Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
2
0
Tindastóll
Bjarni Gunnarsson '26 1-0
Þórir Guðjónsson '71 2-0
21.06.2012  -  20:00
Fjölnisvöllur
1. deild karla
Aðstæður: Blautur völlur og logn.
Dómari: Þórður Már Gylfason
Maður leiksins: Þórir Guðjónsson (Fjölnir)
Byrjunarlið:
3. Bergsveinn Ólafsson (f)
3. Illugi Þór Gunnarsson
9. Bjarni Gunnarsson
9. Þórir Guðjónsson
15. Haukur Lárusson
29. Guðmundur Karl Guðmundsson ('39)

Varamenn:
7. Viðar Ari Jónsson ('39)
10. Aron Sigurðarson ('77)

Liðsstjórn:

Gul spjöld:
Bergsveinn Ólafsson ('24)

Rauð spjöld:
Fyrir leik
Góða kvöldið! Hér verður bein textalýsing úr Grafarvogi þar sem Fjölnir og Tindastóll eigast við í fyrstu deild karla.
Fyrir leik
Heimamenn eru með tólf stig í þriðja sæti deildarinnar fyrir leikinn og geta með sigri eða jafntefli skotist á toppinn að minnsta kosti um stundarsakir. Tindastólsmenn eru aftur á móti með sjö stig í sjöunda sætinu.
Fyrir leik
Þórður Már Gylfason dæmir leikinn í kvöld en hann hefur fengið talsverða gagnrýni eftir frammistöðu sína í 2-2 jafntefli Þórs og ÍR um síðustu helgi. Þar rak Þórður Már meðal annars Jóhann Helga Hannesson framherja Þórs ranglega af velli.
Fyrir leik
Völlurinn er blautur, það er logn og sól á lofti. Toppaðstæður í Grafarvogi!
Fyrir leik
Fjölnismenn gera eina breytingu á liði sínu síðan í markalausa jafnteflinu gegn Leikni í síðustu viku, Ómar Hákonarson kemur í fremstu víglínu í staðinn fyrir Ágúst Örn Arnarson.

Loftur Páll Eiríksson er ekki með Tindastóli í dag og í hans stað kemur Arnar Skúli Atlason í hægri bakvörðinn en hann tók út leikbann í 3-1 sigrinum á Víkingi R. um síðustu helgi.
Fyrir leik
Arnar Sigurðsson er í leikmannahópi Tindastóls í fyrsta skipti í dag eftir að hafa misst af byrjun tímabilsins vegna meiðsla. Arnar fór á kostum í annarri deildinni með Stólunum í fyrra þar sem hann skoraði þrettán mörk.
Fyrir leik
Leikurinn er hafinn!
Fyrir leik
Fjölnismenn hafa verið sprækari í byrjun en Tindastólsmenn fá fyrsta færið. Steinar Örn Gunnarsson markvörður Fjölnis hittir boltann illa, Stólarnir sækja hratt í kjölfarið og Theo Furness fær færi en skot hans fer í hliðarnetið úr nokkuð þröngri stöðu. Theo hefði jafnvel átt að senda boltann frekar þarna.
13. mín
Þórir Guðjónsson á hörkuskot úr aukaspyrnu en Seb Furness, einn þriggja meðlima úr Furness fjölskyldunni í liði Tindastóls, ver örugglega.
16. mín
Fjölnismönnum hefur gengið illa að ná góðum fyrirgjöfum í byrjun leiks. Þeir komast í fína stöðu á kantinum en koma boltanum ekki inn á teiginn.
24. mín Gult spjald: Bergsveinn Ólafsson (Fjölnir)
Bergsveinn kallar ekki allt ömmu sína og hann fær gula spjaldið hjá Þórði Má dómara fyrir að ,,strauja" Theo Furness á hægri kantinum.
26. mín MARK!
Bjarni Gunnarsson (Fjölnir)
Fjölnismenn komast yfir með marki eftir fyrirgjöf. Bjarni fékk boltann á vinstri kantinum og skrúfaði boltanninn að marki. Boltinn fór framhjá öllum á teignum og í fjærhornið framhjá varnarlausum Seb Furness í markinu.
27. mín
Fjölnismenn fara ótroðnar slóðir þegar kemur að lagavali þeagr mörk eru skoruð en ,,Stattu upp" með Bláum Ópal hljómaði í græjunum í Grafarvogi eftir markið hjá Bjarna.
30. mín
Illugi Þór Gunnarsson á þrumuskot úr aukaspyrnu en boltinn fer rétt framhjá.
34. mín
Inn:Árni Arnarson (Tindastóll) Út:Árni Einar Adolfsson (Tindastóll)
Fyrirliði Tindastóls haltar meiddur af velli.
39. mín
Inn:Viðar Ari Jónsson (Fjölnir) Út:Guðmundur Karl Guðmundsson (Fjölnir)
Guðmundur Karl er borinn meiddur af velli og beint inn í klefa.
40. mín
Fjölnismenn eru mun nær því að bæta við en Tindastóll að jafna. Þórir Guðjónsson á skot í hliðarnetið og Ásgeir Aron Ásgeirsson á síðan þrumuskot sem Seb Furness ver með tilþrifum í horn.
44. mín
Viðar Ari kemst upp að endamörkum vinstra megin og sendir út á Þóri sem skýtur framhjá úr góðu færi.
45. mín
Búið er að flauta til leikhlés. Fjölnir leiðir verðskuldað 1-0 og það þarf töluvert mikið að breytast í síðari hálfleiknum ef að gestirnir ætla að taka með sér einhver stig heim í Skagafjörðinn.
46. mín
Inn:Max Touloute (Tindastóll) Út:Fannar Freyr Gíslason (Tindastóll)
Síðari hálfleikurinn er hafinn. Stólarnir gera eina breytingu í hálfleik.
55. mín
Síðari hálfleikurinn byrjar rólega. Tindastólsmenn eru þó líklegri en þeir voru í fyrri hálfleiknum.
57. mín
Þórir Guðjónsson á skot fyrir utan teig sem Seb Furness slær í horn.
59. mín
Besta færi Tindastóls í leiknum! Theo Furness á hörkusprett upp hægri kantinn og hann á síðan fyrirgjöf á fjærstöng á Max Toulette en hann er aðeins of seinn og nær ekki að stýra skalla sínum á markið.
61. mín
Inn:Marinó Þór Jakobsson (Fjölnir) Út:Kolbeinn Kristinsson (Fjölnir)
Marinó Þór Jakobsson kemur inn á miðjuna hjá Fjölni. Hægri bakvörðurinn Kolbeinn Kristinsson fer af velli en Illugi Þór Gunnarsson fyrirliði heimamanna tekur stöðu hans í bakverðinum.
66. mín
Ómar Hákonarson misnotar dauðafæri til að koma Fjölni í 2-0! Ómar átti fyrst of langa fyrigjöf á Bjarna sem elti boltann uppi. Bjarni sendi aftur fyrir á Ómar sem var einn og óvaldaður á fjærstöng en skalli hans fór í stöngina. Þórður Már dæmdi reyndar hornspyrnu eftir ábendingu frá aðstoðarmanni sínum en ekkert kom upp úr henni.
71. mín MARK!
Þórir Guðjónsson (Fjölnir)
Fjölnismenn eru að fara langt með að klára þennan leik. Ómar Hákonarson leggur boltann út á Þóri Guðjónsson sem skrúfar boltann upp í fjærhornið frá vítateigslínu. Fallega gert hjá Þóri sem hefur verið sprækur í dag.
76. mín
Þórir fer illa með dauðafæri! Sleppur einn í gegn en skýtur framhjá markinu.
77. mín
Inn:Aron Sigurðarson (Fjölnir) Út:Ómar Hákonarson (Fjölnir)
81. mín
Steinar Örn nálægt því að gefa mark! Max Toulette pressar á Steinar sem rennur í markteignum en á endanum fer boltinn af Max og aftur fyrir endamörk. Þarna munaði litlu!
83. mín
Inn:Pálmi Þór Valgeirsson (Tindastóll) Út:Atli Arnarson (Tindastóll)
86. mín
Ben Everson á skot í slána fyrir Tindastólsmenn. Hann fékk boltann einn og óvaldaður vinstra megin í teignum og skrúfaði hann í slána og yfir.
Leik lokið!
Leiknum er lokið með 2-0 sigri Fjölnis. Nánari umfjöllun kemur á Fótbolta.net síðar í kvöld.
Byrjunarlið:
1. Seb Furness (m)
Ingvi Hrannar Ómarsson
5. Edvard Börkur Óttharsson
6. Björn Anton Guðmundsson
7. Atli Arnarson ('83)
9. Árni Einar Adolfsson ('34)
9. Fannar Freyr Gíslason ('46)
19. Rodrigo Morin
25. Ágúst Friðjónsson

Varamenn:
12. Arnar Magnús Róbertsson (m)
6. Fannar Örn Kolbeinsson
14. Arnar Sigurðsson
20. Árni Arnarson ('34)

Liðsstjórn:

Gul spjöld:

Rauð spjöld: