmundur Magnússon séð um markaskorunina og er með 5 mörk í 4 leikjum það sem af er tímabili.

Heimamenn í Fram sitja í fjórða sæti deildarinnar með 7 stig. Þeir töpuðu 3-2 á útivelli gegn Þór í síðustu umferð eftir að hafa spilað einum færri frá 32 mínútu í stöðunni 1-0 fyrir Þór. Þór skoruðu svo sigurmarkið á 95 mínútu leiksins, sárt fyrir Framara. Einnig töpuðu Fram fyrir Ólafsvík í bikarnum í nýliðinni viku þar sem Framarar neituðu að mæta í viðtöl eftir leik. Það verður gaman að sjá hvort þeir taki góða skapið með sér í dag.

Skagamenn eru í öðru sæti með 10 stig og geta jafnað HK á toppnum með sigri hér í dag. ÍA gerðu 2-2 jafntefli gegn Njarðvík á heimavelli í síðustu umferð og slógu út Grindavík í bikarnum í síðustu viku 2-1.

Komiði sæl og og blessuð og velkomin í beina textalýsingu frá Framvelli í Safamýrinni þar sem við ætlum að fylgjast með leik Fram og ÍA í Inkasso deild karla.