Haukar
2
5
Þróttur R.
0-1 Viktor Jónsson '19
0-2 Daði Bergsson '42
Indriði Áki Þorláksson '50 1-2
1-3 Viktor Jónsson '61
1-4 Ólafur Hrannar Kristjánsson '71
Daníel Snorri Guðlaugsson '84 2-4
2-5 Viktor Jónsson '89
21.06.2018  -  18:30
Ásvellir
Inkasso deildin - 1. deild karla
Aðstæður: Gamli góði andvarinn á Blásvöllum og góð úrkoma.
Dómari: Helgi Mikael Jónasson
Áhorfendur: 60 manns. Aðeins þeir hörðustu!
Maður leiksins: Viktor Jónsson (Þróttur R.)
Byrjunarlið:
1. Jökull Blængsson (m)
Indriði Áki Þorláksson
4. Ísak Atli Kristjánsson
5. Arnar Steinn Hansson
6. Gunnar Gunnarsson (f)
8. Þórhallur Kári Knútsson
11. Arnar Aðalgeirsson ('77)
13. Aran Nganpanya
17. Daníel Snorri Guðlaugsson
21. Alexander Helgason
22. Davíð Ingvarsson

Varamenn:
12. Óskar Sigþórsson (m)
6. Þórður Jón Jóhannesson ('77)
7. Haukur Ásberg Hilmarsson
14. Birgir Þór Þorsteinsson
16. Birgir Magnús Birgisson
26. Álfgrímur Gunnar Guðmundsson
28. Haukur Björnsson

Liðsstjórn:
Kristján Ómar Björnsson (Þ)
Hilmar Rafn Emilsson
Árni Ásbjarnarson
Þórður Magnússon
Valdemar Geir Gunnarsson
Ríkarður Halldórsson

Gul spjöld:
Þórhallur Kári Knútsson ('38)

Rauð spjöld:
Leik lokið!
Helgi flautar til leiksloka. Mjög svo sanngjarn sigur Þróttara hér á teppinu á Blásvöllum. Viktor Jónsson með sýningu sem Haukar réðu ekkert við.

Ég þakka fyrir mig.

Skýrsla og viðtöl koma seinna í kvöld.
89. mín MARK!
Viktor Jónsson (Þróttur R.)
Stoðsending: Guðmundur Friðriksson
MAAAARK!

Þróttarar gernegla þetta hérna og Viktor Jóns innsiglar þrennuna. Guðmundur vinnur boltann af Davíð Ingvars og sendir boltann inn fyrir þar sem Viktor er aleinn í gegn, Jökull kemur á móti og Viktor fer fram hjá honum og leggur boltann í autt markið. Kjöldrögn!
88. mín
Haukar pressa stíft og reyna að klóra í bakkann en þetta virðist vera að renna frá þeim.
84. mín MARK!
Daníel Snorri Guðlaugsson (Haukar)
Stoðsending: Aran Nganpanya
MAAAARK!

Haukar minnka muninn en það er líklega of lítið og of seint.

Aran með fyrirgjöf frá vinstri þar sem boltinn dettur til Daníels Snorra sem potar boltanum fram hjá Arnari Darra.
81. mín
Dauðafæri hjá Þrótturum.

Daði Bergsson fær sendingu í gegn frá varamanninum Kristófer en Jökull ver vel í marki Hauka.
78. mín
Ágætis færi hjá Haukum. Daníel Snorri fær boltann á vítateigslínunni og hann tekur boltann á lofti en hittir hann illa og boltinn rúllar fram hjá.
77. mín
Inn:Kristófer Konráðsson (Þróttur R.) Út:Ólafur Hrannar Kristjánsson (Þróttur R.)
Síðasta skipting Þróttara.
77. mín
Inn:Þórður Jón Jóhannesson (Haukar) Út:Arnar Aðalgeirsson (Haukar)
Fyrsta skipting Haukamanna.
76. mín
Haukar sækja enda þurfa þeir mörk og það strax. Gengur samt lítið sem ekkert.
71. mín MARK!
Ólafur Hrannar Kristjánsson (Þróttur R.)
Stoðsending: Viktor Jónsson
MAAAARK!

Þróttarar eru að gera út úm leikinn hérna. Langur bolti sem Gunnar Gunnarsson virðist vera með alveg á hreinu en Viktor Jóns var ekki á sama máli og elti hann uppi hirti af honum boltanumm og lagði hann svo á félaga sinn í framlínunni sem gat ekki annað en skorað. Game over.
69. mín Gult spjald: Rafn Andri Haraldsson (Þróttur R.)
68. mín
Annars er lítið að gerast í þessum leik þessa stundina og það virðist vera að bæta aðeins í vindinn og úrkomuna.
66. mín
Ég sé að vinur minn hann Konni er hæstánægður með stöðuna en hann er að sjálfsögðu mættur í stúkuna. Undirritaður og Konni elduðu grátt silfur saman hér á Ásvöllum fyrir rúmlega 10 árum síðan en það verður ekki farið nánar hér út í það.
64. mín
Inn:Jasper Van Der Heyden (Þróttur R.) Út:Aron Þórður Albertsson (Þróttur R.)
61. mín MARK!
Viktor Jónsson (Þróttur R.)
Stoðsending: Rafn Andri Haraldsson
MAAARK!

Þróttarar eru komnir aftur með tveggja marka forystu. Rafn Andri með aukaspyrnu rétt fyrir framan miðju, hár bolti inn í teiginn þar sem Viktor Jóns rís hæst í teignum og skallar boltann í markið. 3-1 Þróttur!
58. mín
Lítið að gerast í þessu eins og er. Haukar samt meira með boltann og pressa stíft.
54. mín
Þróttarar aftur í færi. Aron Þórður kemst einn gegn Jökli hægra megin í teignum og á skot sem Jökull ver í þverslánna! Þróttarar fá svo tvö horn í kjölfarið en ekkert verður úr þeim.
51. mín
Dauðafæri hjá Þrótturum! Viktor Jóns einn og óvaldaður í teignum eftir fyrirgjöf frá hægri en hann skallar boltann yfir! Þarna hefðu Þróttarar getað svarað strax.
50. mín MARK!
Indriði Áki Þorláksson (Haukar)
Stoðsending: Daníel Snorri Guðlaugsson
MAAAAARK!

Þetta er leikur! Daníel Snorri með aukaspyrnu frá vinstri þar sem Indriði Áki rís eins og fönix í teignum og skallar boltann í netið.
48. mín
Haukar byrja af krafti, fá hornspyrnu þar sem Gunnar Gunnarsson á góða tilraun að marki en Þróttarar bjarga á línu!
46. mín
Inn:Birkir Þór Guðmundsson (Þróttur R.) Út:Finnur Tómas Pálmason (Þróttur R.)
46. mín
Leikur hafinn
Búið að flauta á síðari hálfleikinn hérna á Blásvöllum. Haukar leika með vindi hér í seinni og ekki veitir þeim af smá meðvind miðað við stöðuna í leiknum.
45. mín
Hálfleikur
Helgi Mikael flautar til hálfleiks hér á Blásvöllum. Sanngjörn 2-0 forysta Þróttara í hálfleik. Gulli Jóns getur verið mjög ánægður með fyrri hálfleikinn hjá sínum mönnum en kollegi hans hinu megin, Kristján Ómar, lætur líklega sína menn aðeins heyra það fyrir frammistöðu sína í fyrri hálfleik.
45. mín
Þróttarar halda bara áfram að ógna. Viktor Jóns keyrir á Arnar Stein og vinnur hornspyrnu. Það verður þó ekkert úr henni.
44. mín Gult spjald: Hlynur Hauksson (Þróttur R.)
42. mín MARK!
Daði Bergsson (Þróttur R.)
Stoðsending: Viktor Jónsson
MAAAAAARK!

Frábært spil hjá Þrótturum þar sem Ólafur Hrannar og Viktor Jónsson tættu í sig vörn Hauka með góðu samspili. Daði kom svo í þriðja hlaupið og renndi Viktor boltanum á hann og Daði gerði engin mistök og smellti boltanum fram hjá Jökli í marki Hauka. 2-0 Þróttur.
39. mín
VÓÓÓ!

Indriði Áki með frábæra tilraun. Skýtur boltanum í samskeytin af 25 metrum með svokölluðum Bend it like Beckham snúningi. Skagamaðurinn óheppinn þarna!
38. mín Gult spjald: Þórhallur Kári Knútsson (Haukar)
Stoppar skyndisókn. Aftur rétt hjá Helga.
36. mín
Haukar ná loksins að halda boltanum aðeins innan síns liðs. Boltinn er færður frá vinstri til hægri þar sem Þórhallur Kári er, hann á fyrirgjöf sem verður að ágætis marktilraun en Arnar Darri blakar boltanum yfir.
33. mín
Á meðan gengur lítið upp í sóknarleik Hauka. Alexander Helgason kemst upp að endamörkum og chippar svo boltanum beint í lúkurnar á Arnari Darra. Lítið að frétta hjá Haukum þennan fyrsta hálftíma.
32. mín
Daði Bergsson með fína tilraun eftir fyrirgjöf frá hægri en hann þrumar boltanum á lofti fram hjá markinu.
31. mín
Þróttarar fá aukaspyrnu við hliðarlínuna hægra megin. Rafn Andri tekur hana og þrumar henni frekar lágt inn á teiginn þar sem boltinn dettur manna á milli áður en Þróttarar eiga skot sem fer í innkast.
28. mín
Davíð Ingvarsson með fínan sprett á vinstri kantinum, kemur sér í fínt skotfæri en skot hans fer fram hjá markinu. Hættulegasta færi Hauka til þessa.
27. mín
Þróttarar ætla samt ekkert að hleypa Haukum inn í leikinn á halda áfram að pressa á heimamenn. Gulli Jóns getur verið mjög sóttur við byrjunina hjá sínum mönnum.
25. mín
Haukar hafa aðeins bitið í skjaldarenndur eftir markið en hafa ekki náð að skapa sér neitt.
19. mín MARK!
Viktor Jónsson (Þróttur R.)
MAAAARK!

Fyrsta markið er komið Viktor Jónsson gerir það. Daði Bergsson með frábært einstaklingsframtak á vinstri kantinum, fíflar Ísak Atla upp úr skónum og kemst upp að endamörkum og kemur boltanum fyrir markið þar sem hann endar á að detta til Viktors sem er eins og gammur í teignum og potar boltanum inn. 1-0 fyrir Þrótti og það verðskuldað!
16. mín
Haukar fá sína fyrstu hornspyrnu. Úr henni verður mikill darraðadans sem endar með því að Indriði Áki á skot yfir. Fyrsta tilraun heimamanna.
15. mín
Þróttarar með yfirhöndina hérna fyrsta korterið en vantar herslumuninn til að skapa sér alvöru marktækifæri.
12. mín
Þróttarar dæla boltanum mikið inn í teig Haukamanna til að byrja með. Eftir eina fyrirgjöf dettur boltinn fyrir Aron Þórð sem á skot beint á Jökul.
10. mín Gult spjald: Aron Þórður Albertsson (Þróttur R.)
Aron Þórður Albertsson fær fyrsta gula spjald leiksins. Tekur eina af gamla skólanum aftan í Aran. Hárrétt hjá Helga.
9. mín
Haukar hafa aðeins komist meira í boltann síðustu mínútur en lítið ógnað. Rólegt yfir þessu eins og er.
5. mín
Þróttarar setja mikla pressu á heimamenn hérna í byrjun sem hafa varist fimlega hingað til.
1. mín
Þróttarar eiga fyrsta hálf færið. Viktor Jóns með skalla í teignum eftir fyrirgjöf frá vinstri en Jökull grípur lausan skalla Viktors.
1. mín
Leikur hafinn
Helgi Mikael flautar til leiks!
Fyrir leik
Það er nánast hægt að telja áhorfendur á fingrum annarrar handar hérna í hinni víðfrægu tréstúku á Blásvöllum. Skrýtinn leiktími verður að segjast, líklega hálf þjóðin að fylgjast með leik Króatíu og Argentínu í riðli Íslands á HM.
Fyrir leik
Liðin hafa bæði lokið upphitun og hafa haldið til búningsherbergja. 10 mínútur í leik.
Fyrir leik
Byrjunarliðin eru mætt í hús! Haukar gera þrjár breytingar á liði sínu frá síðasta leik. Þórhallur Kári, Arnar Steinn og Alexander Helgason koma inn fyrir Birgi Magnús, Hauk Ásberg og Elton Livramento Barros. Þróttara gera eina breytingu frá sigrinum á móti Selfoss. Hlynur Hauksson kemur inn fyrir Árna Þór Jakobsson.
Fyrir leik
Fyrrum leikmaður Hauka, Guðjón Pétur Lýðsson, er spámaður .net fyrir þessa 7.umferð í Inkasso deildinni og spáir hann heimamönnum sigri á teppinu í dag.

Haukar 2 - 1 Þróttur R. (klukkan 18:30 annað kvöld)
Mínir menn á teppinu munu komast í 2-0 en sofna svo á verðinum í lokin og Þróttur setur smá spennu í þetta, en Haukar fagna því að von sé á erfingja hja Gunnari Gunnarssyni með stæl.
Fyrir leik
Bæði þessi lið spiluðu einnig í Inkasso deildinni í fyrra. Haukar höfðu betur í fyrri leik liðanna á síðustu leiktíð á heimavelli Þróttara, 1-2. Liðin gerðu svo markalaust jafntefli í síðari umferðinni á Ásvöllum.
Fyrir leik
Í síðustu umferð töpuðu Haukar fyrir Frömurum á Laugardalsvelli, 3-1, á meðan Þróttarar gerðu góða ferð austur fyrir fjall og unnu góðan útisigur á heimamönnum í Selfoss, 0-1.
Fyrir leik
Hér í veðurblíðunni á Ásvöllum má búast við hörkuleik en bæði þessi lið hafa safnað 10 stigum í sinn sekk fyrir leikinn í dag og sitja þau í sjötta og sjöunda sæti deildarinnar, Haukar í því sjötta og Þróttara þá í því sjöunda.
Fyrir leik
Góðan daginn og verið hjartanlega velkomin á þessa beinu textalýsingu frá Ásvöllum þar sem heimamenn í Haukum taka á móti Reykjavíkur Þrótturum.
Byrjunarlið:
Arnar Darri Pétursson
2. Finnur Tómas Pálmason ('46)
4. Hreinn Ingi Örnólfsson (f)
7. Daði Bergsson (f)
8. Aron Þórður Albertsson ('64)
9. Viktor Jónsson
10. Rafn Andri Haraldsson
10. Ólafur Hrannar Kristjánsson ('77)
14. Hlynur Hauksson
19. Karl Brynjar Björnsson (f)
23. Guðmundur Friðriksson

Varamenn:
12. Sindri Geirsson (m)
3. Árni Þór Jakobsson
6. Birkir Þór Guðmundsson ('46)
11. Emil Atlason
11. Jasper Van Der Heyden ('64)
15. Víðir Þorvarðarson
18. Vilhjálmur Kaldal Sigurðsson
26. Kristófer Konráðsson ('77)

Liðsstjórn:
Gunnlaugur Jónsson (Þ)
Þórhallur Siggeirsson (Þ)
Jóhann Gunnar Baldvinsson
Valgeir Einarsson Mantyla
Jamie Paul Brassington
Gauti Kristjánsson

Gul spjöld:
Aron Þórður Albertsson ('10)
Hlynur Hauksson ('44)
Rafn Andri Haraldsson ('69)

Rauð spjöld: