Malen, Maguire, Rashford, Greenwood, Yoro, Eriksen og fleiri góðir í slúðri dagsins
Afturelding
2
3
Fram
0-1 Steven Lennon '32
Sævar Freyr Alexandersson '33
Arnór Þrastarson '55 1-1
1-2 Sveinbjörn Jónasson '60
John Henry Andrews '69 , víti 2-2
2-3 Sveinbjörn Jónasson '75
25.06.2012  -  19:15
Varmárvöllur
Borgunarbikarinn
Aðstæður: Fínar. Léttskýjað og fremur stillt.
Dómari: Þorvaldur Árnason
Byrjunarlið:
Magnús Már Einarsson
Alexander Aron Davorsson ('74)
Wentzel Steinarr R Kamban
Sigurbjartur Sigurjónsson
6. Andri Hrafn Sigurðsson
6. Birgir Freyr Ragnarsson
18. Steinar Ægisson ('81)

Varamenn:
3. Sævar Freyr Alexandersson
15. Elvar Ingi Vignisson ('74)

Liðsstjórn:
Baldvin Jón Hallgrímsson
Þorgeir Leó Gunnarsson

Gul spjöld:
Magnús Már Einarsson ('93)

Rauð spjöld:
Sævar Freyr Alexandersson ('33)
93. mín Gult spjald: Magnús Már Einarsson (Afturelding)
91. mín
Magnús Már á skot hátt yfir úr erfiðri stöðu eftir klafs í teig Framara. Hugsanlega síðasti séns heimamanna til að jafna leikinn í þriðja sinn.
Leik lokið!
Þá er leiknum lokið með sigri Framara.

Nánari umfjöllun og viðtöl koma inn á vefinn síðar í kvöld. Góðar stundir.
89. mín
Leikurinn virðist vera að fjara út en Almarr Ormarsson fær tvö góð færi með stuttu millibili en hann á jafnmörg skot framhjá markinu. Illa farið með góð færi því hann hefði getað klárað leikinn þarna.
87. mín
Inn:Þorgeir Leó Gunnarsson (Afturelding) Út:Arnór Þrastarson (Afturelding)
87. mín
Inn:Jón Gunnar Eysteinsson (Fram) Út:Sveinbjörn Jónasson (Fram)
86. mín
Inn:Orri Gunnarsson (Fram) Út:Daði Guðmundsson (Fram)
84. mín
Ögmundur í marki gestanna þarf að taka á honum stóra sínum þegar Wentzel Steinarr mundar vinstri fótinn. Boltinn barst út í teiginn til Arnórs Þrastarsonar sem náði ekki tökum á boltanum og Framarar komu hættunni hjá.
81. mín
Inn:Arnór Snær Guðmundsson (Afturelding) Út:Steinar Ægisson (Afturelding)
75. mín MARK!
Sveinbjörn Jónasson (Fram)
Framarar ná forystunni í þriðja sinn en hann skallaði góða fyrirgjöf frá hægri í fjær hornið.

