Það er búið að redda markinu, Valdimar Pálsson dómari flautar leikinn á.

Leikmenn KA byrja leikinn af fullum krafti og setja strax mikla pressu á leikmenn Fjarðabyggðar sem bakka allir aftur fyrir bolta.

Heimamenn stjórna spilinu en hafa ekki náð að koma sér í nægilega góð marktækifæri, Fjarðabyggð treysta á skyndisóknir og hafa fengið nokkur tækifæri til þess en spil þeirra ekki gengið upp.

Aukaspyrna dæmt rétt vinstra megin við vítateigsboga Fjarðabyggðar um tvo metra fyrir utan teiginn. Brian Gilmour á glæsilega aukaspyrnu yfir vegginn en Gunnar Smári Agnarsson í markinu ver, þetta var það sem menn kalla sjónvarpsmarkvarsla enda boltinn á leið ofarlega í hornið. Virkilega vel gert!

Gunnar Smári var ekki jafn gáfulegur þarna, auðveldur hár bolti sem hann kýlir frá í stað þess að grípa. Boltinn endar hjá Bjarka Baldvins sem á skot rétt framhjá markinu.

Gengur ekki nægilega vel hjá leikmönnum Fjarðabyggðar að halda boltanum þegar þeir ná að komast í hann, þetta verður erfiður leikur hjá þeim ef þeir ná ekki að laga það.

Leikmenn KA halda áfram að stjórna leiknum en það gengur lítið hjá þeim að finna leið í gegnum þétta vörn Fjarðabyggðar sem komast allt í einu í skyndisókn. Víkingur Pálmason kemst í gott færi rétt við markteiginn en hittir boltann ekki nægilega vel og heimamenn koma boltanum frá.

Hallgrímur Mar Steingrímsson og Bjarki Baldvinsson eiga gott spil í vítateig Fjarðabyggðar en eiga erfitt með að koma sér í skotfæri. Bjarki lætur vaða á endanum en boltinn fer af varnarmanni í horn, ekkert verður úr horninu.

Það er ekki annað hægt en að hrósa leikmönnum Fjarðabyggðar fyrir varnarleik sinn hingað til í leiknum. Eru þéttir fyrir, vel skipulaggðir og vinnusamir enda hafa leikmenn KA ekki enn komist í almennileg færi.

Valdimar Pálsson flautaði leikinn af á slaginu. KA menn áttu algjörlega fyrri hálfleikinn en Fjarðarbyggð áttu samt sem áður besta færið.

Seinni hálfleikur hefst, við viljum mörk!

David Disztl skallar framhjá markinu eftir sendingu fyrir af vinstri vængnum frá Hallgrími.

Seinni hálfleikur byrjar í takt við þann fyrri, Fjarðabyggð aftarlega og þéttir fyrir á meðan heimamenn eru með boltann að reyna að finna leið í gegnum fjöldann.

Jóhann Helgason með skot rétt fyrir utan teig en Gunnar Smári varði vel, varnarmenn Fjarðabyggðar komu svo boltanum frá.

Nú er komið að David Disztl, hann fær boltann fyrir rétt fyrir utan teig og á skot sem fer af varnarmanni og heimamenn frá horn. Spyrnan virðist vera á leið beint í dangið á Gunnari í markinu sem ákveður aftur að nota hnefann og það klikkar hressilega en hann sleppur aftur. Hann er að leika sér að eldi hérna, ætti að íhuga það að hætta þessum kýlingum.

Þessi leikur er ekki að fara að fá nein verðlaun hingað til... nettur Groundhog Day fílingur í þessu öllu saman.

Jóhann Helgason með tvö skot í röð, Gunnar ver fyrsta og það seinna fer rétt yfir markið.

Gunnar Valur Gunnarsson á skalla í slá eftir hornspyrnu, þessi leikur er heldur betur að lifna við!

Leikmenn Fjarðabyggðar færa sig aðeins framar, þeir verða að ná að lauma inn marki en þeir hafa ekki átt skot að marki KA í seinni hálfleiknum.

Víti! KA fær víti eftir að David Disztl var tæklaður niður en þar var á ferð Haukur Ingvar Sigurbergsson. Brian Gilmour mætir á svæðið til að taka vítið.