Leikmenn ganga út á völl og fallegir tónar Sigur Rósar heyrast á meðan.

Áhorfendur eru farnir að týnast í hús smátt og smátt, það verður líklega svoleiðis áfram fyrstu mínútur leiksins svo ég hendi ekki endanlegri tölu áhorfenda á þetta fyrr en þegar aðeins er liðið á fyrri hálfleik.

Aðstæður til knattspyrnuiðkunnar í dag eru mjög fínar. Það er nokkuð hlýtt og smá gola. Vallarstjóri Hauka búinn að vökva völlinn vel og lengi svo þessi leikur hlýtur bara að bjóða upp á sóknarbolta og skemmtun!

Byrjunarlið dagsins eru komin í hús eins og sjá má hér til hliðar.

Haukar gera tvær breytingar frá síðasta leik en það er fyrirliðinn Gunnargunarsson sem kemur inn ásamt Elton Renato Livramento Barros, Arnar Steinn Hanson og Haukur Ásberg Hilmarsson detta út í þeirra stað.

Selfoss gerir einnig tvær breytingar á sínu liði en þar eru það þeir Toni Espinosa og Hafþór Þrastarson sem koma inn í liðið fyrir Arnar Loga Sveinsson og Bjarka Leósson

Mikill stemmari hér í blaðamannastúkunni þegar tæpur klukkutími er í leik. Vallar-DJ-inn hendir Don't look back in anger með Oasis á fóninn og uppsker fyrir það mikið hrós, allavega frá mér.

Venjan er að byrjunarlið detti í hús um það bil klukkutíma fyrir leik svo þau ættu að vera handan við hornið!

Haukar koma inn í þennan leik eftir að hafa unnið sterkan 1-2 útisigur á Njarvíkingum í síðustu umferð.

Selfyssingar eru búnir að vinna síðustu tvo leiki sína eftir að hafa aðeins fengið eitt stig úr fyrstu þremur leikjum sínum í mótinu.

Það mætti því segja að bæði lið komi með gott veganesti inn í þennan leik.

Bæði lið eru með 7 stig fyrir leikinn í kvöld og sitja í sæti 7 og 8 í deildinni.

Komiði margblessuð og sæl kæru lesendur Fótbolta.net. Framundan er Inkasso-slagur Hauka og Selfoss!