Allt er þegar þrennt er? Það vonar Þorvaldur Örlygs eflaust.
74. mín
Inn:Elvar Ingi Vignisson (Afturelding) Út:Alexander Aron Davorsson (Afturelding)
Elfar Freyr Helgason
Í hliðstæðum alheimi tekur lið Frameldingar e.t.v. Á móti liðsmönnum Aftur #pæling #fótbolti
71. mín
Sigurbjartur ver skalla Stefáns Birgis frábærlega. Gestirnir hefðu getað þaggað niður í heimamönnum þarna.
69. mín Mark úr víti!
John Henry Andrews (Afturelding)
Írinn John Andrews er greinilega ekki langt niðri þrátt fyrir dapurt gengi landa hans á EM því hann skorar af miklu öryggi úr spyrnunni þar sem Ögmundur fór í vitlaust horn. 2-2 og áhorfendur og vallarþulir eru að farast úr spennu.
68. mín
Víti sem heimamenn fá!
Magnús Már Einarsson náði til knattarins og féll við tæklingu Framara.
64. mín
Heimamenn áttu hér gott færi. Aukaspyrna Aftureldingar rataði beint á kollinn á Birgi Frey sem skallaði boltann rétt framhjá en Ögmundur var kominn út úr markinu.
60. mín MARK!
Sveinbjörn Jónasson (Fram)
Sveinbjörn Jónasson stakk sér inn fyrir vörn heimamanna og lagði boltann framhjá Sigurbjarti sem kom vel út úr markinu í von um að loka markinu. Gestirnir eru því aftur komnir í bílstjórasætið.
55. mín MARK!
Arnór Þrastarson (Afturelding)
Heimamenn jafna með frábæru marki. Magnús Már Einarsson setti boltann inn fyrir á Arnór Þrastarson sem vippaði yfir Ögmund í markinu. Frábært mark og staðan orðin 1-1. Bikardraumur heimamanna hefur lifnað við.
46. mín
Leikurinn er hafinn að nýju, engar breytingar voru gerðar á liðinum í hléinu.
Ívar Benediktsson
Ég hef ekki séð fleiri áhorfendur á Varmárvelli síðan við setningu Landsmóts UMFÍ 1990 #bikarkeppniksí #aftureldingfram #fotbolti
45. mín
Þá flautar Þorvaldur til hálfleiks. Staðan er 0-1 fyrir gestina úr Pepsideildinni en markið skoraði Steven Lennon.
45. mín
Liðin hafa fá færi skapað en það stefnir allt í það að Framarar fari með eins marks forystu til búningsklefa í hálfleik.
38. mín
Sveinbjörn Jónasson kemur sér enn einu sinni í hasar. Nú fékk hann hraustlegt högg á bringuna frá Birgi þegar sá síðarnefndi ætlaði að hreinsa boltann burt. Framarar ekki sáttir með þetta og ekki kættust þeir þegar Þorvaldur Árnason stöðvaði leikinn ekki og heimamenn hentust fram völlinn í skyndisókn.
Sveinbjörn er þó staðinn upp og virðist heill.
Stefan Gunnarsson
flokkast Afturelding-Fram ekki sem derby leikur eftir ad Framarar flúðu til hæða? #fotbolti
33. mín Rautt spjald: Sævar Freyr Alexandersson (Afturelding)
Sævar Freyr sagði einhver vel valin orð til dómara leiksins eftir mark Framara við litla hrifningu hans. Sævar fékk að líta rauða spjaldið og kemur því ekki inn á völlinn í þessum leik.
32. mín MARK!
Steven Lennon (Fram)
Þá komast Framarar yfir en Steven Lennon kemur boltanum í netið við markteiginn eftir klaufalegan varnarleik heimamanna sem voru ekki nægilega ákveðnir. Þeir voru þó á þeirri skoðun að Framarar hefðu gerst brotlegir en dómarar leiksins voru því ekki sammála.
30. mín Gult spjald: Sveinbjörn Jónasson (Fram)
Sveinbjörn fær gula spjaldið fyrir að tækla Birgi Frey niður þegar heimamenn voru að gera sig líklega til að fara upp völlinn í skyndisókn. Verðskuldað.
28. mín
Nú biðja Framarar um vítaspyrnu eftir horn en þeir vilja meina að boltinn hafi farið í hönd heimamanns í teignum.
Tómas Þór Þórðarson
Ef @maggimar fer eftir leiðbeiningum mínum skorar hann á Framarana í kvöld. Búinn að leggja honum línurnar. #fotbolti #cupset
19. mín
Leikurinn er kominn í talsvert meira jafnvægi og einkennist af baráttu beggja liða á miðjusvæðinu.
13. mín
Nú fékk Sveinbjörn nákvæmlega sama færið og rétt áðan, aftur féll boltinn á vinstri fótinn og var skotið töluvert betra í þetta skiptið. Sigurbjartur varði hins vegar vel og hættan leið hjá.
10. mín
Sveinbjörn Jónasson sem hefur verið sprækur í framlínu Framara fékk ágætisfæri í miðjum teignum en máttlaust skot hans með vinstri fót olli Sigurbjarti í marki Aftureldingar engum vandræðum.
7. mín
Hurð skall nærri hælum Þorvalds Örlygs en heimamenn fengu fyrsta færi leiksins eftir langt innkast Atla. Alexander Aron virtist togaður niður í teignum og boltinn barst á fjærstöngina en boltinn lak rétt framhjá.
5. mín
Framarar koma sterkari til leiks en heimamenn liggja talsvert til baka. Ekkert færi hefur þó litið dagsins ljós.
1. mín
Þorvaldur Árnason hefur þá flautað til leiks en Framarar byrja með boltann.
Fyrir leik
Það er létt yfir mönnum hér í Mosfellsbænum enda er sólin farin að skína og nánast blankalogn. Til þeirra sem heima sitja og hafa kost á að koma sér á völlinn hef ég þessi skilaboð: Smellið ykkur á Varmárvöll, þetta stefnir í gott kvöld.
Fyrir leik
Fótbolti.net vill minna knattspyrnuáhugamenn sem eru það tæknivæddir að vera orðnir virkir á samskiptavefnum Twitter að vera duglegir að tísta um leikina.
Merkið tístin ykkar með #fotbolti.
Takið þátt í gleðinni gott fólk.
Fyrir leik
Skemmtileg staðreynd:
Á þjóðarleikvang okkar Íslendinga mættu aðeins 241 áhorfendur að horfa á leik Fram og Hauka í 32-liða úrslitum Borgunarbikarsins. Undirritaður skal hundur heita í að minnsta kosti tvær vikur ef sá áhorfendafjöldi verður ekki toppaður á Varmárvelli í kvöld.
Fyrir leik
Leið liðanna í Borgunarbikarnum 2012:

Afturelding sigraði Stál-Úlf 1-4 í fyrstu umferðinni, Kára 3-0 í annarri umferð og Þrótt Vogum 1-3 í þriðju umferð.

Fram hefur aðeins keppt einn leik í Borgunarbikarnum í ár en þann leik sigruðu þeir eftir vítakeppni, 3-4 gegn Haukum á Laugardalsvelli.
Fyrir leik
Heimamenn hafa verið á mikilli siglingu í 2. deildinni að undanförnu og hafa sigrað fjóra af síðustu fimm deildarleikjum og eru að auki taplausir á heimavelli í sumar.
Þeir sitja í fimmta sæti 2. deildar eftir sjö umferðir með 13 stig, þremur sætum frá toppsætinu en deildin er jöfn og spennandi.

Gestirnir hafa hins vegar ekki náð að fylgja frábæru undirbúningstímabili eftir. Eftir átta umferðir hafa þeir aðeins nælt sér í sex stig með tveimur sigurleikjum og aðeins náð að skora sjö mörk. Þeir eru því í 11. sæti Pepsi-deildarinnar sem er næstneðsta sæti deildarinnar og því fallsæti.

Þetta stefnir því í afar áhugaverðan leik. Lið Aftureldingar fær sterka mótherja í heimsókn og fá tækifæri til að halda bikardraum sínum á lífi.
Þorvaldur Örlygsson lítur eflaust á þetta sem tækifæri til að koma Fram aftur á flug en margir telja hann undir mikilli pressu þessa dagana eftir ákaflega dapurt gengi í deildinni.
Fyrir leik
Velkomin í textalýsingu Fótbolta.net úr Mosfellsbænum en hér á Varmárvelli taka heimamenn í Aftureldingu á móti Pepsi-deildarliði Fram í Borgunarbikarnum.

Frekari upplýsingar og byrjunarlið koma hingað inn þegar nær dregur.
Byrjunarlið:
1. Ögmundur Kristinsson (m)
Halldór Hermann Jónsson
Daði Guðmundsson ('86)
11. Almarr Ormarsson
14. Hlynur Atli Magnússon (f)
21. Stefán Birgir Jóhannesson

Varamenn:
1. Denis Cardaklija (m)
10. Orri Gunnarsson ('86)

Liðsstjórn:

Gul spjöld:
Sveinbjörn Jónasson ('30)

Rauð spjöld: