Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
2
1
Grindavík
0-1 Daníel Leó Grétarsson '17
Ingimundur Níels Óskarsson '52 1-1
Ingimundur Níels Óskarsson '85 , víti 2-1
16.07.2012  -  19:15
Fylkisvöllur
Pepsi-deildin
Aðstæður: Brakandi blíða
Dómari: Vilhjálmur Alvar Þórarinsson
Maður leiksins: Ingimundur Níels Óskarsson
Byrjunarlið:
Bjarni Þórður Halldórsson
4. Finnur Ólafsson
4. Andri Þór Jónsson ('44)
7. Ingimundur Níels Óskarsson
11. Kjartan Ágúst Breiðdal
16. Tómas Joð Þorsteinsson
17. Davíð Þór Ásbjörnsson
24. Elís Rafn Björnsson

Varamenn:
2. Ásgeir Eyþórsson
49. Ásgeir Örn Arnþórsson

Liðsstjórn:
Oddur Ingi Guðmundsson

Gul spjöld:
David Elebert ('37)

Rauð spjöld:
Fyrir leik
Heil og sæl! Sólin skín og vel það í Árbænum. 20 stiga hiti segir vallarklukkan.

Framundan er leikur Fylkis og Grindavíkur.

Byrjunarliðin eru komin inn. Pape Mamadou Faye er að glíma við meiðsli og byrjar á bekknum gegn sínu gamla félagi. Pape búinn að skora í síðustu þremur leikjum Grindavíkur.

Ásgeir Börkur Ásgeirsson er ekki með Fylki í kvöld þar sem hann tekur út leikbann.
Fyrir leik
Scott Ramsey er í banni og ekki með Grindavík sem hefur fimm varamenn á bekknum. Ég ætla að giska á að Guðjón Þórðarson muni ekki nota allar sínar skiptingar í kvöld.

KR-ingurinn Vilhjálmur Alvar Þórarinsson dæmir og honum til aðstoðar eru þeir Leiknir Ágústsson og Jóhann Gunnar Guðmundsson.

Grindavík er í neðsta sæti með 6 stig en liðinu hefur þó gengið vel í síðustu leikjum. Það er komið í undanúrslit bikarsins og vann 2-0 sigur á Val í síðasta deildarleik sínum.

Fylkir er í níunda sæti, fimm stigum frá fallsæti.
Fyrir leik
Breyting á skýrslu hjá Grindavík. Mikael Eklund dettur út, eitthvað meiddur. Hinn 17 ára Daníel Leó Grétarsson kemur inn í hans stað.
1. mín
Leikurinn er hafinn - Gestirnir í Grindavík byrjuðu með boltann.
9. mín
Barningur í byrjun leiks. Ef mið er tekið af fyrstu mínútunum þá verður þetta engin blússandi skemmtun.
11. mín
Eins og þruma úr heiðskíru lofti kemur dauðafæri hjá Grindavík. Magnús Björgvinsson í dauðafæri en skot hans hittir ekki markið.
17. mín MARK!
Daníel Leó Grétarsson (Grindavík)
Vörn Fylkis upp á gátt! Alex Freyr Hilmarsson með frábæran undirbúning og átti skot sem Bjarni Þórður varði. Daníel Leó Grétarsson hirti frákastið og skoraði.
20. mín
Þetta hressir upp á leikinn! Daníel Leó Grétarsson átti ekki að vera í byrjunarliðinu en kom inn í staðinn fyrir Eklund sem meiddist í upphitun. Daníel er að spila sinn fyrsta byrjunarliðsleik í efstu deild, fæddur 1995.
26. mín
Árni Freyr í flottu skotfæri en hitti boltann mjög illa. Fylkismenn ekki náð að ógna marki Grindavíkur enn.
29. mín
Davíð Þór Ásbjörnsson leikinn grátt af Óla Baldri Bjarnasyni og Grindavík í dauðafæri tveir gegn einum. Óli renndi boltanum á Magnús Björgvinsson sem tók illa á móti boltanum og Bjarni átti að verja. Vörnin hjá Fylki ekki sannfærandi.
29. mín
Inn:Pape Mamadou Faye (Grindavík) Út:Marko Valdimar Stefánsson (Grindavík)
Marki Valdimar meiddur svo Pape er kominn inn á sínum gamla heimavelli.
35. mín
Fylkismenn vildu fá dæmda hendi innan teigs og fá vítaspyrnu. Vilhjálmur Alvar dæmdi ekkert. Svo átti Kjartan Ágúst skot sem Óskar Pétursson varði frábærlega. Eftir hornið fékk Davíð Ásbjörnsson dauðafæri en hitti ekki markið.
37. mín Gult spjald: David Elebert (Fylkir)
38. mín
Pape í hörkufæri en Bjarni Þórður varð skalla hans frábærlega.
44. mín
Inn:Oddur Ingi Guðmundsson (Fylkir) Út:Andri Þór Jónsson (Fylkir)
Skipting vegna meiðsla.
45. mín
Hálfleikur Nú getur fólk svalað þorstanum í góða veðrinu í Árbænum. Fylkismenn þurfa að gera miklu betur í seinni hálfleik. Stuðningsmenn þeirra eru ósáttir við frammistöðuna.
46. mín
Seinni hálfleikur hafinn
47. mín
Pape með fyrsta skot seinni hálfleiksins en hitti ekki markið.
50. mín Gult spjald: Hafþór Ægir Vilhjálmsson (Grindavík)
52. mín MARK!
Ingimundur Níels Óskarsson (Fylkir)
Ingimundi leiddist greinilega þófið og Fylkismenn hafa jafnað upp úr þurru. Ingimundur fékk mikinn tíma og átti skot sem söng í netinu. Menn ræða um það í blaðamannastúkunni hvort Óskar hefði átt að verja þetta.
58. mín
Mörg þekkt andlit meðal vallargesta í dag. Sigurvin Ólafsson, Mikael Torfason og Hjörvar Hafliðason þar á meðal.
61. mín
Inn:Magnús Þórir Matthíasson (Fylkir) Út:Jóhann Þórhallsson (Fylkir)
73. mín
Voðalega lítið að frétta í þessum leik núna. Finnur Ólafsson átti langskot sem hamraðist framhjá.
81. mín
Árni Freyr Guðnason í hörkufæri eftir sendingu frá Tómasi Joð. Boltinn lak naumlega framhjá.
85. mín Mark úr víti!
Ingimundur Níels Óskarsson (Fylkir)
Glórulaust brot og víti! Daníel Leó Grétarsson braut klaufalega á Tómasi Joð Þorsteinssyni þegar hann var á leiðinni út úr teignum. Ingimundur Níels á punktinn, sendi Óskar í rangt horn og skoraði.
90. mín
Inn:Andri Már Hermannsson (Fylkir) Út:Árni Freyr Guðnason (Fylkir)
93. mín Gult spjald: Alex Freyr Hilmarsson (Grindavík)
93. mín
Leik lokið - Heimamenn náðu að sigla þremur stigum í hús.
Byrjunarlið:
1. Óskar Pétursson (m)
Ray Anthony Jónsson
Óli Baldur Bjarnason
3. Daníel Leó Grétarsson
3. Marko Valdimar Stefánsson ('29)
7. Alex Freyr Hilmarsson
9. Matthías Örn Friðriksson
11. Hafþór Ægir Vilhjálmsson
17. Magnús Björgvinsson
24. Björn Berg Bryde

Varamenn:
2. Hákon Ívar Ólafsson

Liðsstjórn:
Benóný Þórhallsson

Gul spjöld:
Alex Freyr Hilmarsson ('93)
Hafþór Ægir Vilhjálmsson ('50)

Rauð spjöld: