Valur
4
0
KR
Elín Metta Jensen '43 1-0
Guðrún Karítas Sigurðardóttir '77 2-0
Guðrún Karítas Sigurðardóttir '82 3-0
Elín Metta Jensen '83 4-0
19.06.2018  -  19:15
Origo völlurinn
Pepsi-deild kvenna
Dómari: Bríet Bragadóttir
Maður leiksins: Thelma Björk
Byrjunarlið:
12. Sandra Sigurðardóttir (m)
8. Ásdís Karen Halldórsdóttir ('76)
10. Elín Metta Jensen
11. Hallbera Guðný Gísladóttir (f)
13. Crystal Thomas ('87)
14. Hlín Eiríksdóttir ('84)
17. Thelma Björk Einarsdóttir
18. Málfríður Anna Eiríksdóttir (f)
21. Arianna Jeanette Romero
26. Stefanía Ragnarsdóttir
44. Málfríður Erna Sigurðardóttir

Varamenn:
2. Auður Sveinbjörnsdóttir Scheving (m)
3. Pála Marie Einarsdóttir
6. Mist Edvardsdóttir
9. Margrét Lára Viðarsdóttir
16. Ísabella Anna Húbertsdóttir ('87)
20. Hallgerður Kristjánsdóttir
22. Dóra María Lárusdóttir ('84)
23. Guðrún Karítas Sigurðardóttir ('76)
30. Ragna Guðrún Guðmundsdóttir

Liðsstjórn:
Pétur Pétursson (Þ)
Ásta Árnadóttir
Rajko Stanisic
Thelma Guðrún Jónsdóttir
Margrét Magnúsdóttir

Gul spjöld:

Rauð spjöld:
Leik lokið!
Leiknum er lokið með 4-0 sigri Vals.

Viðtöl og skýrsla koma inn síðar í kvöld
90. mín
Vallarþulurinn búin að tilkynna mann leiksins fyrir Val. Það er Thelma Björk, en hún er búin að stjórna miðjunni fyrir Val og dreifa spilinu mjög vel.
90. mín
NAU! KR virðast ekki vera á þeim buxunum. Flott sending frá vinstri og Betsy fleygir sér fram fyrir varnarmann en nær þessu ekki. Hún hefði eflaust viljað vera 10 cm lengri þá hefði þessi legið inni.
90. mín
Nú virðast allir bara vera að bíða eftir að leikurinn klárist
87. mín
Inn:Ísabella Anna Húbertsdóttir (Valur) Út:Crystal Thomas (Valur)
Síðasta skipting Vals í kvöld
84. mín
Inn:Dóra María Lárusdóttir (Valur) Út:Hlín Eiríksdóttir (Valur)
Dóra María komin inn á. Góð tíðindi fyrir Pepsi deildina að fá þennan geggjaða leikmann! En Dóra sleit krossbönd á Algarve í fyrra og hefur verið frá síðan
83. mín MARK!
Elín Metta Jensen (Valur)
Stoðsending: Stefanía Ragnarsdóttir
Þetta var skrítið! Boltinn lekur af Elínu í markið. Hélt að hún væri rangstæð en svo var ekki og MARK
82. mín
Inn:Sofía Elsie Guðmundsdóttir (KR) Út:Shea Connors (KR)
82. mín MARK!
Guðrún Karítas Sigurðardóttir (Valur)
JÁ ÞVÍLÍK VEISLA
Svakalegt mark!!
Með boltann úti vinstra megin og BAMM, snýr þessu upp í fjærhornið hægra megin. Þvílík fegurð!
80. mín
Crystal með enn einn sprettinn hérna uppi vinstra megin og þetta er hættulegt og fer í gegnum allt. Tijana nær að hreinsa þetta í horn
78. mín
Hjálp!!
Stefanía fær DAUÐAFÆRI! Er allt í einu alein inn í teignum og átti ekki von á þessu eflaust. Nær skoti en það fer framhjá!
Þetta var dauuuðafæri!
77. mín MARK!
Guðrún Karítas Sigurðardóttir (Valur)
Stoðsending: Málfríður Anna Eiríksdóttir
JÁ GLEÐILEG JÓL FRÁ GUÐRÚNU KARITAS

Í hennar fyrstu snertingu fær hún fasta sendingu frá Málfríði Önnu hægra megin. Mætir þessu inn í teig og bombar þessu í fyrsta. Sláin inn!
76. mín
Inn:Guðrún Karítas Sigurðardóttir (Valur) Út:Ásdís Karen Halldórsdóttir (Valur)
Fyrsta skiptingin hjá Val
75. mín
Hallbera þrykkir þessu en þetta fer yfir
75. mín
Brotið á Ásdísi fyrir utan teiginn. Hallbera ætlar að taka þetta
74. mín
Hugrún með aukaspyrnu frá vallarhelmingi KR, þessi fer inn á teig og Sandra grípur þetta auðveldlega
72. mín
Áts. Jóhanna keyrir inn í Crystal. Þetta er líklega óviljaverk en úff, þetta var örugglega ekki þæginlegt. Bríet dæmir aukaspyrnu
70. mín
Þær vilja víti. Hlín nær sendingu inn á teiginn á Ásdísi. Hún stillir fótinn í skot en þá kemur varnarmaður KR á síðustu stundu og sparkar boltanum og Ásdísi burt. Valur heimtar víti en Bríet er alveg handviss. Ekkert víti. Áfram með leikinn.
68. mín
Málfríður Anna fær boltann til baka frá Hlín. Lúðrar þessu inn í og Crystal hoppar hæst og nær ágætis skalla en hann fer framhjá
67. mín
Shea í fjórða skipti rangstæð! Bojana mun boða hana á rangstöðu fund í fyrramál, það er alveg ljóst.
67. mín
Nú vil ég fá fjör í þetta.
66. mín
Hlín með góðan háan bolta inn á teiginn. Crystal tekur hann í fyrsta á lofti og nær skoti. Ingibjörg ver þetta vel
64. mín
Valur á gott spil og þær enda á því að spila honum á milli sín inn í teignum. Stefanía fær svo alveg prýðilegt færi og ætlar að snúa þessum í fjærhornið hægra megin. Ingibjörg ver þetta mjög vel og nær að skutla þessu frá. Ver það í horn.
62. mín
Inn:Katrín Ómarsdóttir (KR) Út:Gréta Stefánsdóttir (KR)
Það er önnur skipting hjá KR. Katrín kemur inná. Katrín verður þá fremst á miðjunni sýnist mér og Mia færir sig út til hægri.

Nú verður Katrín að stíga upp og gefa KR kraft framm á við!
62. mín
Ég er enn á lífi engar áhyggjur.
58. mín
Hressileg tækling hjá Jóhönnu á Crystal. Hún lætur allavegana vita að þær eru á lífi, vel gert!
57. mín
Inn:Mónika Hlíf Sigurhjartardóttir (KR) Út:Fanney Einarsdóttir (KR)
Fyrsta skipting leiksins. Mónika kemur inn á vinstri kantinn fyrir Fanney.
55. mín
KR með ágæta sókn. Betsy finnur Miu. Þetta höfum við séð áður í leiknum en þetta fjarar út í sandinn. Það vantar hjálp frá Sheu, hún er alveg týnd
53. mín
Hlín leikur sér að Tijönu uppi hægri kantinn, sirka fjórum sinnum og nær góðri sendingu út í teig og Elín með hlaup á nær stöng og reynir að snúa þennan á markið en fer yfir.
52. mín
Ef einhver er með hroll í stúkunni þá sýnist mér að það sé hægt að leita til Gullu liðstjóra KR. Hún er í sirka fjórum úlpum sýnist mér
50. mín
Crystal með boltann úti vinstri, fyrir áhugasama hefur hún skipt um hárband, það ruglaði mig allavegana aðeins. Boltinn berst á Ásdísi, hún leitar af skotinu og finnur glufu, rétt fyrir utan teig. Smeygir þessum svo yfir vinkilinn hægra megin, þetta var virkilega fín tilraun og Ingibjörg hefði held ég ekki varið þennan!
48. mín
Crystal með hornspyrnu, beint á hausinn á Hlín, boltinn berst aftur á Crystal sem er með skemmtilegan bananabolta inná teig. Þar lúrir Fríða og nær góðum skalla en yfir markið! Þetta var svakalegt færi hjá Val
48. mín
NAU! þetta var hættulegt, hornspyrna hjá Hugrúnu beint á hausinn á Betsy. Söndru virðist bregða og nær að kýla þetta frá! Þarna skall hurð nærri hælum!!
46. mín
Mia gerir vel úti hægra megin og vinnur hornspyrnu
46. mín
Sýnist engar breytingar hafa orðið í hálfleik fljótt á litið.
46. mín
Leikur hafinn
KR byrjar! Áfram gakk
45. mín
Ég þarf að vera komin í stærð 38 fyrir morgundaginn svo ég fékk mér ekki hamborgara og er mætt til leiks.

Vonandi fyrir ykkur hin var hann mjög góður
45. mín
Hálfleikur
Það er komin hálfleikur hér á Valsvelli. Verðskulduð staða, það verður að segjast.

Sjóðheitir Fálkaborgarar í hálfleik. Já ég hef heyrt verri hugmyndir.

Brb. Be right back einsog þeir segja.
45. mín
Ingibjörg með langan bolta fram. Mia fer upp í þetta og boltinn skoppar áfram, þar er enginn samherji tilbúin að taka við honum og Valur vinnur þetta
43. mín MARK!
Elín Metta Jensen (Valur)
Stoðsending: Crystal Thomas
MARK!!
Þetta lá í loftinu.
Crystal labbar framhjá varnarmönnum KR úti við vítateigshornið vinstra megin og nær skoti. Það er blautt gervigrasið og hann skýst áfram. Ingibjörg ver þetta en missir þetta frá sér og þar er enginn önnur en Elín mætt og klárar þetta í hægra hornið!!
Ingibjörg verður bara að halda þessum bolta, þetta er allavegana ekki í boði þegar Elín Metta er í nágrenninu.
42. mín
Shea framherji KR verður að vera í meiri takt við leikinn. Betsy er að vinna vel á miðjunni og leitar að samherja en hefur engan. Hún verður bara að vera sýnilegri
40. mín
Valur liggur á KR vörninni núna, ætla sér að ná marki fyrir hálfleik
40. mín
Stórhættuleg hornspyrna. Ingibjörg flýgur út í hann og ætlar að kýla þetta burt. Fríða nær skalla en KR nær að hreinsa áður en þetta svífur í markið!!
38. mín
Þórunn nær skoti á markið, þetta er of laust skot og var svolítið hvatvísi að reyna þetta strax. KR var búið að halda boltanum vel og þurfa að vera þolinmæðari
37. mín
Gott spil hjá Val, Stefanía ætlar svo að stinga honum inn fyrir en þetta er misheppnuð sending og endar hjá Ingibjörgu.
Valskonum hefur ekki tekist að opna vörn KR þrátt fyrir að það sé töluverður gæðamunur á liðunum.
36. mín
Ásdís Karen með boltann, allt opið úti hægra megin. Hlín bíður eftir boltanum í hlaupalínunni en sendingin kemur of seint!
35. mín
Þetta var ágætt hjá KR. Náðu upp góðu spili á milli sín en vantar herslumuninn á síðasta þriðjung
33. mín
Valur er meira með boltann þessa stundina og er að fikra sig áfram. Þrátt fyrir að vera búnar að vera meira með boltann hafa þær ekki náð að skapa sér nein dauðafæri.
30. mín Gult spjald: Betsy Hassett (KR)
29. mín
Já!!!
Þetta var alls ekki galin hugmynd hjá KR. Þórunn nær sendingu á Betsy sem spilar honum á Fanney. Hún er 10 metra fyrir utan teig og sér að Sandra er framarlega. Ákveður bara að lúðra þessu á markið! Rétt yfir
28. mín
KR færir sig framan á völlinn, Tijana fær boltann úti vinstra megin. Þrykkir þessu bara beinustu leið upp í loft og vonar það besta! Þetta er skrítin tilraun og KR verður að sýna meiri viðleitni ef þær ætla að eiga séns í kvöld.
28. mín
LÚMSKUR!
Ásdís Karen sveigir þetta yfir vegginn og yfir í fjærhornið!
Ingibjörg rétt nær að blaka þessu rétt yfir!!
Þetta var hættulegt, góð tilraun!
27. mín
Brotið á Val rétt fyrir utan teig. Ásdís Karen ætlar að taka þetta. Þetta er á stórhættulegum stað!
26. mín
Ásdís Karen á góða sendingu á Hlín út til hægri. Hlín og Málfríður spila boltanum vel á milli sín úti hægra megin og Hlín með slaka sendingu út í teiginn svo þetta rennur út í sandinn.
24. mín
Betsy og Mia spila vel sín á milli þegar KR vinnur boltann, boltinn berst á Sheu. Þarna verður hún að vera sterkari og mæta betur boltanum.

Valur byrjar enn eina sóknina

Þetta verður langt kvöld fyrir KR inga ef þær elta svona boltann í allt kvöld. Þær er mjög langt á milli leikmanna og þær verða að tengja betur saman!
22. mín
Brotið á Tijönu. Tijana tekur sjálf aukaspyrnuna hérna uti vinstra megin á vallarhelmingi KR.
Þetta fer yfir alla og beint á Söndru.

Valur byggir upp enn eina sókn
21. mín
Crystal tekur þetta bara sjálf, en þetta fór langt langt yfir
20. mín
Brotið á Crystal rétt fyrir utan teig, þetta er á hættulegum stað!
17. mín
Þórunn með góða sendingu út til vinstri inn á Miu, Mia nær góðri sendingu fyrir sem endar með skoti frá Fanney en endar í hornspyrnu Þetta var hættuleg skyndisókn frá KR eftir að Ásdís átti klaufalega sendingu eftir á Crystal og KR náði að sækja hratt
16. mín
KR dæmdar rangstæðar í þriðja skiptið, þegar boltinn kemur langur á Miu.
15. mín
Crystal með hornspyrnu. Skoppar yfir allan pakkann og Gréta nær að koma þessu frá. Valskonur byggja upp aðra sókn
15. mín
ELín gerir vel úti vinstra megin, snýr á varnarmenn og nær sendingu niðri í teiginn. KR nær að bægja hættunni frá. Hornspyrna!
13. mín
Valskonar eru að byggja upp sókn, halda boltanum vel sín á milli hérna. Kemur svo löng sending fram en Ingibjörg grípur inn í hérna
12. mín
Leikurinn farin aftur af stað
11. mín
Góð sending upp vinstra megin á Crystal sem ætlar að gefa hann inn í en þetta fer í bakið á Jóhönnu og útaf.

Leikurinn stopp, verið að hlúa að Miu framherja KR.
10. mín
Hlín með góða sendingu inn í teiginn eftir að hafa labbað fram hjá Tijönu á hægri vængnum. Ásdís ætlar að bomba þessu í fyrsta en kiksar hann!
Æ þetta var klaufalegt
9. mín
HÆTTULEGT FÆRI!
Ásdís Karen með fyrirgjöf, Elín Metta nær að vinna sér pláss inn í teignum og nær skoti rétt framhjá vinstri stönginni!!
Ef þessi hefði hitt á markið hefði Ingibjörg ekki átt séns.
8. mín
KR hinsvegar í 4-4-2 með
Tijönu í vinstri bakverði og Lilja og Hugrún í miðri vörninni með Jóhönnu hægra megin.
Betsy og Þórunn Helga eru á miðjunni með Fanneyju og Grétu á köntunum.
Shea og Mia frammi
5. mín
Lið Vals er þannig að
Ariana-Málfrríður og Málfríður eru í miðri vörninni.
Hallbera og Hlín í væng bakverði.
Stefanía og Thelma Björk á miðjunni með Ásdísi fyrir framan sig.
Frammi eru svo Elín Metta og Crystal vinstra megin.
4. mín
Elín sleppur upp hægra megin og á sendingu fyrir en Jóhanna nær að fleygja sér fyrir þetta og þetta rennur út í sandinn.
3. mín
KR byrjar leikinn af krafti.
2. mín
Fyrir leikinn var einna mínútu þögn þegar Lárusar Ögmundssonar var minnst og spilar Valur með sorgarbönd í dag. Hann var pabbi Dóru Maríu og Sigurðar Egils sem bæði leika með Val.
Fótbolti.net vottar fjölskyldunni dýpstu samúð.
1. mín
Leikur hafinn
Þetta er byrjað.Valur byrjar með boltann!
Fyrir leik
Valur á skilið mikið hrós! Buðu fyrrverandi leikmönnum KR og Vals í fimm stjörnu kokteilpartí og gómsætar veitingar í Fjósinu fyrir leik. Þvílík stemming og þetta mættu fleiri lið taka sér til fyrirmyndar!
Geggjað
Fyrir leik
Viðarsdæturnar Elísa og Margrét leika listir sínar hér út á velli. Verður gaman þegar þær verða tilbúnar í slaginn aftur.

Katrín Ómars, aðstoðarþjálfari og leikmaður KR, hefur samkvæmt mínum heimildum náð sér af tognum sem hún varð fyrir í leik gegn Blikum og er á bekk KR í kvöld. Ekki hverfandi líkur á því að hún spreyti sig eitthvað í þessum leik í kvöld, KR þarf á henni að halda.
Fyrir leik
Byrjunarliðin eru komin í hús!

Valur gerir eina breytingu, Pála Marie út og Ásdís Karen inn.

Bojana er hinsvegar öllu djarfari hjá KR og gerir 3 breytingar.
Ingibjörg kemur í markið í stað Hrafnhildar.
Lilja Dögg er komin heim frá útlöndum og kemur í byrjunarliðið sem og Fanney. Fanney er lánsmaður frá Breiðablik.
Út detta þær Ingunn og Mónika.

Fyrir leik
Valur hefur ekki átt í neinum vandræðum með það að skora mörk í sumar. Elín Metta er komin með 5 mörk og Ásdís Karen sem skipti einmitt frá KR yfir í Val í sumar er komin með 4 mörk.

KR hefur hinsvegar átt í verulegu basli við það að koma boltanum í netið og er aðeins komin með 2 stykki í sumar.

Það verður fróðlegt að fylgjast með liðunum í kvöld.
KR verður að fara skipta um gír ef þetta á ekki að enda illa. En liðið er væntanlega hungrað í sigur og vel það þar sem síðasti sigur kom í fyrstu umferð á móti Selfossi.

Valur hefur verið á blússandi siglingu og þarf einnig á sigri að halda til að halda í við Breiðablik og Þór/KA.
Fyrir leik
Það er kominn tími á leik í deildinni og vel það en síðasti leikur í deildinni var spilaður í lok maí!

Þá gerði Valur góða ferð til Eyja og vann ÍBV 3-1. KR hinsvegar tók á móti Blikum og tapaði 2-0.
Fyrir leik
Góða kvöldið og velkomin í beina textalýsingu frá Origo vellinum frá leik Vals og KR í 6.umferð Pepsideildarinnar

Valur situr í 3.sæti með 12 stig, þremur stigum frá toppliði Þór/KA en Breiðablik er einnig með 15 stig í 2. sæti.

Það hefur hinsvegar gengið erfiðlega fyrir KR í sumar að ná sér í stig. Þær sitja í 8.sæti með 3 stig, jafnmörg stig og liðin sem eru í fallsætunum HK/Víkingur og FH.


Byrjunarlið:
29. Ingibjörg Valgeirsdóttir (m)
Hugrún Lilja Ólafsdóttir
Mia Gunter
4. Shea Connors ('82)
8. Fanney Einarsdóttir ('57)
10. Betsy Hassett
11. Gréta Stefánsdóttir ('62)
16. Lilja Dögg Valþórsdóttir
17. Jóhanna K Sigurþórsdóttir
20. Þórunn Helga Jónsdóttir
21. Tijana Krstic

Varamenn:
1. Hrafnhildur Agnarsdóttir (m)
3. Ingunn Haraldsdóttir
8. Katrín Ómarsdóttir ('62)
19. Sofía Elsie Guðmundsdóttir ('82)
21. Mónika Hlíf Sigurhjartardóttir ('57)
25. Freyja Viðarsdóttir

Liðsstjórn:
Bojana Besic (Þ)
Margrét María Hólmarsdóttir
Anna Birna Þorvarðardóttir
Guðlaug Jónsdóttir
Sædís Magnúsdóttir
Hildur Björg Kristjánsdóttir
Kristján Finnbogi Finnbogason

Gul spjöld:
Betsy Hassett ('30)

Rauð spjöld: